Заев во посета на Црна Гора

Претседателот на Владата, Зоран Заев зедно со владина делегација од денеска е во дводневна официјална посета на Црна Гора каде во главниот град Подгорица  утре ќе се одржи првата заедничка седница меѓу владите на двете земји.


Заедно со владината делегација  престојува и поголема делегација стопанственици, членови на стопанските комори од земајва.


На седницата се очекува да бидат разгледани повеќе информации од интерес за двете земји за развивање и продлабочување на идната соработка и ќе бидат потпишани повеќе договори и меморандуми за соработка од областа на внатрешните работи, од заштитата на животната средина и од здравството.


На заедничката владина седница ќе му претходи бизнис-форумот, кој ќе го  отворат премиерите Заев и Марковиќ,  и претседателите на Стопанската комора на Црна Гора и на Северна Македонија, Властимир Голубовиќ и Бранко Азески.