Министрите Коѕијас и Димитров се среќаваат во Солун заедно со нивните колеги од Бугарија и од Албанија. Последните месеци интензивно се разговара за прашањето за името, но по сè изгледа, ерга омнес останува главен проблем.
Чешкиот претседател Милош Земан изјави дека во Чешка било произведено и тестирано мало количество на отровот новичок и покрај тоа што Безбедносната информативна служба која ја истражувала можната чешка трага во аферата со труењето на екс рускиот шпион Сергеј Скрипал констатира дека немало такво нешто. „Кај нас бил произведен и тестиран новичок, во мало количество и потоа уништен. Знаеме каде, знаеме кога и лицемерно е да се преправаме дека тоа кај нас го немало“, изјави Земан.
Во Македонија денеска се одбележуваат 115 години од смртта на револуционерот Гоце Делчев, кој на денешен ден во 1903 бил убиен од турската војска во селото Баница, на пат кон Сер. По тој повод делегација на Владата на Република Македонија, предводена од премиерот Зоран Заев ќе оддаде почит и ќе положи цвеќе на гробот на Гоце Делчев во црквата „Свети Спас“ во Скопје. Визионерот кој пред повеќе од еден век го разбра светот како поле за културен натпревар на народите е роден на 4 февруари 1872 година во Кукуш, во семејството на Султана и Никола. Читать дальше...
Претседателот на Европската комисија Жан Клод Јункер ја повика Белгија да им додели државјанство на Британците вработени во институциите на ЕУ за да се реши нивниот статус по Брегзитот. Над 1.100 државјани на Британија работат во европските институции во Брисел и Луксембург. Британците од март идната година ќе престанат да бидат државјани на ЕУ. „Владата ги испитува правните можности за ова прашање кое погодува голем број луѓе кои долго време живеат во нашата земја“, изјави белгискиот премиер Шарл Мишел.
Ситуацијата со бегалците и мигрантите на грчките острови станува се потензична. Дојденците се жалат на лошите услови во камповите, додека домаќините на однесувањето на мигрантите. Најтензично беше во Лезбос што го принуди премиерот Алексис Ципрас да го посети островот. Во исто време, бегалците се враќаат на старите копнени рути.
Грчкиот премиер Алексис Ципрас ја бранеше контраверзната спогодба меѓу ЕУ и Турција за мигрантите во обид да го ублажи гневот на грчкиот остров Лезбос каде што има скоро 9 илјади бегалци и мигранти. „Да го немаме тој договор, работата би била три пати полоша“, изјави тој, додавајќи дека пред три години секој ден пристигнувале до 5 илјади луѓе. Посетата на Ципрас на Лезбос беше проследена со демонстрации и генерален штрајк.
„Врз база на сегашните и претходните средби што сум ги имала одговорно тврдам дека потезите што ги направи Македонија не само во поглед на преговорите за името, во поглед на аеродрoмот и автопатот, покажаа дека, од вселената Македонија е заинтересирана за решение“. Ова го изјави вицепремиерката и министерка за одбрана Радмила Шекеринска за Телма, наведувајќи дека во целиот процес Македонија кај меѓународната заедница е доживеана како зрела, одговорна и концентирана држава. Според неа, за интеграциите... Читать дальше...
Во Македонија претпладне ќе биде сончево, а попладне ќе има локален развој на нестабилна облачност проследена со пороен дожд и грмежи. Ќе дува умерен, а долж Повардарието засилен ветер од југоисточен правец. Максималната температура ќе се движи од 18 до 29 степени. Во Скопје и околината слично време со температура до 28 степени.
