Новости за 17.05.2018

Во Софија започна средбата на премиерите на Македонија и на Грција Зоран Заев и Алексис Ципрас на маргините на самитот ЕУ-Западен Балкан. На средбата ќе стане збор за спорните прашања во преговорите меѓу двете земји околу решението за спорот за името. „Се надевам дека токму на Самитот на ЕУ и Западен Балкан и на средбата со грчкиот премиер, ќе можеме да ги потврдиме досегашните успеси и, ако не друго, да проговориме за начините за изнаоѓање на решение“, изјави деновиве премиерот Заев. Ова е втора тет-а-тет средба на двајцата лидери. Читать дальше...

Во насилни протести во иранскиот град Казерон загина најмалку едно лице, а шест се повредени, јавија медиуми од земјата. Според нив, демонстрантите запалиле и полициска станица. Полицијата отворила оган со цел да ги растера демонстрантите. Протестите во градот се одвиваат неколку недели и досега беа мирни. Тие се противат на одлуката ан локалните власти да оддели неколку реони од градот и да ги спои нив во нов град. Властите ветија дека нема да ги поделат реоните.

Комитетот на американскиот Сенат за разузнавачки работи соопшти дека се согласува со минатогодишната оценка на разузнавачките агенции дека Русија се мешала во претседателските избори во САД за да и нанесе штета на кандидатката на демократите Хилари Клинтон и да му помогне на сегашниот претседател Доналд Трамп. Претседателот на Комитетот Ричард Бер изјави дека по 14 месечна проценка на изворите и анализи, членовите на Комитетот не гледаат причина да не ги прифатат заклучоците на разузнавачките служби. Читать дальше...

„Оваа година кога одбележуваме 25-години од дипломатските односи меѓу Македонија и Велика Британија, врските меѓу нашите земји се посилни од кога и да е“. Ова се наведува во соопштението на кабинетот на британската премиерка Тереза Меј која по учеството на самитот ЕУ, Западен Балкан во Софија ќе допатува во посета на Македонија. Во соопштението се додава дека Тереза Меј ќе биде првиот британски премиер кој стапнал на Западен Балкан уште од посетата на Тони Блер во 1999 година. Од нејзиниот... Читать дальше...

Претседателот Реџеп Таип Ердоган ја води Турција во бездна, оценува главниот негов ривал на претстојните претседателски избори Мухарем Инче. Според него, тоа го покажува и сегашниот рекорден пад на вредноста на лирата.

„Направен е напредок, но има уште пат да се изоди“, напиша грчкиот премиер Алексис Ципрас на Твитер во однос на преговорите за името, објавувајќи фотографии од подготвителниот Самит на партијата на европските социјалисти во Софија, во рамките на Самитот ЕУ-Западен Балкан, на кој присуствуваше и македонскиот премиер, Зоран Заев. „На Самитот на Партијата на европските социјалисти, лидерите ги поздравија досегашните наши напори за да најдеме заемно прифатливо решение за името. Истакнаа дека само прогресивни лидери би можеле да го постигнат тоа. Читать дальше...

Денешниот самит во Софија меѓу шефовите на држави или влади на земјите-членки на Европската унија и нивните колеги од регионот на Западен Балкан се одржува под темата „Поврзаност“. Станува збор за разгледување на можностите за подобрување на врските во областа на транспоротот, енергијата, дигиталната инфраструктура, образованието. На самитот ќе претседава претседателот на Европскиот совет, Доналд Туск, кој ќе ја претставува ЕУ заедно со претседателот на Европската комисија, Жан-Клод Јункер. Исто така... Читать дальше...

Премиерите на Македонија и на Грција Зоран Заев и Алексис Ципрас денеска претпладне во Софија ќе ја имаат својата втора тет-а-тет средба. Таа ќе се одржи на маргините на самитот ЕУ-Западен Балкан, на кој ќе се расправа за европерспективите на земјите од регионот. „Се надевам дека токму на Самитот на ЕУ и Западен Балкан и на средбата со грчкиот премиер, ќе можеме да ги потврдиме досегашните успеси и, ако не друго, да проговориме за начините за изнаоѓање на решение“, изјави деновиве премиерот Заев.

Во Македонија ќе биде сончево со мала до умерена облачност и со слаб до умерен ветер од западен правец. Максималната температура ќе се движи од 17 до 28 степени. Во Скопје и околината слично време со температура до 27 степени.