Новости за 28.05.2018

Ниту по 12 недели од одржувањето на парламентарните избори, што е рекорд во историјата на Републиката, Италија нема влада. Весникот „Кориере дела сера“ објави дека партиите веќе размислуваат за предвреемни избори што може да се одржат на 9 септември. Весникот наведува дека во резиденцијата на претседателот на Италија Серџо Матарела кој одби да го прифати предлогот евроскептичниот Паоло Савона да биде министер за економија, во тек се драматични часови откако популистичкиот мандатар Џузепе Конте синоќа му го врати мандатот. Читать дальше...

Министрите за надворешни работи на Македонија и на Грција, Никола Димитров и Никос Коѕијас до доцна синоќа преговарале и постигнале рамка за компромис за името. „Имавме продуктивна средба, имаме рамка што треба да се доработи и на неа во моментов правни тимови од двете министерства во Атина работат, се планира важен разговор на премиерско ниво, Заев со Ципрас кон средината на оваа недела, каде се надеваме дека ќе се пресечат некои важни работи од опциите што се во игра“, изјави Димитров. „Мислам дека тоа треба да го оставиме на премиерите. Читать дальше...

Премиерите на Македонија и Грција, во периодот откако ги известија политичките сили во двете земји пред една седмица, најмалку еднаш, а можеби и два пати, разговарале телефонски за прашањето за името, објави грчката телевизија „Скај“. Темата на разговор, била имплементацијата на ерга омнес за име од пакетот предлози на медијаторот Нимиц. Како што јави дописничката на МИА од Атина, новинарот од грчката телевизија коментира, дека „откако потона Илинден се чини дека е во тек маратон за да не се загуби... Читать дальше...

Во Брисел вчера имало нова рунда преговори за името меѓу шефовите на дипломатиите на Македонија и Грција, Никола Димитров и Никос Коѕијас, на која била договорена рамката за компримис во дводенецискиот спор, јави диписникот на МИА од Брисел. Дел од грчките медиуми највуваат дека изминатите два дена телефонски разговор имале и премиерите Зоран Заев и Алексис Ципрас, а не е исклучено во следните денови да дојде до нов телефонски контакт, па дури и нова средба.  Рамката што синоќа била договорена... Читать дальше...

Бугарската агенција за безбедност на храна соопшти денеска дека на фарма за патки во село на севроисток во државата е регистрирана епидемија на птичји грип. Околу фармата е поставена затштитна зона од околу три километри и властите почнале со уништување на живината. Тоа е втора епидемија на птичји грип во селото Стефаново од октомври кога таму беа уништени 10.000 патки. Засега не соопштено за кој вид птичји грип се работи. Од декември во Бугарија се регистрирани неколку епидемии на таа болест. Читать дальше...

Мандатарот за состав на нова италијанска влада Џузепе Конте синоќа му пренел на претседателот на Италија Серџо Матарели дека не успеал да формира влада и му го врати мандатот. Проблемот настанал откако лидерот на десничарската Лига Матео Салвини инсистирал министер за економија во новата влада да биде евроскептичниот Паоло Савона, кој го отвори прашањето за можно излегување на Италија од еврозоната, додека Матарела е цврсто проевропски настроен.

Приврзаниците на десничарската Алтернатива за Германоја протестираа на улиците на Берлин против канцеларката Ангела Меркел. Меѓутоа на многобројни контра собири се собраа повеќе луќе отколку на протестот на десничарите. Полицијата наведе дека на протестот против владата имало околу 5 илјади луѓе, додека на другите собири околу 25 илјади, како и тоа дека полициските сили оневозможувале да дојде до контакт меѓу спротивставените страни. Во Берлин вчера беа разместени над 2 илјади полицајци, а собирите завршија без инциденти.

Американски и севернокорејски официјални претставници се состанаа на границата помеѓу Северна и Јужна Кореја, во подготовка на најавената па одложена од претседателот Донлад Трамп негова средба со севернокорејскиот лидер Ким Џонг Ун во Сингапур.

Американскиот претседател Доналд Трамп изјави дека делегација на САД пристигнала во Северна Кореја за да се договори за неговата средба со севернокорејскиот лидер Ким Џонг Ун. Трамп на Твитер напиша и дека „Северна Кореја има брилијантен потенцијал“ и оти „еден ден ќе биде голема економска и финансиска нација“. „Ким Џонг Ун се согласува со мене околу ова. Тоа и ќе се случи“, наведува Трамп. Тој во писмото од четвртокот го откажа неговиот состанок, планиран за 12 јуни во Сингапур, а во петокот соопшти дека самитот сепак би можело да биде одржан.

Министерот за надворешни работи Никола Димитров на денешниот појадок со неговите колеги од Европската Унија ќе ги информира европските министри за текот на реформите во земјата и ќе бара од нив, како што јавува МИА, повикувајќи се на дипломатски извори во Брисел, да го „препознаат историскиот момент за Македонија и регионот“. Неформалниот појадок, организиран од страна на Бугарија и Австрија, односно од сегашното и следното претседателство на ЕУ, ќе се одржи еден час пред почетокот на редовниот совет на ЕУ за надворешни работи. Читать дальше...

„Одбележувањето на 1000-годишниот јубилеј на Охридската архиепископија е настан со кој би се гордеел секој народ и секоја помесна Црква, настан што ја потврдува нашата вековна вистина, настан на кој се потпираат и нашето минато и нашата сегашност и нашата иднина“. Ова го истакна поглаварот на Македонската православна црква – Охридска архипеископија г.г. Стефан во обраќањето пред присутните во црквата „Света Софија“ во Охрид на Свечената академија што синоќа се одржа по повод одбележувањето на Милениумското постоење на Охридската архиепископија.

Во Македонија ќе биде сончево и топло со мала до умерена локална облачност. Попладне локално ќе има нестабилна облачност проследена со краткотраен пороен дожд и грмежи. Поголема нестабилност ќе има во западните и југоисточните делови, каде што е можно краткотрајно процесите да бидат поинтензивни. Максималната температура ќе се движи од 22 до 31 степен. Во Скопје и околината слично време со температура до 30 степени.