Новости за 18.04.2019

Американското Министерство за правда соопшти дека извештајот на специјалниот советник Роберт Мулер за истрагата за руското мешање во американските претседателски избори ќе биде објавен денеска. Скратената верзија во која ќе нема делови кои се означени како доверливи ќе му биде доставена на Конгресот, а потоа ќе биде достапна до јавноста. Мулер ја заврши истрагата во март и извештајот од 400 страници му го предаде на министерот за правда Вилијем Бар кој потоа изјави дека Мулер не открил завера во текот на изборната кампања.

Пејачката Тејлор Свифт, телевизиската новинарка Гејл Кинг и фудбалската ѕвезда Мухамед Салах се меѓу шесте познати највлијателни луѓе според американскиот магазин „Тајм“, кој го објави годишниот список од 100 највлијателни луѓе во светот. На списокот се наоѓаат и американскиот претседател Доналд Трамп и специјалниот обвинител Роберт Мулер кој ја водеше истрагата за можната вмешаност на Русија во американските претседателски избори.

Северна Македонија останува на 95-то место според последниот светски индекс за слободата на медиумите на Репортери без граници (РСФ), исто како и минатата година, кога земјата рипна за 14 места. Главна забелешка на Репортери без граници оваа година е состојбата во јавниот сервис, МРТВ, каде владата сѐ уште не спровела реформи. „Иако ситуацијата се стабилизираше во 2018, новата влада сѐ уште не го изменила Законот за јавниот радиодифузер, спротивно на она што го најавуваше во 2017“, нагласува организацијата... Читать дальше...

ВМРО-ДПМНЕ и СДСМ меѓусебно се обвинуваат за нерегуларности во изборниот процес и за подготвување терен за бојкот. Сепак, аналитичарите засега не гледаат црвста подлога ниту за едното, ниту за другото.

Турскиот опозициски кандидат Екрем Имамоглу ја презеде функцијата градоначалник на Истанбул, по неверојатна победа над владејачката партија на претседателот Реџеп Таип Ердоган. Сепак, новиот шеф на најголемиот град во земјата се уште се соочува со можноста за повторување на изборите.

Претседателот на Србија Александар Вучиќ изјави дека Србија направила се за да дојде до компромис со косовските Албанци, но оти му се чини дека сите во Србија, регионот, Европа и светот „ја погребале шансата за каков било договор“. Тој за весникот „Блиц“ изјави дека било важно тоа што Србија покажала оти била подготвена за разговор и за постигнување компромис. „Но, ние нема да прифатиме да не добиеме ништо“, изјави Вучиќ.

Најмалку 28 луѓе загинале во автобуска несреќа на португалскиот остров Мадеира, соопштија локалните власти. Локалните медиуми јавуваат дека автобусот кој превезувал над 50 патници свртел од патот и се превртел. Повеќето од жртвите биле германски туристи. Полицијата ги истражува причините за несреќата.

Во сојузниот суд во Бруклин, македонскиот државјанин Џеваир Аметовски е осуден на 90 месеци затвор, откако претходно се изјасни за виновен за кражби на идентитет. Овие злосторства биле поврзани со работата на Аметовски на „Codeshop“, веб-сајт кој тој го создаде со единствена цел да продава украдени податоци за кредитни и дебитни картички, акредитиви за банкарски сметки и лични информации за идентификација. Судијата му нареди на обвинетиот да врати 250.000 американски долари и да плати надомест во износ што треба да го утврди Судот подоцна. Читать дальше...

Ќе биде променливо облачно со повремени врмежи од дожд. Локално врнежите ќе бидат поројни проследени со грмежи и засилен ветер. Утринската температура ќе се движи од -1 до 7, а дневната од 10 до 20 степени. Во Скопје и околината слично време. Утринската температура ќе биде околу 6, а дневната ќе достигне до 16 степени.