Новости за 18.12.2019

Направа што наликува на рачна бомба е пронајдена изутринава покрај автомобил на паркинг-просторот во близна на Средното уметничко училиште „Лазар Личеноски“ во Скопје, поради што се евакуирани сите присутни во објектот, потврди полицијата. Од МВР соопштија дека се уште се утврдува дали станува збор за школска или за вистинска бомба. Во инцидентот нема повредени, а на учениците и наставниците им е забранет пристап до училишната зграда.

Владата под најавените услови го потпишала договорот за бесплатна хеликоптерска итна медицинска услуга со фирмата „САРХЕМС“. Од Владата тврдат дека проектот нема да ја чини државата ни денар, од опозицијата бараат обвинителството да отвори истрага.

Претставничкиот дом на американскиот Конгрес одобри закон со кој се обезбедуваат милијарда долари за енергетски проекти во Источна Европа и Евроазија со цел да се ослободи регионот од зависноста на руски гас и нафта. Ова е предвидено во пакетот за трошоци кој има за цел владата да функционира без прекин во идната година. Пакетот е вреден околу 1,4 трилиони долари и се очекува да мине во Сенатот и да биде потпишан од претседателот Доналд Трамп во текот на оваа недела.

Косовскиот вицепремиер и министер за надворешни работи во заминување Беџет Пацоли соопшти дека на косовски обвинител му предал „илјадници документи“, кои, според него, ја докажуваат „српската геноцидна политика против Косово и масовните убиства извршени од југословенскии војници министерство за внатрешни работи и парламентарци под контрола на Белград“. Тоа Пацоли го соопшти преку Твитер, со оценка дека осомничените за тие злосторства слободно шетаат по Белград. Во друга објава пацоли напиша дека... Читать дальше...

Негирањето на македонскиот јазик и македонските дијалекти од страна на Бугарската академија на науките е дел од политиката на негирањето на македонското малцинство во Бугарија, изјави американскиот лингвист Виктор Фридман. Заклучокот на БАН дека македонскиот јазик на постои, односно дека е дијалект на бугарскиот јазик е враќање во времето на фашизмот, смета професорот Фридман, долгогодишен шеф на Катедрата за јужнословенски јазици на Универзитетот во Чикаго кој повеќе од 30 години се заминава со лингивистиката на Балканот. Читать дальше...

Претставничкиот дом на американскиот Конгрес денеска ќе расправа, а потоа и ќе гласа за двете обвинувања против Трамп дека ја злоупотребил функцијата и дека ја попречувал истрагата во врска со тоа дали ја условил воената помош за Украина со тоа Киев да покрене постапка против неговиот претседателски ривал демократот Џо Бајден.

Неколку минути откако спикерот на Претставничкиот дом Ненси Пелоси објави дека Домот денеска ќе гласа за импичмент, претседателот Доналд Трамп ја обвини за „обид за пуч“ и за „поткопување на американската демократија“. Во писмото од шест страници Трамп и порачува на Пелоси дека „историјата остро ќе и суди“. Претставничкиот дом денеска ќе расправа, а потоа и ќе гласа за двете обвинувања против Трамп дека ја злоупотребил функцијата и дека ја попречувал истрагата во врска со тоа дали побарал од Украина... Читать дальше...

Претседателот на Република Северна Македонија Стево Пендаровски денеска, како што е најавено,треба да има годишно обраќање пред пратениците во македонското Собрание. Веднаш потоа парламентот ќе одржи три седници, а закажана е и седница на собраниската Комисија за политички систем и односи меѓу заедниците.

По котлините во поголем дел од денот ќе се задржи магливо, облачно и постудено. Во останатите подрачја сончево и потопло со мала до умерена облачност. Утринската температура ќе биде од минус четири до пет, а дневната од пет до 16 степени. Во Скопје и околината слично време. Утринската температура ќе биде околу нулата, а дневната ќе достигне до шест степени.