Новости за 04.04.2021

Косовскиот парламент денеска ја избра Вјоса Османи, кандидат на владејачкото движење Самоопределување, за нов претседател на земјата. Со 71 глас, Османи беше избрана на третото гласање. Осумдесет и двајца пратеници учествуваа на гласањето, но 11 гласачки ливчиња беа дисквалификувани. Противникот на Османи, Насуф Бејта, не обезбеди гласови. Изборите се одржаа по еден ден откако парламентот не избра претседател затоа што не беше во можност да ги обезбеди 80-те гласови потребни за формирање кворум. Читать дальше...

Во Бугарија излезните анкети покажуваат дека партија "ГЕРБ" на премиерот Бојко Борисов води на парламентарните избори, но оти се соочува со тежок предизвик за коалицирање.

Нови 734 случаи со ковид-19 се регистрирани во последните 24 часа од направени 3246 тестирања. Во изминатото деноноќие починале 35 пациенти, меѓу кои и 28-годишен од Охрид, а оздравени се 621, соопшти Министерството за здравство. Од новодијагностицираните, најмногу се од Скопје -313, а во внатрешноста најмногу новозаразени има во Битола – 75, Куманово – 46, и во Прилеп – 38. Регистрирани се 621 оздравен пациент Од почетокот на епидемијата во земјава, бројот на ковид-дијагностицирани лица... Читать дальше...

Како последица на вирусот ковид-19, почина поранешниот градоначалник на Демир Капија, Трајче Димитриев, кој во два наврата по два мандата раководеше со демиркаписката општина. Димитриев беше на 63 годишна возраст. Димитриев прво бил во болница во Кавадарци една недела, а потоа во Скопје, каде по подобрување на состојбата дошло до нагло влошување и починал.

Министерството за здравство денеска информира дека и покрај големиот притисок врз болниците во државата, кои се побрзо се исполнуваат со ковид-пациенти, обезбедени се слободни места на повеќе клиники, Институтот за белодробни заболувања Козле, како и на интерните клиники. "Сите болници и медицински кадар се целосно мобилизирани. И во болниците низ државата, секојдневно системот се менаџира, помеѓу постојаните инфективни одделенија во здравствените установи и модуларните болници, се наведува во соопштението од Министерството за здравство. Читать дальше...

Руската влада го продолжи договорот за вселенска соработка со Соединетите држави до 2030 година, што е едно од ретките преостанати партнерства меѓу Москва и Вашингтон во услови на тензични  односи. Премиерот на Русија Михаил Мишустин го одобри и потпиша продолжувањето на 3 април, се вели во соопштението на Владата. Оригиналниот договор за соработка, потпишан во 1992 година и продолжуван четири пати претходно, ги постави темелите за широки проекти поврзани со вселената и истражување меѓу НАСА и Роскосмос, вселенските агенции на двете земји. Читать дальше...

Папата Франциск во својата велигденска порака денеска ја повика меѓународната заедница да ја забрза дистрибуцијата на вакцините против ковид-19 како и да обезбеди снабдување на најсиромашните земји. „Пандемијата сè уште се шири, додека социјалната и економската криза останува сериозна, особено за сиромашните“, рече папата во традиционалната порака „Урби ет Орби“. „Секој, особено најранливиот меѓу нас, бара помош и има право да има пристап до потребната грижа“, рече папата Франциск. Тој ги нарече... Читать дальше...

Во изминатите 24 часа во ковид центрите во болниците низ земјава е пријавено дека се лекуваат вкупно 1036 пациенти позитивни и суспектни на корона вирусот  и има околу 220 празни болнички кревети во ковид-центрите, информираат од Министерството за здравство. Во изминатите 24 часа пак во ковид центрите во Скопје се хоспитализирани 65 нови пациенти поради компликации од корона вирусот, а вкупно во главниот град се лекуваат 703 лица сомнителни и потврдени за ковид-19. Голем дел од пациентите се на кислородна поддршка. Читать дальше...

Во последните 24 часа забележани се 1.376 новозаразени со корона вирусот во Хрватска, а починаа 33 лица или вкупно  6.058 досега.  Во оваа земја бројот на активни случаи е 13.432 од кои 1.511 пациенти се на болничко лекување, а 158 на респиратор. Од почетокот на епидемијата во Хрватска од Ковид-19 заболеле 280.026 лица, до денеска тестирани се 1.582.500, од кои 6.850 во последните 24 часа. Досега вакцинирани се 425.971 лица.

Покажавме дека сме солидарни во најтешките можни времиња – на Северна Македонија и испративме 8.000 вакцини на Фајзер и 40.000 вакцини Спутник В, што е за 24.000 граѓани, изјави српската премерка Ана Брнабиќ на ТВ Прва. Таа додаде „дека ова нема никаква врска со политиката, но се надева дека ова "ќе не зближи во иднина“. Владата размислува летово српските државјани да не плаќаат патарина Денеска пак некои медиуми објавија вест дека за Велингденските празниците по враќањето од Црна Гора, Северна Македонија... Читать дальше...

Бугарите гласаат на парламентарни избори на кои партијата на премиерот Бојко Борисов “ГЕРБ” се очекува да победи, но би можело да биде тешко да пронајдат коалициски партнери.

Претседателот на Бугарија, Румен Радев, денеска гласаше на парламентарните избори во земјата "Гласав против распадот на државноста, беззаконието и корупцијата, за слободна и просперитетна Бугарија, рече Радев и ги повика бугарските граѓани да гласаат додавајќи дека „во спротивно историјата ќе не испрати на поправен испит по демократија“. Излезноста на изборите до 10 часот, според Централната изборна комисија,  е 7,58 отсто, што е за половина процент помалку отколку на претходните парламентарни... Читать дальше...

Одлуките за привремено ограничување на копнените граници и забраната за влез во Грција на државјани на трети земји, грчката влада ги продолжи за уште две седмици, односно до 19 април 2021 година, а за транспортерите продолжено е работното време на граничниот премини Евзони (Богородица) кон Македонија. Како што јави МИА од Атина конкретниот премин, ќе биде отворен од 7 до 23 часот по локално време, наместо до 19 како претходно. Македонските и грчките транспортери, од надлежните власти пак бараа... Читать дальше...

МВР соопшти дека во текот на изминатото деноноќие,  за мерката за носење лична заштита на лице, регистрирани се 516 прекршоци. Од 22.00 часот синоќа до 05.00 часот изутринава пак констатирано е дека 31 лице не ја почитувало забраната за движење.  Министерството за внатрешни работи ги повика граѓаните да ги почитуваат мерките и протоколите донесени од Владата и сите заеднички да придонесат за спречување на ширењето на Ковид 19.

На полубратот на јорданскиот крал Абдулаи  принцот Хамза бин Хусеин му беше кажано да  запрат дејствијата што можат да наштетат на „безбедноста и стабилноста“ во земјата, објави  армијата. Војската наведе дека овој потег е дел од тековната безбедносна истрага во која беа приведени поранешен министер, член на кралското семејство и други неименувани. Шефот на армијата Јусеф Хунеити изјави дека на принцот Хамза бин Хусеин му било речено „да ги запре активностите што се искористуваат против  безбедноста и стабилноста на Јордан“. Читать дальше...

Со летниот ред на летање се враќаат повеќето од авиолиниите што беа запрени во 2020 година со затворањето на аеродромот во Скопје. Од ТАВ Македонија концесионер на аеродромите во држвава изјавија дека станува збор за голем број линии на авиокомпанијата Визер, како и на рутата Скопје-Варшава на полски ЛОТ. Најавени се и чартер летови од Скопје до Анталија во Турција од мај до октомври од пет авиокомпании.  Бројот на патници, како и во минатата година поради пандемијата, така и во првите два месеца од годинава бележи пад од 70 проценти. Читать дальше...

Папата Франциск денеска ја предводи Велигденската миса пред мала група верници во базиликата Свети Петар, на која тој ќе го испорача својот традиционален благослов „На градот и светот“. Велигденската миса вообичаено се слави пред десетици илјади луѓе на плоштадот Свети Петар во Ватикан, но оваа година на службата на Франциск, кој  ќе го испорача традиционалниот благослов „Урби ет Орби“,  ќе присуствуваат само стотици луѓе. Присуството на одбележувањето е ограничена за да спречи голема толпа да... Читать дальше...

Состојбата во образованието со коронавирусот е апсолутно стабилна и одговорно стојам зад тоа, вели во интервју за РСЕ министерката за образование Мила Царовска. Сега има само 62 ученика на целата територијата на државата и 98 наставници, што е многу пониско од оној пик во декември, вели Царовска.

Избирачките места од изутрината се отворени во Бугарија каде се одржуваат парламентарни избори до кои доаѓа по речиси една година од масовните протести против владата на премиерот Бојко Борисов. Бугарскиот премиер, Бојко Борисов, претпладнево го даде својот глас на парламентарните избори, гласајќи во Банки, во близина на Софија Борисов коментираше дека ова се најскапите избори досега во Бугарија, зашто речиси 50 милиони лева беа наменети за набавка на вакцини, а 50 милиони лева за машинско гласање. Читать дальше...

Времето денеска ќе биде облачно и студено со врнежи од дожд, кои на планините и на некои повисоки места во северните делови ќе бидат од снег. Најобилни врнежи се очекуваат во западните делови (локално над 20 л/м2). Ќе дува засилен северен ветер, особено долж Повардарието, а дневната температура значително ќе се намали и ќе биде во интервал само од 5 до 13 степени. Во Скопје, облачно со повремени врнежи од дожд и со умерен до засилен северен ветер. Максималната температура ќе достигне околу 6 степени.