Статуа на советска рок ѕвезда искористена за протест во Казахстан
Неидентификувани лица поставиле транспарент на неколку јазици на статуата на советската рок ѕвезда Виктор Цои во најголемиот казахстански град Алмати во знак на протест пред претседателските избори. На транспарентот е напишано „Промени“ на руски јазик и „Казахстанска пролет“ на казахстански јазик.
Се уште никој не презема одговорност за транспарентот, но опозициска група објави видео на Инстаграм од статуата и порача дека се чекало на промени 30 години, и сега е време за тие да ја направат. Цои и неговата група Кино беа многу популарни за време на Советскиот сојуз и со нивната песна „Промени“ станаа симбол за надеж на младите за слобода и политички промени.