Новости за 30.05.2019

Овластениот министер за Европа и надворешни работи на Република Албанија, Гент Цакај изјави дека националното обединување на Албанија и на Косово не е на официјалната агенда на двете земји, јави дописничката на МИА од Тирана. На тој начин ја отфрли изјавата што косовскиот претседател Хашим Тачи ја даде деновиве дека „во блиска иднина Косово и Албанија ќе живеат заедно во една држава“. „Што се однесува до изјавите на претседателот на Косово, тоа е прашање кое не е во официјалната агенда на ниту една од земјите... Читать дальше...

Генералниот секретар на ОН, Антинио Гутереш, денеска повика Европа да се обедини за да спречи нова студена војна. „Ако сакаме да спречиме нова студена војна, неопходно е да се воспостави вистински мултилатерален поредок, а за тоа апсолутно е неопходна обединета Европа“, рече денеска Гутереш, кога ја прими престижната меѓународна награда Карло Велики, која се доделува во германскиот град Ахен. Наградата е за придонес за европското единство. Тој рече дека како генерален секретар како никогаш досега... Читать дальше...

Претседателот на Србија, Александар Вучиќ, изјави дека е премината границата со начинот на кој косовската полиција ја изведе акцијата во северно Косово и дека со тоа се урива довербата и партнерските односи со западниот свет во однос на прашањето за Косово. Коментирајќи ги тврдењата на претставниците на КФОР дека властите во Србија биле информирани за акцијата во Косово, Вучиќ рече дека тоа е точно, но дека тие не ја добиле информацијата од КФОР.

Русија реагираше на тврдењета на американските власти дека Москва „веројатно“ го прекршила меѓународниот договор за забрана за нуклеарни тестови. За руските власти таквото тврдење е „груба провокација“ се наведува во изјавата на руското Министерство за надворешни работи. Соопштението доаѓа еден ден откако шефот на американската Агенција за разузнавање, Роберт Ешли, посочи дека Москва не се придржува кон Договорот за сеопфатна нуклеарна забрана од 1996 година и веројатно спроведува нуклеарни тестови. Читать дальше...

Извештајот на Eвропската комисија, пописот на населението, партиската чистка која треба да се случи во Владата и новите „бомби“ за ДУИ се теми за кои пишуваат медиумите.

Вицепремиерот задолжен за европски прашања Бујар Османи и министерот за надворешни работи Никола Димитров за време на посетата во Италија на средбите со тамошните политичари добиле поддршка за старт на преговорите меѓу Северна Македонија и ЕУ. Тие добиле цврсти уверувања од своите италијански колеги дека Италија останува посветена на европските интеграции на целиот регион на Западниот Балкан, со силна поддршка за старт на преговорите со Република Северна Македонија, во пресрет на претстојниот јунски самит на ЕУ. Читать дальше...

Се одбива тужбата за клевета против поранешниот разунавач Слободан Богоевски, што против него ја поднесоа Али Ахмети и Муза Џафери за случајот Маѓар Телеком, одлучи Апелационен суд. Тужбата се одбива како неоснована. Тие го тужеа за клевета за неговата изјава дадена пред американските истражни органи во кој тој наведува дека Ахмети и Џафери зеле дел од пет милиони евра мито за Маѓар Телеком. За случајот во Америка имаше епилог, но не и во Македонија. По пауза од 2011, при крајот на минатата година... Читать дальше...

Проширувањето на Европската унија со земјите од Западен Балкан е геополитичко, а не техничко прашање, изјави денеска во Подгорица словенечкиот претседател Борут Пахор. „Политичката волја за проширување веројатно во иднина ќе биде помала, па затоа наша должност е да имаме визионерски пристап со цел Европа да го види Западниот Балкан како можност“, изјави Пахор на заедничката прес-конференција со црногорскиот претседател Мило Ѓукановиќ, одржана по нивната средба. Двајцата претседатели посочија... Читать дальше...

Со изложба на која ќе бидат претставени 122 фотографии на 52 автори, в сабота на 1 јуни, во Центарот за култура „ Марко Цепенков “ во Прилеп, во организација на Фото сојузот на Македонија, ќе започнат 57-те Денови на македонска фотографија, чиј домаќин е Фото кино клубот од градот по Маркови кули.

Изјавата на српската премиерка Ана Брнабиќ дека нејзината земја има работа со луѓе излезени од шума, мислејќи на жителите на Косово, предизвикаа низа коментари. Косовските власти ја обвинија за расизам и се заканија со забрана за нејзин влез во државата.

Речиси четири дена по затворањето на гласачките места, Министерството за внатрешни работи на Грција, попладнево заврши со пребројувањето на гласовите од европските избори одржани во неделата. Конечните резултати покажуваа разликата меѓу опозициската Нова демократија и владејачката СИРИЗА изнесува 9,35 проценти, јави дописничката на МИА од Атина. Вкупно шест грчки партии обезбедија место во Европскиот парламент. Од вкупно 21-от грчки европратеник осум ќе бидат од Нова демократија, шест од СИРИЗА... Читать дальше...

Во текот на есента ќе бидат избрани известувачи од новиот состав на Европскиот парламент за земјите од Западен Балкан, соопшти досегашниот известувач за Србија Дејвид Мекалистер. На досегашниот известувач за Северна Македонија, Иво Вајгл, мандатот му завршува на 1 јули. „Ова ќе биде нова генерација европски парламентарци и се надевам дека ќе пронајдеме колеги од сите членки на ЕУ кои се заинтересирани за Западен Балкан“, истакна Мекалистер.

Министерот за здравство Венко Филипче денеска изјави дека е потребно да се направи целосна ревизија на позитивната листа на лекови за што треба да се почека да биде донесен новиот закон, кој е во собраниска процедура. Одговарајќи на пратеничко прашање, Филипче истакна и дека исто така се работи на намалување на цените на стотина лекови, што биле зголемени. Според него, има недостатоци во системот за снабдување со лекови, а тоа би се променило со зголемување на средствата за оваа намена и со воведување... Читать дальше...

Украинскиот Парламент не ја прифати оставката на премиерот Володимир Хројсман откако претседателот Володимир Зеленски на 20 мај повика на оставка на Владата. Само 97 пратеници гласаа „за“ оставка на премиерот, а беа потребни 226 гласови. Гласањето е по еден ден откако кабинетот на Зеленски соопшти дека претседателот побарал од Парламентот да ги разреши министерот за надворешни работи Павло Климкин, министерот за одбрана Степан Полторак и шефот на тајната служба Васил Хрицак.

Адвокатот на основачот на Викиликс, Џулијан Асанж соопшти дека видео јавувањето за барањето на САД за екстрадиција на неговиот клиент е одложено за јуни, бидејќи тој е премногу болен. Вашингтон бара екстрадиција на 47 годишниот Асанж, кој во моментов отслужува 50 недели затворска казна во Британија. „Тој е далеку од добро“, изјави неговиот адвокат Гарет Пирс. Викиликс соопшти дека е загрижен за здравјето на Асанж и дека тој е префрлен во затворската болница.

Премиерот Зоран Заев денеска во Собранието одговарајќи на пратенички прашања за неговите советници изјави дека Александар Ружин е млад човек, кој е добро образован и може да помогне. Според него, тие луѓе биле ангажирани за да им се даде можност да се градат во нашето општество и да се искористат нивните капацитети.  Пратеникот Антонио Милошоски го праша и премиерот зошто Ружин зема месечен надомест од 50.000 денари, а Љупчо Зафировски од 75.000 денари. Заев истакна и дека тие се ангажирани, бидејќи имаат врски со Франција... Читать дальше...

Новите прислушувани разговори кои беа објавени на Фејсбук служат за внатрепартиска чистка и разголување на раководството на ДУИ, велат аналитичарите. СДСМ тврди дека партнерските односи со ДУИ се стабилни. СЈО ги анализира новите „бомби“.

Новите прислушувани разговори кои беа објавени на Фејсбук служат за внатрепартиска чистка и разголување на раководството на ДУИ, велат аналитичарите. СДСМ тврди дека партнерските односи со ДУИ се стабилни. СЈО ги анализира новите „бомби“.

Неидентификувани лица поставиле транспарент на неколку јазици на статуата на советската рок ѕвезда Виктор Цои во најголемиот казахстански град Алмати во знак на протест пред претседателските избори. На транспарентот е напишано „Промени“ на руски јазик и „Казахстанска пролет“ на казахстански јазик. Се уште никој не презема одговорност за транспарентот, но опозициска група објави видео на Инстаграм од статуата и порача дека се чекало на промени 30 години, и сега е време за тие да ја направат. Цои... Читать дальше...

Премиерот Зоран Заев денеска изјави дека знае кои лица би ги поставил на местата кои ќе бидат испразнети по најавената „метла “ во Владата и други државни институции, и дека веќе разговара со некои од нив. Тој очекува првите промени да се случат најдоцна до средината на јуни. Тој истакна и дека партнерските односи со ДУИ се стабилни, довербата меѓу него и лидерот на партијата Али Ахмети е голема. Според него, свесни се оти имаат одредени слаби кадри во нивните редови и затоа и зборуваат за промените и тие се случуваат. Читать дальше...

Премиерот Зоран Заев денеска изјави дека очекува датумот за почеток на преговорите со Европската унија земјава да го добие летово. „Само ако не успеат националните парламенти тоа да го направат, тогаш тоа би можело да се одложи за есен. Но, едно е јасно и ЕК тоа го потврди, драго ми е што тоа го направија и земјите членки, дека Преспанскиот договор плус сто отсто реформи, плус придонесот за севкупниот регион, како и чекањето 14 години во клупа како земја кандидат се наши аргументи за конечно да добиеме одлука за датум на преговори“... Читать дальше...

Претседателот на Парламентот Талат Џафери денеска информира дека после 7 јуни би се одржала првата наредна седница на законодавниот дом на која би се гласало за одземање на мандатот на поранешниот премиер и пратеник Никола Груевски, а доколку стаса предлог од премиерот и да се изберат нови министри. Тој на средба со новинарите истакна дека од формален аспект нема пречки двете точки да бидат ставени на иста седница. Во однос на Законот за јавното обвинителство, Џафери порача дека партиите се уште... Читать дальше...

Унгарската полиција отвори истрага за причините за потонувањето на бродот во Дунав кој превезуваше туристи од Јужна Кореја, при што најмалку 7 лица загинаа, а дваесетина се водат за исчезнати. Портпаролот на полицијата, Адриан Пал на денешната прес-конференција во Будимпешта изјави дека бродот потонал веднаш по судирот со друг поголем патнички брод покрај еден од мостовите на реката Дунав. Спасувачки екипи се на местото на несреќата и покрај обилните врнежи од дожд, а Пал истакна дека можеби ќе... Читать дальше...

Сега прашањето е „кога“ можеме да очекуваме датум, односно дали ќе има одложување на одлуката, велат аналитичарите кои ден откако добивме препорака за почнување преговори од Комисијата, предупредуваат дека останува неизвесно каква одлука ќе донесе Европскиот Совет следниот месец.

Украински воен хеликоптер Ми-8 се урнал вчера за време на вежба во западниот дел на земјата при што загинаа сите четворица членови на екипажот и нивниот командант. Според информациите, контактот со хеликоптерот кој бил произведен за време на советскиот сојуз бил прекинат синоќа пред полноќ. Украинскиот претседател Володимир Зеленскина Твитер напиша дека му наредил на командантот на вооружените сили, генералот Хомчак да ги истражи околности за трагедијата.