Власта со месеци чекаше пред да ги направи „следните чекори“ во борбата со корупцијата, по интензивните критики дека лошо се справува со тоа. Најави законски измени со кои лицата на странските „црни листи“ ќе бидат санкционирани и дома. Предлогот отвори правни дилеми.
Покрај Ковачевски, оставка треба да поднесе и Џафери кој од Собранието ќе се пресели во Владата во која министри ќе има и ВМРО-ДПМНЕ. Опозицијата ќе предложи кандидати, но засега тврди дека нема да гласа за таа влада. По нејзиното формирање, ќе следуваат и разрешувања и распоредувања во МВР.
Жители на Чашка повторно протестираат пред основното училиште против воведувањето на паралелка на албански јазик. Второто полугодие во тоа уччилиште не е почнато. Полицијата не успева да им обезбеди влез на наставниците во училиштето.
