Налепниците за регистарските таблици се очекуваат идната недела во станиците за технички преглед. Според Преспанскиот договор, за кодот НМК на возилата и за личните карти важи „политичкиот преоден период„, односно ако не се променат до 12 февруари ќе може да се користат само внатре во државата.
Од вкупно седум случаи на голема кашлица во Северна Македонија последните два се бебиња на возраст од два месеца, а еден повозрасен пациент е хоспитализиран. Се шири и сезонскиот грип и лекарите предвидуваат дека пикот ќе го достигне во февруари.
Стефан и Елена се македонска млада брачна двојка, која, по седум години живот во Германија, се вратија во земјава, но наместо во Скопје или некој поголем град, тие се населија на периферијата во Македонски Брод. И двајцата работат онлајн од дома и се успешни во своите професии – Стефан е композитор, а Елена моден дизајнер. Животот како дигитални номади за нив не бил лесна одлука, но и покрај ризиците при преселбата во Брод, Стефан и Елена се среќни и велат оти го живеат својот сон.
Корупцијата не се казнува. Високо ниво на корупција. Тоа што ни е познато, го потврдија и Транспаренси интернешнел, но и Државната комисија за спречување на корупцијата. Од власта нема реакции на ваквите констатации. Корупцијата е една од причините и за иселувањето на младите од државата, која полека станува „држава на старци“.