Новости за 17.10.2025

Илјадници луѓе, главно од Косово, се собраа во центарот на албанската престолнина Тирана за поддршка на поранешните водачи на Ослободителната војска на Косово (ОВК) на кои им се суди за воени злосторства во судот во Хаг. Собирот на плоштадот „Скендербег“ во Тирана започна со албанската химна и скандирања „ОВК, ОВК“, а заврши околу еден час подоцна со скандирања „Слобода на ослободителите“. Протестот, свикан од групи што произлегоа од војната на ОВК, имаше за цел да изрази незадоволство од судењата на нејзините поранешни команданти... Читать дальше...

Словенците на референдум во ноември ќе гласаат за тоа дали го поддржуваат правото на асистирано умирање, што словенечкиот парламент го легализира во јули, јави агенцијата АФП. Неколку европски земји, вклучувајќи ги Швајцарија и Австрија, веќе им дозволуваат на терминално болните лица да добијат медицинска помош за да го завршат својот живот, а Словенија требаше да им се придружи по одобрувањето од парламентот во јули 2025 година. Но, парламентот закажа гласање на 23 ноември откако граѓанска група... Читать дальше...

На полноќ на 17 октомври почнува изборниот молк за локалните избори во Северна Македонија. Тој ќе трае до завршување на првиот круг од изборите кој ќе се одржи в недела, 19 октомври. Право на глас имаат 1,83 милиони граѓани. Еден ден пред денот на избори, в сабота, своето право на глас ќе го искористат болните и изнемоштените, како и лицата што издржуваат затворска казна или се наоѓаат во притвор. На овие локални избори ќе се бираат градоначалници и советници на сите 80 општини во земјава плус Градот Скопје. Читать дальше...

Две лица загинаа, а 80 се повредени на 17 октомври откако автобус излета од патот во близина на Сремска Митровица, во северозападна Србија, соопшти српското Министерството за внатрешни работи (МВР). Повредените, како што соопшти полицијата, се превезуваат во болница во Сремска Митровица за укажување медицинска помош. Несреќата се случила на патот Сремска Митровица-Јарак, а автобусот превезувал работници од компанијата „Хелткер“. Полицијата соопшти дека автобусот излетал од патот и се превртел на покрив од причини кои сè уште се непознати. Читать дальше...

Основниот кривичен суд Скопје соопшти дека го одобрил и второто обвинение поврзано со пожарот во дискотеката „Пулс“ во Кочани кој одзеде 63 животи, а над 200 лица беа повредени. Со ова обвинение се гони А.Н., кого обвинителството го товари дека е реален сопственик на фирмата „Рубикон секјурити солушн“, која била задолжена за обезбедување на дискотеката. Сопственикот се гони за кривичното дело тешки дела против општата сигурност. „Согласно одобрениот акт, формиран е кривично правен предмет кој согласно АКМИС ... Читать дальше...

Учениците во Северна Македонија ќе се едуцираат за даноците, за што денеска, 17 октомври, Министерството за образование и наука (МОН) и Управата за јавни приходи (УЈП) потпишаа Меморандум за соработка. Станува збор за заеднички проект „Фискална едукација“, кој ќе се имплементира и во основните и во средните училишта. Како што беше соопштено по потпишувањето на Меморандумот, фокус на проектот е младите генерации да научат: што се даноци и зошто се важни, како функционира УЈП, како се пресметува, пријавува и плаќа данок... Читать дальше...

Авиосообраќајотјот во државава нема да биде прекинат на 20 октомври. Струковиот Синдикат на Контролири на Летање на Македонија (ССКЛМ) најавува дека ќе ја почитува вчерашната одлука на Граѓанскиот суд со времена мерка за забрана на штрајкот, што овој Синдикат требаше да го реализира в понеделник од 10 до 15 часот, со запирање на сите полетувања и слетувања на Скопскиот и Охридскиот аеродорм и со намалено опслужување за 50 проценти на прелетите. Од синдикатот велат дела ќе ја обжалат одлуката и ќе... Читать дальше...

Четириесет проценти од малолетниците пушат цигари, а дел од нив првата ја пробале на 13 години – покажа истражувањето на „Аналитика тинк тенк“. Продажбата на електронски цигари не е регулирана. Законот за заштита од пушење ретко функционира, но ќе биде еден од 12-те кои ќе се менуваат на иницијатива на Министерството за здравство.

Со Одлука за спроведување на Европската комисија, Европската Унија го одобри второто ослободување на средства за Република Северна Македонија во рамките на Инструментот за реформи и раст за Западен Балкан. Со оваа одлука се одобрува вкупен нето износ од 16 милиони евра, како комбинирана поддршка: дел неповратни средства и дел заем. Како што информира Министерството за европски прашања, од овој износ, 7,4 милиони евра се исплаќаат директно во државниот буџет, додека остатокот е наменет за финансирање... Читать дальше...

Светската здравствена организација (СЗО) предупреди дека заразните болести во Појасот Газа се „надвор од контрола“, при што само 13 од 36-те болници на територијата делумно функционираат. „Без разлика дали станува збор за менингитис, дијареја, респираторни заболувања, зборуваме за огромно количество работа“, рече Ханан Балки, регионална директорка на здравствената организација на ОН. Во посебна изјава, СЗО соопшти дека ги зголемила залихите на медицинска опрема за здравствените установи откако стапи на сила прекинот на огнот во Газа. Читать дальше...

Најмалку три лица загинаа, а 13 се повредени во експлозија во станбена зграда во романската престолнина Букурешт, објави романскиот сервис на Радио Слободна Европа. Градоначалникот на Букурешт, Стелијан Бујдувеану, изјави дека експлозијата најверојатно е предизвикана од истекување на гас. Поради силата на експлозијата, подовите на два ката од седумкатната зграда се урнаа, а прозорците на блиската училишна зграда беа скршени. Во тек е потрага по луѓе кои веројатно се заробени под урнатините.

Мировната мисија на НАТО во Косово (КФОР) го поздрави почитувањето на договорот од страна на косовските власти во врска со распоредувањето на припадници на косовските безбедносни сили (КБС) на север, каде што живее мнозинско српско население. Овој став на КФОР доаѓа откако возилата на Косовските безбедносни сили (КБС) останаа во Северна Митровица неколку минути на 16 октомври. Министерството за одбрана и косовската полиција потврдија дека припадниците на КБС тргнале по погрешен пат. КФОР изјави дека... Читать дальше...

Над 225 милиони евра од унгарскиот кредит ќе бидат потрошени за 828 проекти што општините ги добија во вториот повик од Владата, откако во првиот им беа одобрени 74,5 милиони евра за 288 проекти. Најголем дел од парите ќе се потрошат за улици и локални патишта. Какви други проекти добија општините што ќе треба да ги реализираат градоначалниците во новите мандати?

Иран ги осуди нападите на својот најголем непријател Израел врз јужен Либан, упориште на неговиот близок сојузник Хезболах. Портпаролот на Министерството за надворешни работи, Есмаил Бакаеи, изјави дека нападите се „очигледно кршење на суверенитетот и територијалниот интегритет на Либан“. Либан на 16 октомври соопшти дека Израел убил едно лице и ранил седум, додека израелската војска соопшти дека ги таргетирала Хезболах и сојузничките групи. Либанскиот претседател Џозеф Аун рече дека нападите погодиле... Читать дальше...

Додека забрзано шета низ улиците на Северна Митровица, еден локален жител на околу 60 години луто мавта со раката кога екипата на Радио Слободна Европа го праша како го коментира фактот дека локалната самоуправа повторно ќе ја водат Срби, кои го сочинуваат мнозинското население на север. Потоа застанува, се враќа и вели: „Ние сме веќе уништена нација, сите нè уништија, а Белград нè продаде. Разбирате ли?“. Не сака јавно да зборува за своето незадоволство, но додека камерата или снимачот се исклучени... Читать дальше...