Расте бројот на хоспитализирани и на реинфекции
„Во период од една недела, односно од 3 до 9 јануари, пријавени се 946 реинфекции, со зголемување од седум пати во однос на претходната недела“, наведуваат од Министерството за здравство.
Фајзер развива две-во-една вакцина што ги таргетира омикрон и поранешните видови
Според анализите направени во лабораторијата за вирусологија и молекуларна дијагностика во периодот од 05-10.01.2022 на вкупно 152 позитивни примероци кај 104 од нив односно 68 отсто е детектирана Омикрон сојот. Според извештаите од болниците, наведуваат од министерството, на територија на цела држава се хоспитализирани 351 лице што е 41 отсто повеќе во споредба со претходна недела.
„Зголемен е бројот на дневни прегледи во инфективните одделенија низ болниците во државата, бројот на прегледи на дневно ниво понекогаш во болниците во Скопје надминува 100 пациенти.Според епидемилошките анкети најголем дел од пацинетите имале контакт со позитивен случај три дена пред почетокот на симптоми/добивање на позитивен резултат“, соопштуваат од Министерството за здравство и апелираат граѓаните кои чуствуваат какви било симптоми, да направат тест и да се изолираат за да спречат ширење на вирусот.
Второто полугодие да почне онлајн бара движењето „Поддршка за онлајн настава“
Според возрасни групи, пак, најмногу новозаразени има кај возрасната група од 30-39(27 проценти), а потоа следуваат возрасните групи од 20-29(24 проценти) и 40-49(17 проценти). Од министерството инфомираат дека најмал број новозаразени е регистриран кај возрасната група од 0-9(2 процента).