Кулеба: Русите го киднапираа и градоначалникот на Днепрорудне
Руските сили го киднапираа градоначалникот на јужниот град Днепрорудне, Јехвен Метвејев, објави украинскиот министер за надворешни работи Дмитриј Кулеба.
На социјалната мрежа Твитер министерот наведе дека Метвејев бил киднапиран од „руски воени злосторници“.
„Напаѓачите не добиваат никаква локална поддршка, па се свртуваат кон терор. Ги повикувам сите држави и меѓународни организации да го запрат рускиот терор врз Украина и демократијата“, напиша Кулеба.
Расте бројот на загинати во рускиот воздушен напад врз украинска база во близина на границата со Полска
Ова е втор украински градоначалник за кој украинските власти тврдат дека бил киднапиран од руските сили. Според нив градоначалникот на Мелитопол бил киднапиран во петокот.