Радев на консултации со партиите за решавање на политичката криза во Бугарија

Претседателот на Бугарија Румен Радев најави дека денеска ќе ги свика сите бугарски парламентарни партии на консултации за да види како тие го гледаат решението на политичката криза во Бугарија и потоа ќе го врачи третиот и последен мандат пред да закаже, доколку дојде до тоа, предвремени парламентарни избори. „БСП за Бугарија“, „Има таков народ“ и „Демократска Бугарија“ веќе најавија дека се подготвени да го добијат третиот мандат и да се обидат да формираат нова бугарска влада.


Бугарија блиску до нови избори, „Продолжуваме со промената“ не успеа да формира коалиција


Вчера претседателката на пратеничката група на ГЕРБ-СДС, Десислава Атанасова, соопшти дека нема да го остварат правото на мандат за формирање влада и нема да предложат премиер. ГЕРБ-СДС, ДПС и екстремните националисти „Преродба“ се изјасни за предвремени парламентарни избори во Бугарија, затоа што овој парламент веќе не постои.