سهیل شاهین: د مسکو په ناسته کې د طالبانو استازي ګډون کوي
په قطر کې د طالبانو سیاسي دفتر وايي چې ډېر ژر به د دې ډلې یو پلاوی د افغانستان د راتلونکي نظام د څرنګوالي...
په قطر کې د طالبانو سیاسي دفتر وايي چې ډېر ژر به د دې ډلې یو پلاوی د افغانستان د راتلونکي نظام د څرنګوالي...
نن ایران د اسلامي انقلاب څلویښتمه کالیزه او په هغه هیواد کې د دوه نیم زره کلن شاهي نظام د ختمیدو ورځ نمانځل کیږي. د ۱۹۷۹ م کال د فیبرورۍ په لومړۍ نېټه ایت الله روح الله خمیني له ۱۴ کلنې جلاوطنۍ وروسته له فرانسه تهران ته ستون شوی و. په دې اړه د اې ایف پي او رویټرز اژانسونو ویډیو ظفرخان اېډیټ کړې.
د امريکا ولسمشر ډونالډ ټرمپ وايي که د سولې توافق تر لاسه شي، امریکايي ځواکونه به له افغانستان وباسي. په تيرو څو ورځو کې ګڼ شمېر ملکيان په سوريه کې د داعش تر کنترول لاندي اخري سیمې تښتېدلي دي.
د فبورۍ پر لومړۍ د صوابۍ د مهر علي کلي د سرکاري مډل سکول زده کونکي او استازان د کلي په لارو کوڅو کې وګرځيدل او د نشه يي توکو د کارولو پرضد یې وینا ګانې وکړې. په دې اړه د ځلاند یوسفزي ویډیويي رپورټ وګورئ.
د فرانسې هغه وګړي چې په ختیځ اوکراین کې له روس پلوه بیلتونپالو سره یوځای شوي ول، اوس په پاریس کې د ژېړ واسکټو په مظاهرو کې لیدل کېږي. د مشال ریډيو د اوکراین څانګې ویډيويي رپورټ کې یې تفصیل وګورۍ چې ملیحه امیرزاده یې وړاندې کوي.
د پښتون ژغورنې غورځنګ مشر منظور پښتین وایي، د تېر یوه کال راوسته راوړنه یې دا ده چې پښتانه یې را ویښ کړل او هغوی اوس د خپلو ورکو خلکو، غیر عدالتي وژنو او نورو ظلمونو پرضد اواز پورته کوي. له نوموړي سره بشپړه ویډیويي مرکه دلته کتلای شئ.
روسیه وايي، له ترهګرۍ سره د جګړې او د افغانستان د شخړې د سیاسي حل لپاره له اسلام اباد سره نېزدې همکاري کوي.
د نيمروز والي وايي، له ايران څخه هره ورځ تر ٢٠٠ پورې روږدي کسان هم د افغانستان خاورې ته اخراجېږي. سيد ولي سلطان نن جمعه د ازادي راډيو ولايت په ولايت پروګرام کې د خبرو پر مهال وويل: "هغه کسان چې د دوى په اصطلاح له ايران څخه رد مرز کېږي، په دوى کې د ورځې له ١٥٠ تر ٢٠٠ پورې معتادين زموږ خاورې ته راشړل کېږي. موږ د دوى د تداوۍ لپاره مرکزونه لرو." د نيمروز والي وايي، په دې ولايت کې د معتادانو د درملنې يو خصوصي مرکز فعال و، خو په وروستيو کې يې د اقتصادي ستونزو له کبله فعاليت په ټپه درېدلى دى. سيد... Читать дальше...
د افغانستان د سولې عالي شورا د افغان سولې پروسې په تړاو د تماس د نړېوالې ډلې ناسته هېله بخښوونکي ګڼي.
د خيبر پښتونخوا سيلګري محکمي وزير عاطف خان وايي، د لومړی ځل د سيلګري صنعت لپاره پاليسي وضع کړل شوي او د لرغونې اثارو ساتنې لپاره یو ځواک ګومارو. په دې اړه د نياز احمد خان ويډيويي رپورټ وګورئ.
د بلوچستان په پښتني سیمه لورالایي کې د سیاسي ګوندونو اتحادیې په سیمه کې د ترهه ګرۍ پرضد احتجاجي مظاهرې کړې دي. په لورالایي کې په یوه میاشت کې د ترهه ګرۍ څلور پېښې شوې دي. بلخوا په کوټه کې د همدغو پېښور پرضد راوتیو د پښتون ژغورنې غورځنګ پر لاریونوالو پولیسو او ملېشه ځواکونو مظاهره اوښکې بهوونکې ګېس پارشلی او د غورځنګ پنځه غړي يې نیولي دي. د شاهین بونېري راپور
د امریکا سنا هغه لایحه چې له افغانستان او سوریې څخه د امریکايي ځواکونو د وتلو پلان ردوي پرون تصویب کړه.
روسیه وايي، له ترهګرۍ سره د جګړې او د افغانستان د شخړې د سیاسي حل لپاره له اسلام اباد سره نېزدې همکاري کوي.
د بخښنې نړیوال سازمان یا امنیسټي انټرنېشل د مکسیکو له پولو څخه د راتلونکو پناه غوښتونکو پر وړاندې د امریکا تګلاره وغندله. دغه سازمان پرون په یوه بیان کې د امریکا دا سیاست د شرم وړ او غیرقانوني وباله. دې سازمان ویلي، امریکا د کډوالو په بېرته استولو سره له نړیوالو قوانینو سرغړونه کوي. د امريکا د متحدو ایالاتو ولسمشر تېر میلادي کال د مکسیکو د کډوالو په اړه خپله تګلاره چې په مکسیکو کې د پاتې کیدو نوم ورکړل شوی دی، پیشنهاد کړه. په تیر کې پناه غوښتونکو د خپلو درخواستونو د برخلیک تر مشخصېدو پورې په متحده ایالاتو کې د پاتې کیدو اجازه درلودله. Читать дальше...
په عراق کې د تاجکستان پنځه ښځينه وګړي له افراطي ډلې داعش سره په اړيکو له تورنېدو وروسته په عمري بند محکومې شوې. د عراق او کویټ لپاره د تاجکستان سفير زبيداله زبيدزاده ازادي راډيو ته وويل، دغه پنځه ښځې پرون پنجشنبه محکومې شوې دي. د هغه په خبره د دغو ښځو د محکومېدو پر مهال په بغداد کې د تاجکستان د سفارت يو چارواکى حاضر و. د زبيدزاده په خبره د تاجکستان د يوه بل وګړي محکومېدل وروسته له هغې وځنډېدل چې عراقي چارواکي ورته د ازبکۍ ژبې د ترجمان په موندلو بريالي نه شول. د تاجکستان د چارواکو په خبره... Читать дальше...
په ايران کې د هغه اسلامي انقلاب څلوېښتمه کليزه لمانځل کېږي چې په نتيجه کې يې شاه له واک څخه وپرځول شو. د دغه انقلاب بريا په ايران کې دوه نيم زره کلنې شاهي واکمنۍ د پاى ته رسېدو سبب شوله. د ١٩٧٩میلادي کال د فبرورۍ پر لومړۍ نېټه ايتالله روح الله خميني تر ١٤ کلنې جلاوطنۍ وروسته له فرانسې څخه ايران ته ستون او د اسلامي جمهوريت مذهبي مشر شو. نن په ټول ايران کې پر ځايي وخت ٩ بجې او ٣٣ دقيقې ټيک هغه وخت چې څلوېښت کاله مخکې د تهران پر نړيوال هوايي ډګر د خميني الوتکه کښېناسته، زنګونه وکړنګول شول. ... Читать дальше...
د وینزوېلا پوځي مشران تر اوسه هم د ولسمشر مدورو وفاداره دي که څه هم دغه هېواد د خوراکي توکو له کموالی او سیاسي ستونزو سره لاس او ګریوان دی خو له وروستیو پرمختګونو سره به د پوځ ملاتړ ازمایل کېږي. په دې اړه د اې اېف پي ویډیو د امریکا غږ ډیوه راډیو اېډیټ کړې ده.
ولسمشر محمد اشرف غني د ميدان وردګو لپاره مېرمن ظریفه غفاري د ښاروالې په توګه انتخاب کړې خو دې تر اوسه خپله دنده په رسمي توګه نه ده پیل کړې. ملالۍ بشیر له مېرمن غفاري سره خبرې کړي.
د امریکا د کانګرس یوې سرچینې د جنورۍ پر ۳۱مه مشال راډیو ته وویل چې د امریکا د بهرنیو چارو وزارت ښايي نن د ډېسېمبر په لومړۍ نېټه- روسیې ته له ورکړل شوي مهلت څخه یوه ورځ مخکې، د منځني واټن ویشتونکو توغندیو د مخنیوي له تړون «INF» څخه د امریکا وتل اعلان کړي.
د بلوچستان اسمبلۍ غوڼده د جنورۍ پر ۳۱مه نېټه د ورځې ناوخته پیل شوه چې پکې د پښتونخوا ملي عوامي ګوند د صوبايي اسمبلۍ غړي نصرالله زېري له حکومته غوښتنه وکړه چې تورخم بندر غوندې دې د چمن بندر هم ۲۴ ګنټې پرانست ساتلو پرېکړه وشي او له دې سره به د پاکستان او افغانستان ترمنځ سوداګري وغوړېږي.
د افغانستان د انتخاباتي شکایتونو کمېسیون وايي، په کابل کې د ولسي جرګې د انتخاباتو د لغوه کولو تصمیم اوس هم په خپل ځای دی او پخوانۍ پرېکړې ته ستنېدل به ممکنه لار وي.
تمه ده چې امریکا به نن له روسیې سره د منځني واټن ویشتونکو توغندیو د مخنیوي له تړون څخه خپل وتل اعلان کړي.
ولسمشر ډونالډټرمپ په پنجشنبه یوځل بیا له افغانستانه د امریکايي ځواکونو د ایستلو ژمنه یاده کړه او ویې ویل چې له طالبانو سره سولې ته د رسېدو پس به هلته دېره ډېری امریکايي پوځیان خپل هېواد ته ستانه کړي.
د دایکنډي ولایت چارواکي وايي، د ترافیکي پېښې له امله ۶ کسان مړه شوي او ۸ تنه نور ټپیان دي. د والي ویاند علي اکبر ناطقي نن جمعه ازادي راډيو ته وویل، پېښه تېر ماښام په مرکز نیلي کې شوې ده: "په مرکز کې ټرافيکي پېښه شوې چې په نتيجه کې يې ٦ کسان مړه شوي او ٨ تنه نور ټپيان شوي دي. د پېښې علت ښايي خراب سړکونه او هغه درنه واوره وي چې په وروستيو کې ورېدلې ده." ولايتي چارواکي وايي، په ټپيانو کې چې ټول روغتون ته انتقال شوي، د ٢ کسانو وضعيت نازک دى. د ولايتي شورا يوه غړي د دې پېښې علت د موټر چلوونکو بې احتياطي ګڼلې ده.