افغان حکومت: په دوو اونیو کې به له طالبانو سره مخامخ خبرې پیل شي
د افغانستان حکومت وايي چې تر راتلونکو دوو اونیو به یې له طالبانو سره د سولې لپاره مخامخ خبرې اترې پیل شي.
د افغانستان حکومت وايي چې تر راتلونکو دوو اونیو به یې له طالبانو سره د سولې لپاره مخامخ خبرې اترې پیل شي.
د پاکستان پوځ وايي ، د وسله والو په دوو بېلا بېلو بریدونو کې یې ۱۰ عسکر وژل شوي دي.
افغان ولسمشر محمد اشرف غني نن د یوه فرمان له مخې د سولې د عالي شورا دارالانشاء لغوه کړه. د افغان ولسمشر ویاند صدیق صدیقي وړاندې خبریالانو ته د سولې شورا د لغوه کېدو ویلي وو، خو وروسته یې پر خپله ټوېټرپاڼه ولیکل چې دغه فرمان یوازې د سولې شورا د دارالانشاء د لغوې په اړه دی. ښاغلي صدیقي ویلي وو چې له دې وروسته به د دارالانشاء چارې د سولې په چارو کې د دولت وزارت پرمخ وړي. د سولې شورا له څه مودې راهیسې تر نیوکو لاندې وه چې ګوندې په لسو کالو کې یې د سولې په برخه کې داسې کومه لاسته راوړنه نه لرله. Читать дальше...
د کندهار امنیتي چارواکي په دې ولایت کې د یوې لارۍ بم د شنډولو خبر ورکړ. د کندهار امنیه قوماندان تادین خان پر خپله ټويټرپاڼه لیکلي چې په دې لارۍ کې ۵۰۰۰ کیلوګرامه چاوديدونکي مواد وو. د نوموړي په خبره، دا لارۍ د کندهار په ښار کې نیول شوې چې تر ډېره د ملکي وګړو د زیان احتمال پکې و.
د پکتیکا چارواکي د ۴۴ وسله والو طالبانو د وژل کېدو ادعا کوي. د پکتیکا د والي ویاند زیار خان یاد ازادي راډیو ته ویلي چې تېر مازیګر په جاني خېلو ولسوالۍ کې طالبانو د افغان ځواکونو پر پوستو ډله ییز بریدونه وکړل چې په ځوابي برید کې وسله والو ته مرګ ژوبله واوښته. د نوموړي په خبره، په وژل شویو وسله والو طالبانو کې د هغوی درې قوماندانان هم شامل دي. ده وویل: د پولیسو په ځوابي بریدونو کې د وسله والو طالبانو درې مشهور قوماندانان مولوي حماد، مولوي سقراط او قوماندان منک په ګډون ۱۱ وسله وال ووژل شول، د... Читать дальше...
د افغانستان تر ۱۶ کلنو کم عمره فوټبال ملي لوبډله د مرکزي اسیا د فوټبال سیالیو په لړ کې نن له ترکمنستان سره لوبه کوي. د افغانستان د فوټبال فدراسیون رسنیز مسؤل شمس امیني نن ازادي راډیو ته وویل چې د افغانستان د فوټبال د کمکیو ځوانانو لوبډلې له دې وړاندې خپله لومړۍ لوبه د قرغزستان پر وړاندې يو د يو مساوي کړه. نننۍ لوبه د افغانستان پر وخت پنځه نیمې بجې د تاجکستان په پامیر لوبغالي کې ترسره کېږي. د مرکزي اسیا د ۱۶ کلنو فوټبال جام سیالۍ (CAFA) د شپږو لوبډلو په ګډون تېره ورځ په تاجکستان کې پیل شوې.
په لیبیا کې د سرې میاشتې کارکوونکي وایي، د ۶۲ کډوالو مړي یې یوه ورځ وروسته تر دې د مدیترانې له اوبو را ایستلي دي چې اروپا ته په لاره اوبو یووړل. د لیبیا د سرې میاشتې رئیس عبدالمونیم ابو صبیح وویل، د دوی د ادارې د ژغورنې ډلې د پنجشنبې له شپې تر پرون ناوخته دغه دوه شپیته جسده وموندل. مرستندویو ټولنو پرون خبر ورکړی و چې د ماشومانو په ګډون یوسل او پنځوس کډوال د لیبیا سواحلو ته نږدې تری تم شوي دي. د ملګرو ملتو سرمنشي انتونیو ګوترش دا ډېره ناوړه پېښه بللې او په ټوېټر کې یې لیکلي دي چې هغه پناه غوښتونکي... Читать дальше...
د امریکا د متحدو ایالتونو ولسمشر ډونالد ټرمپ د ټیلیفون له لارې د بریتانیا نوي صدراعظم بوریس جانسن ته مبارکي ورکړه. د خبرو پرمهال دواړو مشرانو په هرمز تنګي کې د ایران له لوري د بریتانیا د تېلو د بېړۍ د نیولو مسئله هم وڅېړله. ولسمشر ټرمپ پرون په سپینه ماڼۍ کې خبریالانو ته وویل چې دغه اوس یې له جانسن سره پر ټیليفون خبرې وکړې او هغه ته یې مبارکي وویله. د بریتانیا له لوري د دې خبرو په اړه په خپاره شوي بیان کې راغلي چې واشنګټن او لندن له ایران سره د وروستي کړکېچ په تړاو د خبرو پرمهال د ګډو همکاریو غوښتنه کړې ده. Читать дальше...
په پاکستان کې وکیلانو د جولايي پر ۲۷مه د ټول ملک په عدالتونو کې کاربندیز او په اسلام اباد کې لویه غونډه رابللې ده. په دې اړه د احمدالله ویډیويي رپورټ وګورئ. ویډیو: عمران یونس
د امریکا بهرنیو چارو وزارت پاکستان ته د ایف ۱۶ الوتکو د تکنیکي او لاجسټکي مرستو لپاره د ۱۲۵ میلیونه ډالرو ورکولو منظوري ورکړې ده.
یو شمېر افغان ديني عالمان نن شنبه په کابل کې د خپلواکۍ د بېرته ګټلو د سلمې کلیزې د نمانځلو لپاره سره راټول شوي.
د افغانستان په خوست ولایت کې د درې میلیارده افغانیو په لګښت یو شمېر پروژې بشپړې او د ځينو یې کارونه پیل شول. چارواکي وایي، په یادو پروژو کې د خوست نړیوال هوایي ډګر ترمینل هم شامل دی. په دې اړه د نجیب الله الوخېل ویډیويي رپورټ وګورئ.
د کرملین سیاسي مخالفین او د مسکو چارواکي د پلازمېنې په سړکونو کې له اجازې پرته مظاهرو ته چمتووالی نیسي. روسي چارواکو د ښاري شورا د انتخاباتو لپاره پر هغو سیاسي کاندیدانو چې د کرملین د تأیید وړ نه دي، فشارونه ډېر کړي دي. سره له دې چې د کرملین یو عمده مخالف الیکسي ناوالني په حبس کې دی، خو د مظاهرو تنظیموونکو ژمنه کړې چې نن د مسکو سړکونو ته راوځي. دوی وړاندوینه کړې چې په نننیو مظاهرو کې به دخلکو ګډون د تېرې اوونۍ تر مظاهرو ډېر وي. په هغو مظاهرو کې تر شلو زرو ډېرو کسانو ګډون درلود. الکسي ناوالني... Читать дальше...
د افغانستان د انتخاباتي شکایتونو کمېسیون د جمهوري ریاست ټولو کاندیدانو ته خبرداری ورکړی چې که خپلې پانګې ثبت نه کړي او د کمپاینونو په اړه په خپل وخت کمېسیون ته راپور ور نه کړي، له نغذي جریمې سره بېره ممکن له انتخاباتو حذف شي.
وسله والو کسانو په پروان ولایت کې د ملي امنیت یو کارکوونکی وژلی دی. د پروان امنیتي مسؤلین دا خبره تأیید کړه او وایي چې دغه پېښه نن سهار د بګرام ولسوالۍ په قره باغ سیمه کې شوې ده. د پروان د امنیې قوماندانۍ د جنایې جرمونو پر وړاندې د مبارزې مدیر سمونوال خواجه محمد صدیقې ازادي راډیو ته وویل چې د ملي امنیت دا کارکوونکی احمد شعیب نومېده او د بګرام ولسوالۍ اوسېدونکی و. د ښاغلي صدیقي په خبره، دغه امنیتي کارکوونکی د رخصتۍ لپاره کور ته تللی و چې د نامعلومو موټرسایکل سپرو له خوا په ډزو ووژل شو. تر اوسه د دې پېښې مسؤلیت چا نه دی منلی. Читать дальше...
د سرپل چارواکي د طالبانو له لوري د سانچارک ولسوالۍ د لرغونو سیمو د کیندلو خبر ورکوي. د سانچارک ولسوال نقیب الله دقیق نن ازادي راډیو ته وویل چې وسله والو طالبانو له تېرې ورځي راهیسې په ځانګړو دستګاوو چې عتیقه اثار پرې موندل کېږي، د دې ولسوالۍ د زیارتونو کیندنې پیل کړي او اوس هم دوام لري. د ښاغلي دقیق په خبره، طالبانو د سانچارک ولسوالۍ د ځینو برخو تر نیول کېدو وروسته د همدې وسیلو په مرسته لرغونې سیمې پېژندلي او ځینې سیمې یې تر ۲۰ متره پورې کیندلې دي. د سرپل امنیتي مسؤلینو هم دا خبره تأیید کړې ده.
د پاکستان په پنجاب صوبه کې پوليسو د لاهور په مال روډ د اپوزيشن ګوندونو لخوا په جلسه کولو د مسلم ليګ (ن) او پيپلز ګوند په سلګونه کارکوونکو او مشرانو مقدمې درج کړې دي.
له شمالي وزيرستان سره تعلق لرونکی ميرکلام وزير وايي په سيمه کې يي تر ټولو غټه ستونزه بد امني،ګرځبنديز او هدفي بريدونه دي او په اسمبلۍ کې به لومړی هم دا راپورته کوي.
ننګرهار د افغانستان دوهم ولايت دی چې په تېرو دوو کلونو کې د نشه يي موادو د قاچاق ډېري پېښې پکې ثبت شوې دي.
چارواکي وایي چې د ارزګان په مرکز ترینکوټ ښار کې د پولیسو په لیکو کې یوه نفوذي کس د یوې پوستې قوماندان او د ملي اردو یو سرتېري وژلي دي. د ترینکوټ ښار د لومړۍ امنیتي حوزې قوماندان نظر محمد ازادي راډيو ته وویل، د وسله والو طالبانو دغه نفوذي کس د محلي پولیسو په لیکو کې کم عمره هلک و چې نن سهار شااوخوا ۱۰ نیمې بجې یې په ترینکوټ ښار کې لومړی پر قوماندان او د ملي اردو پر سرتېري ډزې کړي او وژلي یې دي. نظر دغه راز ازادي راډيو ته وویل چې په دې پېښه کې یو بل پولیس او یو ملکي کس ټپیان شوي هم دي. د ولایتي... Читать дальше...
په بلخ ولایت کې د مخابراتي شبکو د بندېدو له امله سوداګرو ته میليونونه افغانۍ زیان اوښتی. د افغانستان د متشبیثینو د بورډ رئیس رحم الدین حاجي اغا نن ازادي راډیو ته وویل چې د مخابراتي شبکو د بندېدو له امله سوداګر نشي کولای چې د خپلې سوداګرۍ اړوند مسایل پر وخت او په ښه ډول پرمخ یوسي. د يادونې ده چې له څو شپو راهیسې په بلخ او ځینو نورو شمالي ولایتونو کې مخابراتي شبکې بندېږي چې له امله یې سوداګرو ته سلګونه لکه افغانۍ زیان اوښتی دی. نوموړی له افغان حکومته د دې ستونزې د ژر هواري غوښتنه کوي، ځکه په... Читать дальше...
د ولسمشرۍ د انتخاباتو د نوماندانو او مرستیالانو د امنیت لپاره نږدې پنځوس زرهې موټرې او نهه سوه پولیس د دوی په واک کې ورکړل شوي دي.
ارواپوهان وايي چې نشه يي مواد د معتادینو پر ذهن او روان د نورو منفي اغېزو ترڅنګ د دوی خویونه هم بدلوي، دوی له کورنۍ او ټولنې څخه ګوښه کېږي او يوازې له معتادينو سره کېني.
د جولای پر۲۶مه په خوست کې د ۹۹۱ میلیونه افغانیو په لګښت د نړیوال هوايي ډګر د ترمینل د جوړولو کار پیل شو.
د امریکا د بهرنیو چارو وزارت وايي ، اوس هغه وخت رارسیدلی دی چې پاکستان خپلې ژمنې عملي کړي.