Новости за 05.10.2019

د غزني ولایت د مقر ولسوالۍ په چهارده سیمه کې د ولسي پاڅونوالو پر يوه پوستي موټربم برید شوى دى. د غزني د والي ویاند محمد عارف نوري نن په دې اړه ازادي راډیو ته وویل: تېره شپه وسله والو طالبانو د ټونس ډوله موټر په واسطه د پاڅون والو پوستې د یوې برخې ترڅنګ چاودنه کړې چې په ترڅ کې یې څلور تنه پاڅونوال ټپیان شوي دي. بل خوا د کاپيسا ولايت چارواکي وايي، تېره شپه وسله والو طالبانو په نجراب ولسوالۍ کې د ولسي پاڅونوالو پر يوه پوسته حمله کړې ده. د نجراب امنيه قوماندان حبيب الله اندرابي نن ازادي راډيو ته... Читать дальше...

د انتخاباتو خپلواک کمېسیون د انتخاباتو په ورځ په پلازمېنه کابل کې د بایومټریک د یو شمېر الو د ورکېدو خبره کوي.

د خېبر پښتونخوا سونیا شمروز د ایم فل ډګرۍ زده کوونکې ده او هم انځورګري کوي. نوموړې وايي، لوموړی انځور یې د کور پر دېوالونو د نغري په سکرو جوړی کړی وو. د عظمت علي شاه ویډیويي رپورټ وګورئ.

د جمعیت علما اسلام (ف) د خیبر پښتونخوا مخکښ مشر اکرم خان درانی وايي که صوبايي حکومت د دوی د پرامنه لاریون مخه ونيوله نو له سختو نتيجو سره به مخ شي. نوموړي دا څرګندونې د خیبر پښتونخوا د وزیراعلی محمود خان تر هغه بیان وروسته کړې دي چې ګواکی د لاریون مخه به نیسي. ویډیو: غلام غوث

د "حقیقت څه دی؟" د دې اوونۍ په خپرنه کې مو د انتخاباتو د خپلواک کمېسیون له غړي ښاغلي اورنګزیب سره مرکه کړې.

د افغانستان د سولې لپاره د امریکا ځانګړي استازي زلمي خلیل زاد د ملا عبدالغني برادر په مشرۍ د طالبانو له پلاوي سره کتلي دي

د افغانستان د کرکټ ملي لوبډلې کپتان راشد خان ارمان د ګینس په نړیوالو ریکارډونو کې دده د نوم پر ثبتېدو خوښي ښوولې ده. نوموړي دغه لاسته راوړنه لوی ویاړ بللی او پر خپل ټویټرپاڼې یې د ټولو له ملاتړ او مینې مننه کړې ده. راشد خان د تر ټولو کم عمره کرکټ لوبغاړي په توګه د ډېرو ویکټو په اخیستلو دغه ریکارډ ثبت کړی دی. راشد خان په ټوله نړۍ کې یواځنی لوبغاړی دی چې له شل کلنۍ وړاندې یې په نړیوال کرکټ کې ټول ټال ۱۷۶ ویکټې اخیستي دي. په ګینس کې د هغه د ریکارډ ثبتېدو خبر پرون خپور شو. د افغانستان دغه... Читать дальше...

د کابل چاپ ورځپاڼو په خپلو نننیو ګڼو کې تر ډېره پاکستان ته د طالب پلاوي او د افغانستان د سولې لپاره د امریکا د ځانګړي استازي زلمي خلیلزاد د سفر په اړه لیکنې خپرې کړې دي.

ځینو غربي ورځپاڼو او خپرولو د افغانستان پر تېرو ولسمشریزو ټاکنو او د سولې پر پروسې مقالې خپرې کړې دي.

د افغانستان د ټاکنو خپلواک کمیسیون چارواکي، له پلان سره سم تمه ده نن شنبه (میزان ۱۳مه) د کابل مرکزي دفتر ته له ولایتونو د حساسو انتخاباتي موادو د لېږدولو بهیر بشپړ شي. ددغه کمیسیون یوه ویاند عبدالعزیز ابراهیمي ازادي راډیو ته وویل، د پرون جمعې ورځې تر ماښامه د ۲۳ ولایتونو حساس ټاکنیز مواد کابل ته ورسېدل. ښاغلي ابراهیمي همداراز وویل، "د جمعې تر ناوخته د بیومټریک شویو رایو ۲۰ زره او ۵۰۰ فورمې زموږ له اصلي سرور سره وصلې شوې او دا پروسه دوام لري." د افغانستان ولسمشریزې ټاکنې د میزان په ۶مه ترسره شوې. Читать дальше...

د عراق په پلازمېنه بغداد او څو نورو ښارونو کې د حکومت ضد لاریونونه نن پنځمې ورځې ته رسېږي. په دغو مظاهرو کې چې له تېرې سه شنبه روانې دي، تراوسه د ۴۲ کسانو د وژل کېدو راپورونه ورکړل شوي دي.

د افغانستان دفاع وزارت ویلي، په شمال ختیځ ولایت تخار کې د کوکچې شااوخوا ولسوالۍ پرون جمعه په بشپړه توګه له مخالفینو تصفیه شوي دي. په دغه ولایت کې له شپږو ورځو راهیسې پوځي عملیات روان دي. د دفاع وزارت ویاند روح الله احمدزي پرون ماښام (میزان ۱۲مه) ازادي راډیو ته وویل، د کوکچې شاوخوا ولسوالۍ د جمعې په ورځ تصفیه شوي او د عملیاتو د ورو مخته تللو علت دا دی چې دښمن په ګڼو سیمو کې ماینونه ځای پر ځای کړي او باید دا ماینونه شنډ کړای شي. ښاغلي احمدزي وویل چې په دغو عملیاتو کې طالبانو ته درنه مرګ ژوبله اوښتې، خو کره شمېرې یې وړاندې نه کړې. Читать дальше...

د افغانستان د ملي امنيت مشاور امن او سولې ته د رسېدو لپاره د نوي افغان حکومت لومړيتوب دا بولي چې هغه مافيايي ډلې وځپي چې د افغانستان له خاورې څخه د نشه يي موادو د قاچاق لپاره کار اخلي.

د پاکستان د بهرنیو چارو وزیر ویلي، طالبان هغې احتمالي هوکړې ته لا هم متعهد دي چې په پام کې وه د قطر مذاکراتو په پای کې یې د افغانستان د سولې لپاره د امریکا له ځانګړي استازي زلمي خلیلزاد سره لاسلیک کړي.

د کورنیو چارو وزارت د معلوماتو پر اساس، دوی سږکال د طالبانو نږدې د دوو میلیونو ډالرو په ارزښت نشه يي مواد له منځه وړي دي.