Новости за 02.02.2022

د امنيتي ننګونو او د زرګونو کورنيو له خوا خپلو ماشومانو ته د پوليو وايرس ضد څاڅکو څخه پر انکار سربېره هم د پاکستان په تاريخ کې په لومړي ځل د يوه کال راهيسې د پوليو يا ګوزڼ هيڅ يوه پېښه نه ده ثبت شوې. په دې هېواد کې د ۲۰۲۱ز کال د جنورۍ پر ۲۷مه نېټه يو ماشوم په وروستي ځل ګوزڼ وهلی وو. که په پاکستان کې همدغسې درې کاله پرله پسې د پوليو هيڅ يوه پېښه رامنځ ته نه شي، نو بیا به له دې وايرسه پاک هېواد وګرځي. خو هلته د پوليو ضد هلې ځلې لاهم له امنيتي ګواښونو سره مخامخ دي. په دې اړه د فرانس پريس اژانس ويډيويي راپور وګورئ چې عبدالحي کاکړ پښتو کړی دی.

ایرواېشیا رېویو ایرواېشیا رېویو خپرونې د افغانستان او پاکستان د اړیکو او د ډیورند د کرښې په اړه یوه لیکنه خپره کړې چې په کې راغلي، ډیورند تل د دواړو ګاونډیو هېوادونو پر اړیکو سیوری غوړولی دی. د ډیورند موافقه د ۱۸۹۳کال د نوومبر په ۱۲مه د هغه وخت د بریتانوي هند د بهرنیو چارو د وزیر سر مورټیمر او د افغانستان د پاچا امیرعبدالرحمن خان ترمنځ لاسلیک شوې ده. د دغې موافقې له مخې د افغانستان له څه باندې سل زره کیلومتره مربع خاوره تر یوه ټاکلي وخته د بریتانیا تر نفوذ لاندې راغله چې په بدل کې یې دې هېواد... Читать дальше...

په غزني کې افغاني سرې میاشتې ټولنې پرون سې شنبه (د سلواغې۱۲مه) پر زرو کورنیو یوه اندازه مرستې وېشلي دي.  په سوېل لوېدیځ زون کې د افغاني سرې میاشتې ټولنې مشر مولوي الیاس خېل ناصري، ازادي راډیو ته وویل، دغو مرستو کې خوراکي او غیر خوراکي توکي شامل دي.  نوموړی وايي، د دغه مرستې یوه برخه یې په غزني مرکز او پاتې نورې یې په اندړو ولسوالۍ کې پر بې وزلو، غریبو او بې ځایه شویو کورنیو وېشل کېږي.  که څه هم چې په اوسني وخت کې د طالبانو پر حکومت او ځايي چارواکو یې نیوکې کیږي چې هغوی د نړیوالو خیریه موسسو... Читать дальше...

د افغانستان تر ۱۹ کالو کشرو کرکټ لوبغاړو پرون د دې کټګورۍ د نړیوال جام په نیم پایلوبه کې د انګلېنډ پر وړاندې ماتې وخوړه.  لوبه انګلېنډ په بېټینګ سره پیل کړه او په ۴۷ ټاکلو اورونو کې یې د ۶ لوبغاړو په سوځېدو سره  ۲۳۱ منډې جوړې کړې.  افغان لوبډلې په خپل وار چټک بېټېنګ وکړ او په پای کې بریا ته نژدې شوي وو، خو په شپږڅلوېښتم اوور کې یې په یو ځل درې لوبغاړي وسوځېدل په داسې حال کې چې د منډو شمېر یې ۲۱۵ ته رسېدلی و.  په دې توګه انګلېنډ فاینل ته ووت او نن د اسټرالیا او هند له لوبې وروسته به جوته شي... Читать дальше...

د اریانا نیوز خصوصي ټلوېزیون څرګنده کړه چې د دوی دوه خبریالان عبدالوارث حسرت او اسلم حجاب د دوشنبې په ورځ پرته له کوم دلیله نیول شوې دي، د بشري حقونو ډلو دا نیونې غندلې دي. د بښنې نړیوال سازمان د جنوبي اسیا څانګې په ټویتر کې لیکلي دي چې د دې کسانو نیول نه شي توجیه کیدای او دا د رسنیو پر ازادي برید دی چې د بیان د ازادۍ د مخنیوي لپاره یو جدي ګواښ دی. دې سازمان له طالبانو غوښتي دي چې دا دوه خبریالان پرته له کوم قید او شرطه خوشې کړي. د بښنې نړیوال سازمان د جنوبي اسیا څانګې ویلي، طالبان په داسې... Читать дальше...

د بلجیم پلازمېنه بروکسل د افغان ښځو د ورځې په نوم د غونډې کوربنه ده. دا غونډه پرون د اروپایي ټولنې، ملګرو ملتونو او یو شمېر افغان ښځینه فعالانو په ګډون پرانېستل شوه. د اروپایي پارلمان په خبرپاڼه کې راغلي دي چې د افغان ښځو د ورځې په نوم د بروکسل په کنفرانس کې به پر افغانستان د طالبانو له واکمنېدو وروسته په دغه هېواد کې د ښځو پر وضعیت او د ښځو پر وړاندې پر پرتو ستونزو خبرې وشي او د حل لارو د موندلو لټه به وشي. په دې کنفرانس کې د امریکا د سینما پېژندل شوې ستورې انجلینا جولي چې د کډوالو لپاره د ملګروملتونو ځانګړې استازې هم ده ګډون کړی دی. Читать дальше...

د اروپایي ټولنې کمېسیون له اوکراین سره د یو اعشاریه دوه میلیارډه یورو مرستې وړاندیز کړی دی. د اروپایي کمېسیون ویاندې یرله نویتس پرون په بروکسل کې خبري غونډې ته وویل: "نن اروپایي کمېسیون د اوکراین لپاره د سترې مالي مرستې وړاندیز وکړ چې یو اعشاریه دوه میلیارډه یورو کېږي. د اروپا د شورا او پارلمان له لورې د دې مرستې ژر تصویبېدل به دې ته لار پرانېزي چې سمدستي لومړۍ برخه چې شپږ سوه میلیونه یورو ده اوکراین ته ورکړو." د اروپایي کمېسیون ویاندې زیاته کړه، له اوکراین سره د مرستو دوهمه برخه به هغه وخت کییف... Читать дальше...

د امریکا د متحد ایالاتونو د بهرنیو چارو وزیر انتوني بلېنکن د اوکراین له سرحد سره نژدې د روسي ځواکونو د سمدستي وتلو غوښتنه وکړه. د متحد ایالاتونو د بهرنیو چارو وزیر ښاغلي بلېنکن پرون د روسیې له بهرنیو چارو وزیر سرګي لاوروف سره په ټیلیفون خبرې وکړې او تر دې خبرو وروسته د امریکا د بهرنیو چارو وزارت په یوه بیان کې څرګنده کړه چې ښاغلي بلېنکن د اوکراین د ځمکنۍ بشپړتیا په برخه کې د واشنګټن پر ژمنو ټینګار وکړ او دا یې هم وویل، هر هېواد دا حق لري چې خپل بهرنی سیاست په خپله وټاکي. تر دې مخکې د روسیې ولسمشر... Читать дальше...