د امریکا پوځ پرون اعلان وکړ، چې په سوریه کې د داعش یو مشر د بې پیلوټه الوتکې په برید کې وژل شوی دی. د امریکا مرکزي قوماندانۍ ویلي، چې ماهر العقال په برید کې وژل شوی او د داعش یو بل مهم غړی ټپي شوی دی. د امریکا بې پیلوټه الوتکې دا برید د ترکیې پولې ته نژدې د سوریې په شمال ختیځ کې کړی دی.
اوچا یا د افغانستان لپاره د ملګرو ملتونو د بشري چارو د همغږۍ ادارې له ډنمارک مننه کړې چې له افغانانو سره یې دوه نیم میلیونه ډالره مرسته کړې ده. ډنمارک د افغانستان د بشري صندوق سره د سه شنبې په ورځ د اولس نیم میلیونه ډنمارکي کرونو چې دوه نیم میلیونه امریکايي ډالره کېږي مرسته اعلان کړه. د افغانستان د بشري صندوق لپاره ټوله شوې مرسته د سختو اړمنو د لاسنیوي لپاره لګول کېږي. اوچا په یوه ټوېټ کې ډنمارک د افغانستان د بشري صندوق متداومه تمویلونکی بللی او له نورو یې هم غوښتي چې په مرستو سره د انسانانو ژوند وژغوري. Читать дальше...
په پکتیکا کې د ګازو د یوه بالون په چاودنه کې د یوې کورنۍ یو غړی وژل شوی او پنځه نور ټپیان دي. د طالبانو تر کنټرول لاندې باختر خبري اژانس سه شنبه راپور ورکړی، چې پېښه په سروبي ولسوالۍ کې شوې ده او د کور یوه برخه هم نړېدلې. د یوه ټپي حالت نازک ښودل شوی. باختر اژانس زیاته کړې، چې د ګازو د ټيټ کيفيت لرونکو بالونونو کارول او د دغو بالونونو په کارولو کې د کورنيو بې پروايي د دغسې خونړیو پېښو لامل ګرځي.
اوکراییني چارواکي وایي، د هېواد په ختیځ کې یې د روسي ځواکونو پر ضد عملیاتو ته زور ورکړی دی. د اوکراین پوځ ویلي، چې د دغه هېواد په جنوب کې یې د روسیې پر ضد پراخ ځوابي عملیات پیل کړي او غواړي هغه سیمې بېرته ونیسي چې روسانو اشغال کړې دي. د اوکراین د پوځ د جنوبي زون قومندانۍ ویلي چې سه شنبه یې د روسیې تر ولکې لاندې ښارګوټي نووا کاخوفکا کې د مهماتو پر یوه ډیپو حمله کړې، چې په نتیجه کې یې یوه لویه چاودنه شوې ده. د پوځ قومانداني ویلي، چې ۵۲ روسي پوځیان په دې برید کې وژل شوي او توپخانې او زغره وال ګاډي یې له منځه تللي دي. Читать дальше...
انډيپنډنټ: بریتانیايي ورځپاڼې انډیپنډنټ د دې هېواد ځانګړي ځواکونه د افغان ملکي وګړو په وژلو تورن کړي دي. د بي بي سي په یوه نوي څېړنیز راپور چې د جولای په دوولسمه خپور شو موندلې چې ښايي یوه نظامي واحد په هلمند ولایت کې د برتانوي ځواکونو د شپنیو عملیاتو پر مهال ۵۴ کسان پر ناحقه وژلي وي. د انډيپنډنټ په وينا، د بريتانيا د دفاع وزارت د دغه مستند فلم په اړه غبرګون ښودلى او ويلي يې دي، چې د دا ډول راپورونو خپرېدل د هېواد د سرتېرو ژوند له خطر سره مخامخ کوي. د انډیپنډنټ ورځپاڼې د راپور له مخې، د بریتانیا... Читать дальше...
د بشري حقونو مدافع سازمانونو د بریتانیا د هغو پوځیانو محاکمه غواړي چې په افغانستان کې د ملکیانو په وژنه تورن شوي. د بشري حقونو د څار سازمان وایي، په افغانستان کې د برتانوي ځواکونو د احتمالي جرمونو په اړه د بي بي سي د راپور پایلې خورا زړه بوږنوونکې بولي. د بي بي سي پانوراما پروګرام چې د همدې ډول مهمو موضوع ګانو په اړه مستند فلمونه او څېړنیز راپورونه جوړوي د بریتانیا د ځانګړو ځواکونو ډله تورنه کړې چې په مکرر ډول یې غیر مسلح شوي کسان او بندیان په مشکوکو شرایطو کې وژلي دي. د بشري حقونو د څار سازمان... Читать дальше...
