د سیند صوبې په جامشورو کې د سېلاب له وجې په منچر ډنډ کې د اوبو سطح لوړه شوې ده چې له وجې یې د ډنډ د ماتېدو خطر پیدا شوی دی. همدا لامل دی چې چارواکو له شاوخوا سیمو څخه تر یو لک زیات خلک خوندي ځایونو ته انتقال کړي دي. منچر د پاکستان له لویو ډنډونو یو دی. د رویټرز اژانس له ویډیو جوړ رپورټ.
د اوکراین پوځ وایي، د دې هېواد په شمال ختیځ د خارکییف ښار په شاوخوا کې د جګړې له تېزېدو سره د روسیې اجیرو وسله والو ته ډېره مرګ ژوبله اوښتې. د اوکراین د پوځ د درستیزوالۍ دفتر نن وویل چې د ټولو هغو ځواکونو چې په جګړه کې وژل شوي یا سخت ټپیان شوي، څه باندې څلویښت په سلو کې یې همدا د روسیې له خوا ګومارل شوي اجیر ځواکونه جوړوي. په عین حال کې د اوکراین یو شمېر سرچینو ویلي، هغه تهاجمي عملیات چې اوکراین تېره اونۍ پیل کړي او تراوسه دوام لري، یو شمېر یې بریالي و. په دې اړه نور جزییات نه دي ورکړل شوي. Читать дальше...
په مشال مرکه کې مو دا ځل په اسلام اباد کې د ملګرو ملتونو د کډوالو ادارې (یو اېن اېچ سي ار) ویاند قیصر اپرېدی مېلمه کړی دی. دی له ۲۰۰۹ز کال راهیسې د هغې ادارې ویاند دی. اپرېدی وايي، په ۲۰۲۱ز کال کې پر افغانستان د طالبانو له واکمنېدو راهیسې شاوخوا ۲۵۰،۰۰۰ افغانان پاکستان ته کډوال شوي دي چې لا د مهاجرو حیثیت نه لري. له اپرېدي سره خبرې د غږ په ځای کې واورئ.
نن د سپټمبر اومه د شنه اسمان لپاره د پاکې هوا نړیواله ورځ ده. ملګري ملتونه هرکال د سپټمبر اومه د شنه اسمان لپاره د پاکې هوا د نړیوالې ورځې په توګه نمانځي چې عمده هدف یې د ښې هوا د اهمیت په اړه د خلکو د پوهې زیاتېدل دي. دا ورځ درې کاله مخکې د هغو ورځو په فهرست کې شامله شوه چې د نړیوالو ورځو په توګه نمانځل کېږي. دا چې اوس په افغانستان کې د هوا وضعیت څه ډول دی، د کابل پوهنتون د ځمکې پېژندنې د پوهنځي پخوانی استاد خلیل احمد نادم وايي: "په خواشینۍ سره د کابل هوا ډېره ککړه او په دوبي کې له دوړو او خاورو سره مله ده. Читать дальше...
په داسې حال کې چې د طالبانو تر واک لاندې د کابل امنیه قومندانۍ په دې ښار کې د سوالګرو د راټولولو پروګرام پیل کړی خلک د طالبانو له حکومت غواړي چې باید د دغه خلکو اقتصادي ستونزو ته رسېدنه وکړي او یو مناسب کاروبار ورته برابر کړي. د طالبانو تر واک لاندې د کابل امنیه قومندانۍ ویاند خالد ځدراڼ پر خپل ټویټر لیکلي دي، چې د سوالګرو د راټولو چاره د نن یانې چهارشنبه بیا پیلېږي. نوموړي پر خپل ټویټر دا ګواښ هم کړی چې هغه سوالګر کوم، چې مخکې بایومټریک شوي که بیا په ښار کې د سوال کولو په حال کې ولیدل شي له نیولو وروسته به زندان ته واستول شي. Читать дальше...
د پاکستان پوځ په تېرو وختونو کې په بیا بیا ټینګار کړی دی چې په سیاسي چارو کې لاسوهنه نه کوي او هېڅوک دې یې پکې د ښکېلولو هڅې نه کوي.
د افغانستان بانک وايي، د نړیوالې ټولنې د بشري مرستو په دوام کې ۴۰ میلیون نور ډالره کابل ته ورسېدل. دا پیسې هم د مخکینیو په شان یوه خصوصي بانک ته سپارل شوي دي. خو د افغانستان بانک، چې د طالبانو د حکومت په کنټرول کې دی، د دې مرستې د هرکلي ترڅنګ له نړیوالې ټولنې غوښتنه کړې چې په بانکي برخه کې همکاري او تعامل زیات کړي. د طالبانو له واک ته رسېدو وروسته د نړیوالې ټولنې له لوري افغانستان ته تراوسه پورې څه باندې یو میلیارد او ۱۵۳ میلیون ډالره مرسته شوې ده.
د ملګرو ملتونو د ماشومانو د ملاتړ ادارې یا یونېسف نن وویل چې تر نیم میلیون ډېر افغان ماشومانو ته د شري پر ضد واکسین ورکوي. د ملګرو ملتونو پر اساس، دا کمپاین به د روغتیا د نړیوال سازمان په همکارۍ او د جاپان په مالي مرسته ترسره شي. یونېسف هیله لري چې د واکسیسناسیون د دې کمپاین د تطبیق په وسیله به د شري ناروغۍ د خپرېدو مخه ونیسي. د روان میلادي کال په لومړیو درو میاشتو کې د افغانستان په څه باندې شلو ولایتونو کې د شري تر ۲۵ زره ډېرې پېښې ثبت شوې او له کبله یې د ۱۸۶ تنو مړینه هم تایید شوه.
د تحریک انصاف مشر عمران خان د حکومت ضد ولسي غونډو او د ضمني انتخاباتو کیمپېن ته دوام ورکړی او ژر د ټولټاکنو د نېټې اعلانولو غوښتنه کوي. نوموړي په خپلو ویناوو کې کله په اشارو او کله هم مستقیماً پر پوځ نیوکې کوي خو د سېپټېمبر پر څلورمه یې د پوځ د نوي مشر ټاکنې په اړه څرګندونې د حکومت، پوځ او سیاسي مشرتابه له سخت غبرګون سره مخامخ شوې. تر دې مخکې به یوشمېر شنونکو ګومان کاوه چې عمران خان ځکه ژر د انتخاباتو غوښتنه کوي چې غواړي اوسنی حکومت د پوځ د راتلونکي مشر د ټاکلو موقع و نه لري. په مشال تر رڼا لاندې... Читать дальше...
د برېتانیا د نوې صدراعظمې دفتر پرون اعلان وکړ چې جیمز کلېورلي (James Cleverly) د باندنیو چارو وزیر ګومارل شوی دی. ښاغلی کلېورلي د سږ کال په جولای کې د بوریس جانسن په کابینه کې د پوهنې وزیر ټاکل شوی و. پرون لیز ترس د برېتانیا د صدراعظمي په توګه لوړه په ځای کړه. دې په واکمن محافظه کار ګوند کې دننه د رایو په نتیجه کې خپل سیال ریشي سوناک مات کړ. ټرس له تریزا مې او مارګریټ ټاچر وروسته د برېتانیا درېیمه ښځینه صدراعظمه ده.
د ترکیې ولسمشر رجب طیب اردوغان یونان ته یو وار بیا د پوځي برید خبرداری ورکړ او یونان یې په ځواب کې د دفاع لپاره چمتووالی اعلان کړ. ترکیه او یونان له ډېرو کلونو راهیسې په اوبو کې د ځینو ټاپوګانو او په سیمه کې د هوايي حریم پر سر اختلاف لري. دا ډول اختلافات سبب شوي چې په تېرو پنځو لسیزو کې دوه هېوادونه پراخې جګړې ته نږدې شی. په دې وروستيو کې د ترکیې او یونان کړکېچنې اړیکې یو وار بیا ترینګلې شوي.
د چین دولتي رسنۍ وايي، د دغه هېواد په جنوب لوېدیځ کې په سختې زلزلې کې د وژل شویو کسانو شمېر ۷۴ تنو ته زیات شو. په همدې حال کې زرګونه کسان موقتي سرپناوو ته لېږدول شوي او د پر لهپسې بارانونو له کبله وېره ده چې ځمکه وښوېږي. د امریکا د زلزله پېژندنې د مرکز له راپور سره سم، د دوشنبې په ورځ ۶ اعشاریه ۶ ریښتره زلزلې د چین د سیچوان ولایت کانګدین ښار ته سخت ټکان ورکړ. اخوا د افغانستان په ختيځو ولايتونو کې هم د وروستيو زلزلو له امله ۶ کسان مړه شوي او ۹ نور ژوبل شوي دي.
نړیوالې ټولنې په بیا بیا پر طالبانو ټینګار کړی دی چې ټولشموله حکومت دې جوړ کړي او د ښځو په ګډون دې ټول بشري حقونه خوندي کړي.
د طالبانو تر کنټرول لاندې د افغانستان برېښنا شرکت وايي، د دغه شرکت تخنیکي کارکوونکو د ماهیپر برېښنا فابریکې د دوهم توربین د ترمیم چارې په بري بشپړې کړې. د دوهم توربین له فعالیدو سره د دغه برېښناکوټ د برېښنا د تولید ظرفیت ۶۶ مېګاواټو ته ورسېد. تر دې مخکې د هلمند د کجکي بند د دویم فاز جوړ او ګټې اخيستنې ته سپارل شوی چې ورسره د ياد بند د برېښنا ظرفیت ۱۰۰ مېګاواټه ورسېد. د کجکي برېښنا کوټ د هلمند او کندهار ډېرو سیمو ته به برېښنا ورکړي.
په داسې حال کې چې طالبان دوحې هوکړې ته د نه ژمنتیا له امله په نړیواله کچه له انتقادونو سره مخ دي، د طالبانو د حکومت د بهرنیو چارو وزارت وایي، امریکا دې د دوحې کړي تړون ته ژمن پاتې شي او له نورو هېوادونو هم غواړي چې د افغانستان پر ضد د خپلې خاوري او هوايي حریم کارولوته اجازه ور نهکړي. د طالبانو د حکومت د بهرنیو چارو وزارت سرپرست امیر خان متقي چې نن چهارشنبه یې له رسنیو سره د دې وزارت یو کلنې لاسته راوړنې شریکولې ټینګار یې وکړ، لکه څنګه چې د افغانستان خاوره د دوی په ضد نه کارول کېږي، د نړۍ هېوادونه... Читать дальше...
د پاکستان تحریک انصاف مشر او پخواني وزیراعظم عمران خان خپلو پلویانو ته ویلي دي چې د اسلام اباد پر لوري به احتجاجي لاریون کوي. ده البته د لاریون نېټه و نه ښوده خو د سېپټېمبر پر شپږمه یې په پېښور کې د ضمني انتخاباتو لپاره د کیمپېن جلسې ته په وینا کې پر اېتلافي حکومت نیوکې وکړې او ورباندې یې تورونه پورې کړل. د پاکستان حکومت په بیا بیا د نوموړي تورونه ناسم بللي او دعوه کوي چې هغه د هېواد بې ثباته کولو هڅې کوي. د اسوشيېټېډ پرېس اژانس له ویډیو جوړ رپورټ.
د پاکستان حکومت وايي، له لومړنیو اټکلونو سره سم، د جون له میاشتې راهیسې د وسې او بیا د پشکال تر بارانونو وروسته سېلابونو هغه هېواد ته له ۱۰ اربه ډالرو څخه زیات زیان رسولی دی.
د نړیوالې اټومي انرژۍ اداره وایي، د اوکراین د زاپوریژیا په اټومي تاسیساتو کې اوسنی وضعیت له کنټروله وتلی او د یوې اټومي پیښې د مخنیوي لپاره عاجالو اقداماتو ته اړتیا ده. د دې ادارې مشر له روسیې او اوکراین دواړو غوښتي چې، د دغو تاسیساتو شاوخوا د اټومي مصؤنیت او د خوندي امنیت یو زون رامنځته کړي. د اټومي انرژۍ نړیواله اداره وايي، د اوکراین د زاپوریژیا په اټومي تاسیساتو کې روان وضعیت د ادارې وړ نه دی او په دې تاسیساتو کې د یوې اټومي پېښې د مخنیوي لپاره سمدستي موقتو تدابیرو ته اړتیا لیدل کېږي. د... Читать дальше...
پي ډي اېم او د پاکستان اېتلافي حکومت د نوموړي د تازه څرګندونو په غبرګون رسمي دریځ نه دی ورکړی خو تر دې مخکې یې په بیا بیا د هغه تورونه بې بنسټه بللي دي او وايي چې هغه د هېواد د بې ثباته کولو هڅې کوي.
د سپینۍ ماڼۍ چارواکي وایي، امریکا به له افغانستانه دغه هېواد او متحدینو ته یې د ترهګریزو ګواښونو پر وړاندې محتاط وي. طالبانو تازه په دې اړه د ازادي راډیو پوښتنې ځواب نهکړې خو وړاندې یې ویلي هيچاته به له افغانستانه د نورو هېوادونو پر ضد د ترهګریزو تحرکاتو او ګواښونو جوړولو اجازه ور نهکړي. امریکا یو ځل بیا ټینګار کوي، چې له افغانستانه د دغه هېواد او متحدینو پر وړاندې یې د ګواښونو د مخنیوي موضوع څاري. د سپینۍ ماڼۍ ویاندې کرین ژان پییر چې د سپټمبر په ۶مه نېټه ناوخته یوې خبري غونډې ته خبرې کولې... Читать дальше...
د ملګرو ملتونو امنیت شورا په کابل کې د روسیې په سفارت وروستۍ حملې ته غبرګون ښودلی دی. د امنیت شورا له لوري په خپره شوې اعلامیه کې پر ټولو خواو غږ شوی، چې په افغانستان کې د ډیپلوماتانو او کونسلي تاسیساتو د امنیت خوندیتوب تضمین کړي. د روانې اوونۍ د دوشنبې په ورځ په کابل کې د روسیې سفارت مخې ته په شوې انتحاري حمله کې دوه روسیي ډیپلوماټان او څلور ملکي افغانان ووژل شول. که څه هم د امنیت شورا په اعلامیه کې د طالبانو د حکومت نوم نهدی اخیستل شوی خو له ټولو اړخونو پهکې غوښتنه شوې ده چې باید د بهرنیو... Читать дальше...
د اټومي انرژۍ نړیواله اداره وايي، د اوکراین د زاپوریژیا په اټومي بټۍ کې روان وضعیت د ادارې وړ نهدی. يادې ادارې ويلي، په دې بټۍ کې د یوې اټومي پېښې د مخنیوي لپاره سمدستي موقتو تدابیرو ته اړتیا لیدل کېږي. د دې ادارې مشر رافایل ګراسي بېګاه د ملګروملتونو د امنیت شورا غونډې ته د وینا پر مهال وویل چې، دا له اور سره لوبې ته ورته کار دی او هره شېبه امکان لري چې یو اټومي ناورین رامنځ ته شي. ښاغلي ګراسي دا څرګندونې یوازې څو ساعته وروسته له هغه وکړې چې دې ادارې د اوکراین د زاپوریژیا د اټومي بټۍ د وضعیت په اړه یو راپور خپور کړ. Читать дальше...
ګارډين ورځپاڼه: له برېتانیا خپرېدونکې ګارډین ورځپاڼه د افغانستان په اړه بشري حقونو د څار د سازمان وروستي راپور ته په اشارې وايي، د تېر کال په اګست میاشت کې د طالبانو د بیا ځلي واکمنۍ راهيسې ، سلګونه هزاره ټبري افغانان د داعش د خراسان څانګې په بریدونو کې وژل شوي دي. ورځپاڼه د بشري حقونو د څار د نړیوال سازمان د راپور په استناد زیاتوي، په تېر یو کال کې په افغانستان کې په ۱۳ جلا جلا بریدونو کې تر ۷۰۰ زیات هزاره وګړي وژل شوي دي. د بشري حقونو د څار سازمان طالبان تورن کړي چې د خپلو پخوانیو ژمنو پر... Читать дальше...
په فاریاب ولایت کې پرون په یوه ترافیکي پېښه کې شپږ تنه مړه او لس نور ټپیان شول. د فاریاب د ترافیکو رئیس ملا نجیب الله خیبر ازادي راډیو ته وویل چې، دا پېښه د دې ولایت په چهار باغ ولسوالۍ کې هغه مهال رامنځته شوه چې یوه فلانګ کوچ ډوله موټر له یوه ټراکټور سره ټکر وکړ. په مړو شویو کې څلور یې ښځې او یو ماشوم دي. د لويو لارو خرابوالی او د موټرو بې احتياطي هغه لوی لاملونه دي چې د مسؤلينو په وينا افغانستان کې د ترافيکې پېښو لامل کېږي.
د طالبانو د حکومت چارواکي وایي، د افغانستان په شمال ختیځ کې پرون دوه زلزلې وشوې چې د یوې په نتیجه کې یې شپږ تنه مړه او نهه نور ټپیان شوي دي. طبعي پېښو ته د رسېدو په چارو کې د طالبانو د دولت وزارت ویاند محمد نسیم حقاني وویل، دغې خونړۍ زلزلې د کونړ ولایت ته ټکان ورکړی دی. د امریکا د جیولوژۍ د مطالعاتو مرکز د دغې زلزلې شدت د ریښتر په کچه ۴،۳ ثبت کړی دی. بله زلزله په بدخشان کې شوې چې شدت یې ۴،۸ ثبت شوی. ښاغلي حقاني ویلي، د بدخشان د زلزلې د احتمالي زیانونو راپور نهدی ورکړل شوی. دوه ورځې مخکې... Читать дальше...
