لیزټرس د بوریس جانسن پرځای د بریتانیا د صدراعظمې په توګه اعلان شوه. ۴۷ کلنې ټرس نن په واکمن محافظه کار ګوند کې دننه د رایو په نتیجه کې خپل سیال ریشي سوناک مات کړ او د صدراعظمې په توګه غوره شوه. جانسن د یوې اوږدې رسوایۍ په پایله کې چې د ده اداره یې کمزورې کړه په جولای میاشت کې خپله استعفا اعلان کړه. ټرس د جانسن په کابینه کې د بهرنیو چارو وزیره وه. ټرس له تریزا مې او مارګریټ ټاچر وروسته د بریتانیا درېیمه ښځینه صدراعظمه ده.
د طالبانو حکومت د بهرنیو چارو وزارت وايي، د روسیې پر سفارت برید به د دوی د حکومت او روسیې ترمنځ اړیکې زیانمنې نه کړي. د طالبانو حکومت د کابل امنیه قومنداني وايي چې د دوشنبې ورځې په ځانمرګي برید کې چې د روسیې سفارت مخ ته وشو، د روسیې سفارت ۲ کارکوونکي او ۴ افغانان وژل شوي او تر لسو ډېر کسان ټپیان شول، خو عیني شاهدان بیا وايي چې تلفات ډېر دي. د کابل امنیه قومنداني ویاند خالد ځدراڼ ازادي راډيو ته وویل: "په کابل کې د روسیې سفارت سره د چاودنې له امله زموږ ۴ تنه هېوادوال او د روسیې سفارت ۲ کارکوونکي وژل شوي دي او یو شمېر افغانان ټپیان شوي دي. Читать дальше...
عمران خان د سپتمبر په څلورمه نېټه په فیصل اباد کې ولسي غونډې ته د وينا پر مهال د مسلم ليګ (ن) مشر نواز شريف او د پيپلز پارټۍ مشر اصف علي زرداري غله بللي ول او بې له ثبوت وړاندې کولو يې ادعا وکړه چې دواړه غواړي په نومبر میاشت کې د پوځ مشر د خپلې خوښې کس وټاکي.
یو شمېر افغان ژباړونکي، چې په تېرو شلو کلونو کې یې په افغانستان کې له برتانوي ځواکونو سره کار کړی وايي، اوسمهال په افغانستان کې له امنیتي ګواښونو سره مخ دي. دوی وايي، پر افغانستان د طالبانو بیاځلي واکمنېدو ورسته په تیر یوه کال کې له سختو امنیتي ګواښونو سره مخ دي. د دوی له ډلې یو هغه یې چې نه غواړي نوم یې د امنیتي ستونزه له امله په راپور کې واخیستل شي ازادي راډيو ته وویل، دوه کاله مخکې یې د ملي امنیت په ریاست کې له برتانویانو سره کار کړی دی. دا وايي، د جمهوریت له سقوط وروسته یې په بریتانیا کې... Читать дальше...
په افغانستان کې د اساسي قانون په تړاو د طالبانو د عدلیې وزارت د مرستیال تازه څرګندونو پراخ غبرګونونه راپورته کړي. د طالبانو د عدلیې وزارت مرستیال عبدالکریم حیدر د یکشنبې په ورځ په کابل کې د یوې خبري غونډې پر مهال د یو خبریال د دې پوښتنې په ځواب کې، چې ایا په افغانستان کې اساسي قانون ته اړتیا شته او که نه ویلي: "کفري ممالک د خپلو کارونو لپاره اشد ضرورت لري، ځکه دوی الهي نظام نهلري او که اساسي قانون هم ونه لري، نو دوی به خپل نظام او اداره په څه شي مخته وړي. په اسلامي ممالکو کې قران عظیم الشان،... Читать дальше...
د روسیې بهرنیو چارو وزارت په یوه اعلامیه کې وویل چې د کابل په نننۍ انتحاري حمله کې د دغه هېواد د ډيپلوماتیک مأموریت دوه کارکوونکي وژل شوي دي. د طالبانو چارواکو هم په دغه حمله کې د څلورو افغانانو وژنه تأیید کړې ده.
د سوات په بحرین کې یوشمېر سېلاب ځپلو په منظم ډول د مرستندویه توکو د وېش له انتظار پرته شیان چور کړي دي. د سېلابونو له وجې د بحرین رابطه له نورو برخو سره پرې شوې خو هلته د حکومت ترڅنګ ناحکومتي ادارې هم له اغېزمنو سره مرستې کوي. په پاکستان کې سږنیو بارانونو او سېلابونو شاوخوا ۳۳ مېلیونه خلک اغېزمن کړي دي. د اسوشیېټېډ پرېس اژانس له ویډیو جوړ رپورټ.
په دې وروستیو کې د تاجکستان حکومت افغانستان ته د هغو افغان کډوالو د لېږلو لړۍ پيل کړې ده چې، دې هېواد ته یې پنا ور وړې وه. په تاجکستان کې افغان کډوال وايي، سره له دې چې د ملګرو ملتونو د کډوالو په چارو کې د عالي کمېشنرۍ او د تاجکستان حکومت لهخوا د کډوالۍ کارتونه ورکړل شوي، بیا هم په دې وروستیو کې له دې هېواد ایستل کېږي. د طالبانو حکومت په دې اړه څه نه وايي، خو په تاجکستان کې د تېر جمهوري حکومت سفیر محمد ظاهر اغبر ازادي راډيو ته وویل، د دې مسلې د حل لپاره یې د تاجکستان له حکومت او د کډوالو له... Читать дальше...
د کابل امنیه قوماندانۍ ویاند خالد ځدراڼ د سپتمبر پر پينځمه رسنيو ته په لېږدولي بيان کې ويلي چې په دې چاودنه کې يو کس وژل شوی او ۱۱ ژوبل شوي دي.
په بلوچستان کې سېلاب کوټې او د صوبې نورو برخو ته د ګیس رسولو دوه لویې نللیکې لاهو کړې دي او د برېښنا ۲۲۰ ستنې یې وړې یا نړولې دي. د دې تر څنګ په مچ ضلع کې د اورګاډي یو تاریخي پل هم نړېدلی دی چې د بیارغونې چارې یې روانې دي.
د ملګرو ملتونو امنیت شورا په هرات کې د جمعې ورځې د چاودنې په غبرګون کې وايي، د نړۍ امنیت او سولې ته د متوجې ګواښونو پر وړاندې باید ټول هېوادونه مبارزه وکړي. د جمعې په ورځ د هرات په ګاذرګاه جومات کې د ځانمرګي برید په پایله کې د طالب پلوي مولوي مجیبالرحمان انصاري په ګډون ۲۰ تنه ووژل شول او لسګونه نور ټپیان شول. د ملګرو ملتونو امنیت شورا دې چاودنې ته په اشارې وايي، هر ډول ترهګري جرم او د توجیه وړ نهده. د هرات په ګاذرګاه کې د تېرې جمعې په ورځ د لمانځه پر مهال ځانمرګی برید وشو چې، د دې برید اصلي... Читать дальше...
طالبان وايي، نن غرمه په کابل کې د روسیې سفارت سره د چاودنې له امله ۴ تنه عام افغانان او د دې سفارت ۲ کارکوونکي وژل شوي او یو شمېر نور ټپیان دي. په افغانستان کې د اروپايي ټولنې استازولۍ په کابل کې د روسیې د سفارت مخې ته چاودنه غندلې ده او په دې اړه یې پر خپله ټويټر پاڼه لیکلي چې قربانیانو او هغوی کورنیو ته تسلیت وايي. روسي ورځپاڼې ګازیتا آر یو د روسیې د بهرنیو چارو وزیر سرګي لاوروف له قوله لیکلي چې په کابل کې د روسيې سفارت خپل امنیتي اقدامات زیات کړي دي او د طالبانو اضافي امنیتي او استخباراتي ځواکونه یې د کابل د پيښې په تړاو غوښتي دي. Читать дальше...
په سعودي عرب کې د بازانو او وسلو یو نندارتون پرانیستل شوی دی. دغه نندارتون ته د بازانو او وسلو مینه وال ور روان دي څو د خپلې خوښې هغه پکې انتخاب کړي او واخلي. د بازانو پالونکي وايي پکار ده داسې نورې میلې هم جوړي شي او دغه شوق ته فروغ ورکړل شي. تفصیل د رویټرز خبري اژانس په ویډیويي راپور کې
ایران د خپلو بهایي اتباعو په وړاندې د ځپونکو اقداماتو د زیاتوالي په ترڅ کې د بهایي فرقې دولس پیروان چې تهران په ارتداد او له اسراییل سره د اړیکو په لرلو تورن کړي، نیولي دي. د ایران دولتي رسنۍ پرون وویل، دغه کسان د مازنداران ولایت په مختلفو سیمو کې نیول شوي دي. په دې سیمه کې د اګست په ۳۱مه هم د دې فرقې چې په ایران کې یوه غیر اسلامي لویه اقلیت ډله ګڼل کېږي، ۱۴ غړي نیول شوي و. بهایان چې شمیر یې په ایران کې شاوخوا درې لکه کسانو ته رسېږي او په نړۍ کې شاوخوا پنځه ملیونه پیروان لري وایي، دوی په ایرن... Читать дальше...
د ملګرو ملتونو د ماشومانو د ملاتړ صندوق یونېسف د افغانستان لپاره د ملګرو ملتونو د سرمنشي د ځانګړې استازې په توګه د روزا اوتونبایوا د ټاکنې هرکلی کړی. يونېسف په یوه ټویټ کې هغې ته پر دې دندې د ټاکل کېدو د مبارکۍ ترڅنګ ویلي چې، په ویاړ سره به د هر ماشوم د هوساینې لپاره له تاسو سره یو ځای کار کوو. د ملګرو ملتونو سرمنشي انتونیو ګوتیریش د سپټمبر په دوهمه د قرغزستان پخوانۍ ولسمشره روزا اوتونبایواد کاناډایي ډیپلوماتې ډییورا لاینز پر ځای د افغانستان لپاره د خپلې ځانګړې استازې په توګه وټاکله. د ډیبورا لاینز دنده په جون میاشت کې پای ته رسېدلې وه.
د افغانستان لپاره د خوړو نړیوال پروګرام په دې هېواد کې د خلکو د ملاتړ لپاره د کاناډا د دوامداره او ثابت ملاتړ ستاینه کړې. د خوړو نړيوال پروګرام په یوه ټویټ کې یې ویلي، د کاناډا په څېر یې د بسپنه ورکوونکو د سخاوتمندانه مرستو پر مټ په افغانستان کې د له څه باندې یویشت ملیون سړو او ښځو سره چې په اقتصادي ستونزو راګیر او په دې هېوا کې چاپیریالي غمیزو او کړکېچونو اغېزمن کړي، ملاتړ کړی دی. دا نهدي ویل شوي چې کاناډا له دې پروګرام سره تر اوسه څومره مرسته کړې خو له دې مخکې یې دا هېواد، د امریکا د متحدو... Читать дальше...
د کلېمينټس لخوا د خپرو شويو شمېرو تر مخه په پاکستان کې ۱.۳ مېليونه افغان کډوال اوسيږي چې له هغوی څخه یې ۴۲۱،۰۰۰ په وروستيو سېلابونو او بارانونو کې زیانونه ليدلي دي. د يو اېن اېچ سي ار له مخې په خيبر پښتونخوا کې د کډوالو ځينې کمپونه خراب شوي او د هغوی څاروي وژل شوي دي.
د اسیا د کرېکټ شل اووریز جام د سیالیو په دوام د پاکستان لوبډلې هند ته ماتې ورکړه. په دې لوبه کې، چې پرون (د سپتمبر ۴) د دوبۍ په کرېکټ لوبغالي کې ترسره شوه، هند د ۱۸۲ منډې هدف وټاکه، چې پاکستان د لوبې په وروستي اوور کې دغه هدف ترلاسه کړ. د اسيايي کرېکټ جام سياليو کې به نن وقفه وي. سبا به د هند لوبډله له سرېلانکا سره او د چهارشنبې په ورځ به افغانستان له پاکستان سره لوبه کوي. د بنګله دېش او هانګ کانګ لوبډلې د سږ کال د اسیا د ۲۰ اوریزو جام له سیالیو بهر شوي دي.
تمه ده چې د برېتانيا نوی صدراعظم یا صدراعظمه سبا (د سپتمبر ٦مه) په کار پيل وکړي. دا لا څرګنده نهده چې د بهرنیو چارو اوسنی وزیره لیز تراس به صدراعظمه شي یا د برېتانیا د خزانې پخوانی وزیر رشي سوناک د صدراعظم په توګه ټاکل کېږي. بوریس جانسن د جولای په اوومه د برېتانیا د صدراعظم په توګه خپله استعفا اعلان کړه. اوس په برېتانیا کې عمومي ټاکنې نه کېږي، خو د محافظه کار ګوند ۱۶۰ زره غړي، چې جانسن یې هم غړی دی، د دغه هېواد د راتلونکي صدراعظم په اړه پرېکړه کوي.
د طالبانو تر کنټرول لاندې کابل ښاروالۍ په کابل ښار کې د کانګریټي دېوالونو د لرې کولو د پروګرام د پیل خبر ورکوي. د باختر اژانس د خبرله مخې، د دغو کانګریټي خنډونو د پاکولو او لرې کولو کمېسيون پرون (د غبرګولي ١٣مه) د شش درک، د چارو ادارې، پښتونستان واټ او سلام مخابراتي شرکت په ساحو کې خپل کار پيل کړ. کابل ښاروالۍ وايي، ډېر ژر به تړل شوي سړکونه له غیر ضروري خنډونو پاک او د خلکو پر مخ به پرانیستل شي. د تېر جمهوري نظام پر مهال د دفترونو، سفارتونو او د لوړ پوړو چارواکو کورونو ته تلونکي ځینې سړکونه... Читать дальше...
په برېتانیا کې د افغان او اوکرایني کډوالو د ناوړه وضعیت تر راپورونه وروسته د کډوالو لپاره د دولت وزیر ریچارډ هرنګټن استعفا ورکړه. هرنګټن برېتانوي رسنیو سره په خبرو کې د خپلې استعفا تأیید کړی. هغه منلې چې په لومړي سر کې حکومتي چارواکو سره فکر نه و چې، په لویه کچه افغان او اوکرایني کډوال به راولي او دلته به ډېر وخت په هوټلونو کې پاتې کېږي. برېتانیا څه باندې ۱۱ زره افغانان له تېر اګست راهیسې دغه هېواد ته انتقال کړي چې له دې ډلې د راپورونو له مخې لا هم سلګونه کسان په موقتو کمپونو او هوټلونو کې اوسېږي او له ستونزو سره مخ دي. Читать дальше...
هرات کې وروستۍ چاودنه چې د تېرې جمعې په ورځ وشوه، د طالبانو د یوه ملاتړي دیني عالم مولوي مجیب الرحمن انصاري په ګډون پهکې ۱۸ کسان ووژل شول. په هرات کې له چاودنې دوه ورځې وروسته، د اسلامي هېوادونو د همکارۍ سازمان پرون (د سلواغې ١٣مه) په يوه خبرپاڼه کې وويل، د افغانستان په بېلابېلو سيمو کې د بريدونو او چاودنو له امله اندېښمن دى او هیله یې ده چې د دغه هېواد خلک په ارامه فضا کې ژوند وکړي. تر اوسه چا یا کومې ډلې د هرات په ګذرګاه جومات کې د چاودنې مسوولیت نه دی منلی، خو تر دې مخکې په مسجدونو کې د دغه... Читать дальше...
پولیسو د نیول شویو هیروینو ټول ټال ارزښت شل کروړه هندي روپۍ/څه باندې دوه نیم میلیونه ډالره اټکل کړی. هندي رسنیو د دغه هېواد د ترهګرۍ ضد ډلې په حواله راپور ورکړی چې افغان تبعه (ودیع الله رحیم الله) د نوې ډهلي په وسنت کُنج سیمه کې یکشنبې په ورځ له څلورو کیلوګرامه هیروینو سره نیول شوی. پولیسو ویلي، د نیول شوي کس پر ضد یې د مخدره موادو د لیږد د سزا د قانون په چوکاټ کې دوسیه ثبت کړې ده. ځینو نورو راپورونو کې د نیول شوي افغان نوم وحیدالله یاد شوی او زیاته شوې چې په هند کې یې د کډوالو د عالي کمېشنرۍ... Читать дальше...
د پخواني شوروي اتحاد رهبر مياخيل ګورباچف چې له افغانستانهيې د شوروي ځواکونو په ايستلو کې کليدي رول درلود تېره اوونۍ د ۹۱ کلنۍ په عمر مړ شو. ګورباچف د ۲۰مې پېړۍ د يو له اغېزناکه څېرو په توګه يادېږي، ځکه ده د سړې جګړې په پای ته رسولو کې مهمه ونډه درلوده.
ولودومیر زلنسکي په خپل نوي ویډیويي پیغام کې ویلي چې، روسیه پلان لري اروپا ته د انرژۍ صادرات په لویه کچه کم کړي. د اوکراين ولسمشر په خپل پیغام کې ویلي چې، اروپايي هېوادونه به سږ کال له سخت ژمي سره مخ شي. نوموړي ويلي: "په وروستیو ورځو کې روسیې د انرژۍ لپاره پر اروپا فشارونه زیات کړي دي. د نورډ سټریم د ګازو نللیکه په بشپړه توګه بنده شوې ده. دوی ولې دا کار کوي؟ روسیه غواړي چې د هر اروپايي او زموږ د وچې د ټولو هېوادونو عادي ژوند خراب کړي." د اوکراین ولسمشر داسې وخت دا غبرګون ښودلی چې روسیې د تخنیکي... Читать дальше...
