Новости за 27.11.2024

د کرکټ نړیوالې شورا "ICC" نن چهارشنبه د (قوس په اوومه) نېټه د نړۍ د غوره لوبډلو او د کرکټ د غوره لوبغاړو تازه درجه بندي اعلان کړه، چې راشد خان یو ځل بیا د ۶۸۷ امتياز لرلو سره، د نړۍ د غوره توپ اچوونکو په کتار کې راغلی دی. راشد خان په‌‌دې توانېدلی چې په‌دې کټګورۍ کې د یو ورځنیو نړیوالو يا پنځوس اوريزه لوبو کټګورۍ کې یو ګام مخکې او د پاکستان له شاهین افریدي څخه مخکې شوی دی. د سویلي افریقا کیشاف مهاراج په نړۍ کې له راشد خان او شاهین افریدي وروسته درېیم ځای لري. دغه‌شان د افغان کرکټ بل لوبغاړي... Читать дальше...

د پاکستان حکومت منلې، په هغو کسانو کې ځينې افغانان هم شته چې اسلام آباد کې د وروستیو لاریونونو په لړ کې نیول شوي دي. د پاکستان د پخواني صدراعظم عمران خان د پلویانو لاریونونه نن پای ته ورسېدل. لاریونوالو له زندانه د عمران خان د خلاصېدو غوښتنه کوله. عمران خان له څه باندې یوه کال راهیسې د مالي فساد او تاوتریخوالي د ترویج په شمول، په ځینو نورو تورونو بندي دی، خو پلویان یې دا تورونه ناسم بولي او وایي چې تر شا یې سیاسي انګېزه ده.

د طالبانو د حکومت د دفاع سرپرست وزیر ملا یعقوب مجاهد په کابل کې د پاکستان له سفیر عبیدالرحمن نظاماني سره په کتنه کې د افغانستان او پاکستان ترمنځ د اړیکو او همکاریو پر پراختیا خبرې اترې کړي دي. د طالبانو د حکومت دفاع وزارت نن پر خپلې ایکس‌پاڼې/پخواني ټویټر لیکلي، ښاغلي مجاهد نن په خپل دفتر کې له نظاماني سره وکتل. د مجاهد په حواله راغلي، د دواړو هېوادونو د پایداره اړیکو په موخه طالبان د پاکستان له حکومت سره هر ډول همکارۍ ته تیار دي. وړاندي راغلي، نظاماني هم د افغانستان او پاکستان ترمنځ د اړیکو پر پراختیا تاکید کړی دی. Читать дальше...

د پاکستان او بېلاروس چارواکو په بېلا بېلو ساحو کې ۱۵ تفاهمليکونه او موافقې لاسليک کړې دي. د نومبر پر ۲۶مه په اسلام اباد کې د لاسليک په هغه غونډه کې د پاکستان وزيراعظم شهباز شريف او د بېلاروس ولسمشر الېکساندر لوکاشېنکا هم موجود ول. د پاکستان د بهرنيو چارو وزارت پر خپله ووبپاڼه په بيان کې ويلي دي چې دواړو هېوادونو د مسلکي زدکړو، روغتيا، ساينس او ټېکنالوژۍ، تجارت، چاپېريال او اقليمي بدلون، د ناورينونو د نظم او د تورو پيسو د سپينولو او د ترهګرۍ د تمويل مخنیوي لپاره د استخباراتي معلوماتو د شريکولو... Читать дальше...

د اسرائیل او حزب الله ترمنځ له اوربند وروسته زرګونه بې ځایه شوي لبنانیان بېرته خپلو سیمو او مېنو ته ستنېږي. حزب الله ډله چې د متحده ایالاتو د ترهګرو په تور لیست کې ده، او نظامي څانګه یې اروپايي ټولنې هم په تور لیست کې اچولې، پرون اسرائیل سره په یوه اوربند هوکړې ته ورسېده. دا اوربند د فرانسې او متحده ایالاتو په ملاتړ، نن سهار څلور بجې پیل شوی دی

د امریکا د کډوالۍ د اصلاحاتو فدراسیون (FAIR) وايي، په تېرو درېیو کلونو کې د هغو افغان کډوالو شمېر چې د پاناما او کولمبیا له پولو څخه امریکا ته رسیږي، د پام وړ زیاتوالی موندلی دی. دغه فدراسیون د سه‌شنبې په ورځ (نومبر ۲۶) په یوه راپور کې، د ډارین ګپ درې له لارې د کډوالۍ مخ پر زیاتېدونکي بهیر په څېړلو سره ویلي چې، ۸۲۹۴ افغانان د ۲۰۲۱ او ۲۰۲۴ کلونو ترمنځ د پاناما او کولمبیا له پولو څخه امریکا ته د رسېدو لپاره تېر شوي دي. د دغه فدراسیون په ټکو، د ۲۰۱۰ او ۲۰۲۰ کلونو ترمنځ ۹۸ افغانان په ناقانونه توګه له‌‌دې لارې تېر شوي دي. Читать дальше...

دوما یا د روسیې د استازو جرګې د دغه هېواد د ترهګرو سازمانونو له نوم‌لړه په موقته توګه د طالبانو د نوم د ایستلو لپاره د لایحې مسوده وړاندیز کړې ده. کابل ته د روسیې د ملي امنیت شورا د منشي سرګي شویګو له سفر یوه ورځ وروسته، د روسیې د استازو جرګې ځینو غړو د یوې داسې لایحې مسوده وړاندې کړې چې، په‌‌کې د دغه هېواد د ترهګرو د سازمونو له نوم‌لړه په موقته توګه د طالبانو د نوم ایستل وړاندیز شوی دی. دا وړاندیز د روسیې د استازو جرګې ۱۲ غړو وروسته له هغې کړی چې د روسیې د ملي امنیت شورا منشي سرګي شویګو د دوشنبې... Читать дальше...

د روغتیا نړیوال سازمان او د روغتیا نړیوال کلستر وايي، وروستیو سختو بارانونو او ورپسې ناڅاپه سېلابونو د کندز، بغلان او بلخ ولایتونو یوشمېر ولسوالۍ زیانمنې کړې دي. د روغتیا نړیوال کلستر چې د روغتیا نړیوال سازمان په ګډون د څو نړیوالو سازمانونو شبکه ده، د سه‌‌‌‌شنبې په ورځ په خپل تازه راپور کې ویلي، د دغو ناڅاپه سېلابونو په پایله کې دوه ماشومان مړه شوي او د ښوونځیو او جوماتونو په ګډون شاوخوا ۴۶۰ کورونه ویجاړ شوي دي. په راپور کې خبرداری ورکړل شوی چې، د څښاک د پاکو اوبو د نشتوالي له امله د اغېزمن... Читать дальше...

د پاکستان په پلازمېنه اسلام اباد کې د تحریک انصاف د زنداني بنسټګر عمران خان د خوشې کولو لپاره تر احتجاج وروسته په ښار کې وضعیت عادي شوی دی. امنیتي ځواکونو د نومبر پر ۲۶مه شپې مهال په زور د هغه ګوند د غړو او پلویانو احتجاج ختم کړ. د اسلام اباد پولیس وايي چې څه باندې ۹۵۰ کسان یې نیولي چې ورڅخه یې ۱۹ افغانان دي. د اسلام اباد انتظامیې د نومبر پر ۲۷مه په ښار کې د پاکۍ چارې ترسره کړې او په اخ و ډب او تاوتریخوالي کې یې سوځول او زیانمن شوي ګاډي لیرې کړل. د مشال راډیو او اې اېف پي له ویډیوګانو جوړ رپورټ.

د اسلام‌‌اباد پولیسو ويلي دي چې، د نومبر په ۲۷ مه یې شاوخوا ۱۰۰۰ مظاهره‌چيان د هغه څه په تور چې دوی "ناقانونه احتجاج" او له پولیسو سره نښتې بللي، نيولي دي. لاریون کونکو د یوه پراخ لاریون په ترڅ کې له زندان څخه د پاکستان د پخواني لومړي وزیر عمران خان د خوشې کېدو غوښتنه کوله. د اسلام‌‌‌اباد د پولیسو مشر سید علي ناصر رضوي یوې خبري غونډې ته وویل، په تېرو درېیو ورځو کې د پاکستان د امنیتي ځواکونو له‌خوا نیول شویو ۹۵۴ اعتراض کوونکو کې ۱۹ افغانان هم شامل دي. دا تر هغه وروسته ده چې د پاکستان د تحریک... Читать дальше...

د ملګرو ملتونو له نشه‌‌يي توکو او جرمونو سره د مبارزې اداره (UNODC) وايي، په افغانستان کې د کوکنارو د توليد کچه په پرله‌‌پسې ډول له دوو کلونو راهیسی راټيټه شوې او د ۲۰۲۴ کال تر پایه به ۴۳۳ ټنو ته ورسېږي. خو په ورته وخت کې د دغې ادارې په اعلامیه کې، چې نن چهارشنبه (د چنګاښ ۷ مه) خپره شوې راغلي چې، دا شمېره د ۲۰۲۳ کال پرتله دېرش‌ سلنه زیاتوالی ښيي. د ملګروملتونو په باور د دې زیاتوالي سربېره بیا هم د ۲۰۲۲ کال د تولید له کچې اوسنۍ کچه ۹۳سلنه ټیټه ده. د ملګروملتونو له نشه‌‌يي توکو او جرمونو سره... Читать дальше...

د لبنان په جنوب کې د اسراییلو او د ایران ملاتړ لرونکې ډلې حزب الله تر مینځ تر شاوخوا ۱۴ میاشتنۍ جګړې وروسته د اوربند موافقه عملي شوې ده. حزب‌ الله یوه وسلواله ډله او سیاسي ګوند دی چې د لبنان د جنوب ډېری برخې کنټرولوي او د هېواد په پارلېمان کې هم استازي لري. امریکا حزب الله یوه ترهګره ډله بولي خو اروپايي ټولنې یې یوازې وسلواله څانګه د بندیزونو په نوملړ کې شامله کړې ده. اسراییلي وزیراعظم بنیامین نتنیاهو د نومبر پر ۲۶مه وویل چې کابینې یې له حزب الله سره د اوربند موافقه منظوره کړه. د اسراییلو... Читать дальше...

د پاکستان د پخواني لومړي وزیر عمران خان پلویانو وروسته له هغې د دغه هېواد په پلازمېنه اسلام‌اباد کې خپلې پراخې مظاهرې لغوه کړې، چې د پاکستان امنیتي ځواکونو په نیمه شپه کې پراخ عملیات پیل کړل او سلګونه کسان یې ونیول. د پاکستان د کورنیو چارو وزیر محسن نقوي د چهارشنبې په ورځ د (اګست ۷مه) په یوه خبري غونډه کې وویل، مظاهره کوونکي تیت شوي او اسلام‌‌اباد تخلیه شوی دی. یوه پاکستاني امنیتي چارواکي د نوم د نه ښودلو په شرط ازادي راډیو ته وویل، شاوخوا ۵۰۰ مظاهره کوونکي نیول شوي دي. د پاکستان تحریک انصاف... Читать дальше...

د لبنان په جنوب کې د اسرايیلو او د ایران ملاتړ لرونکې حزب‌الله ډلې ترمنځ اوربند له شاوخوا ۱۴ میاشتو جګړو وروسته، چې په سیمه کې یې د پراخې جګړې اندېښنې راپارولې وې عملي شو. وروسته له هغې چې اوربند په سیمه‌‌ییز وخت د سهار په ۴ بجو پیل شو، د اسراییلو پوځ ملکي وګړو ته خبرداری ورکړ چې د لبنان په جنوبي سیمو کې دې خپلو کورونو ته ستانه نه‌شي او د اسراییلو پوستو ته‌دې نه نږدې کېږي. په ورته وخت کې د اسراییلو د خبرداري سربېره د ملکي خلکو کاروانونه د لبنان سوېل ته ننوتل او د لبنان پوځ هم د اسراییلو د پوځ سره د ځای د تبادلې لپاره چمتو شوی دی. Читать дальше...

د متحدایالاتو عمومي مفتش رابرت فیلیپ ستورک په افغانستان کې د طالبانو د حکومت پر ضد "د مقاومت ملي جبهې او ازادۍ جبهې" د نومونو په یادولو ویلي چې، له پرله‌پسې بریدونو سره یې هم، طالبانو او د هغوی امنیت ته کوم جدی ګواښ نه‌‌دی پېښ کړی. د امریکا د دفاع وزارت دغې ادارې ټینګار کړی، طالبان توانېدلي چې خپله پوځي او امنیتي واکمني وساتي او وړاندوینه یې کړې چې، ممکن د دې وړتیا ولري چې راتلونکو ۱۲ میاشتو کې هم دا وضعیت وساتي. خو په ټکو یې، برعکس له افغانستانه د ترهګرو ډلو فعالیتونه د ودې په حال کې دي چې سیمې او اروپا یې ته هم ګواښونه په پراخېدو دي. Читать дальше...

د دې اونۍ "د مشال تر رڼا لاندې" بحث په اسلام اباد کې په زور د پاکستان تحریک انصاف (پي ټي ای) د احتجاج ختمولو بېلابېلو اړخونو، لاملونه او اغېز ته ځانګړی شوی دی. د پاکستان امنیتي ځواکونو د نومبر پر ۲۶مه شپې مهال د پي ټي ای د احتجاج ختمولو لپاره عملیات وکړل چې په نتیجه کې د یاد ګوند مشران او غړي تیت و پرک شول. د نومبر پر ۲۴مه د عمران خان په غږ د پي ټي ای په زرګونه غړي د اسلام اباد پر لوري روان شوي ول چې د نومبر پر ۲۵مه اسلام اباد ته داخل شول، خو حکومت هغه ښار تړلی وو او د انټرنېټ او موبایل ټېلېفون خدمات يې محدود کړل. Читать дальше...

په ۲۰۲۳م کال کې افغانستان ته تللي، د کعبې د ملا امام په مشرۍ د اسلامي همکاریو سازمان پلاوي طالبانو ته وويل چې د نجونو لپاره د جلا ښوونځيو د ودانیو جوړولو او بسونو په برابرولو کې مرسته کولی شي. خو طالبانو بیا هم د نجونو ښوونځي خلاص نه کړل. ملالۍ بشیر د دې پلاوي له غړي، ډاکټر قبله ایاز سره خبرې کړې.

د بشري حقونو د څار سازمان وايي، طالبان په مستقیم ډول د رسنیو په خبري خونو کې په فعالیت سره د هر ډول انتقادي محتوا درلودونکو مواد د خپرولو مخه نیسي. په افغانستان کې د خبریالانو او رسنیو په اړه د محدودیتونو په وړاندې د غبرګونونو په دوام، تازه د بشري حقونو د څار سازمان د رسنیو په کارونو کې د طالبانو په لاس‌‌‌وهنې او د افغان خبریالانو پر ستونزو اندېښنه ښودلې ده. دغه سازمان پرون سه‌شنبه (د نومبر په ۲۶مه) په افغانستان کې د ملګروملتونو د سیاسي استازولۍ یوناما او د ملګروملتونو د بشري حقونو د دفتر راپور... Читать дальше...

د نومبر پر ۲۴مه او ۲۵مه شوې جرګې خپل پرېکړه لیک خپور کړی دی چې پکې په کورمه کې د "فرقو په نوم" د وژنو "سخته غندنه" شوې او ویلي یې دي چې د هغه تاوتریخوالي لامل د ریاست ناسمې تګلارې دي چې باید ورڅخه لاس واخلي او د ولس له غوښتنو او ګټو سره سمې پالیسۍ جوړې کړي.

په افغانستان کې د افغان مېرمنو د وضعیت په اړه د اندېښنو په دوام، د افغانستان لپاره د امریکا سفارت وايي، په دې هېواد کې ښځې د تاوتریخوالي، توپیري چلند او بې عدالتیو سره مخ دي. دغه سفارت پرون سې شنبه د نومبر ۲۶مه د ښځو پر وړاندې د تاوتریخوالي د مخنیوي د نړیوالې ورځې په مناسبت په خپله ایکس‌پاڼه یا پخواني ټویټر کې په یو بیان کې له افغان مېرمنو سره خواخوږي ښودلې او ویلي یې دي، هره مېرمن د دې حق لري چې له ډار او وېرې پرته ژوند وکړي. په بیان کې په نړیوالې ټولنې غږ شوې چې د ښځو د حقونو د پیاوړتیا، خوندیتوب... Читать дальше...

د پاکستان د کورنیو چارو وزیر محسن نقوي د نومبر پر ۲۷مه په اسلام اباد کې خبریالانو ته وویل چې افغانان د ډېسېمبر تر ۳۱مې وروسته په هغه ښار کې د پاتې کېدو اجازه نه لري.

په یمن کې روان کال د زیاتو ورښتونو له وجې کروندګرو له فصلونو ښه حاصل ترلاسه کړی دی. کروندګر وايي، د زیات حاصل له وجې په هېواد کې خوراکي توکي زیات شوي او هغوی خودکفیله شوي دي. د رویټرز اژانس له ویډیو جوړ رپورټ.

د ازادي راډیويي مجلې په دې خپرونه کې به د یوې انلاین ادبي غونډې په اړه واورئ. په خپرونه کې د یوې شاعرې شعري تجربه درسره شریکېږي. دغه راز د یوه هنرمند له ستونزو خبرېږي چې په افغانستان کې ژوند کوي. داراز په خپرونه کې کیسه او د فلم له نړۍ هم راپورې اورېدلی شئ. نور مطالب هم شته چې د لاندې لېنک په کېکاږلو یې اورېدلی شئ:

د ارزګان ولایت روغتیايي چارواکي وایي چې په دغه ولایت کې اوس د ماشومانو د پولیو ضد واکسین د تطبیق ساحه د پام وړ پراخه شوې او ۹۶ سلنه ماشومان واکسین ترلاسه کوي. دوی وايي، اوسمهال په هر سلو ماشومانو کې ۹۶ ماشومانو ته واکسین ورکول کېږي چې دا فیصدي مخکې له ۳۶ سلنې څخه ډېره لوړه ده. د چارواکو په وینا، د دې پرمختګ سره به په دې ولایت کې د پولیو په خپرېدو کې پام وړ کمښت راشي او دوی په دې هڅه کې دي چې دا کچه لا نوره هم لوړه کړي څو ټول ماشومان د پولیو له خطر څخه خوندي شي. د ارزګان ولایت د واکسین د بېړني... Читать дальше...

د متحدوایالتونو د بهرنیو چارو وزیر انټوني بلېنکن بلاخره موافقه وکړه چې له افغانستانه د امریکايي ځواکونو د وتلو په اړه د کانګرس د استازو په جرګه کې خبرې وکړي. د کانګرس د بهرنیو اړیکو کمېټې چې جمهوريبال په کې اکثریت دي دا خبر له اوږدو لانجو وروسته پرون ورکړ. د کمېټې مشر مایک مککال وویل، بلېنکن منلې چې د ډسمبر په ۱۱مه به دې کمېتې ته حاضر شي او د ۲۰۲۱م کال په اګست میاشت کې له افغانستانه د امریکايي ځواکونو د بې نظمه وتلو په اړه به علني خبرې وکړي. له افغانستانه د امریکايي ځواکونو د وتلو پر مهال ګډودي... Читать дальше...