د هند پوليسو کشمير کې يو خبريال د تروريستي فعاليتونو په تور نيولی
د هند د ټروریزم ضد افسرانو د هند تر ولکې لاندې کشمیر کې یو خبریال او د بشري حقونو د یوې ډلې کارکوونکی نیولي دي.
هندي چارواکو پرون سهشنبه وویل، پر دغه خبریال تور لګول شوی، چې د تروریستي فعالیتونو په تمویلول کې دخیل و.
د عرفان مهراج په نوم مقطع يي خبریال او د مجلې اډیټر د دوشنبې په ورځ په سرینګر کې د پولیسو ماموریت ته احضار کړای شوی و او د د تحقیقاتي ملي ادارې پرون نوموړی توقیف کړ.
تر دې مخکې هم دغه خبریال څو- څو وارې د تحقیقاتو ملي ادارې لهخوا له پوښتنو ګروېږنو سره مخ شوی دی، خو بېرته خوشې شوی دی.
مهراج د جمو کشمیر د مدني ټولنې له ايتلاف سره هم کار کاوه، چې د بشري حقونو یوه ډله ده او د هغې پخوانی مؤسس خرم پروېز د هند لهخوا د ۲۰۲۱م کال په نوامبر میاشت کې ونیول شو.