Навори Ғазза дар соҳили Баҳри Миёназамин то соли 1917 дар ихтиёри империяи усмонӣ буд. Дар як асри гузашта аз итоати Бритониё ба Миср гузашт ва сипас зери назорати артиши Исроил даромад. Ҳоло бурунбум ё анклави деворпече аст, ки дар он зиёда аз ду миллион фаластинӣ зиндагӣ мекунанд.
Ойиша Мирзоева, модарандари раиси "Гурӯҳи 24" Сӯҳроби Зафар ва хоҳари генерали зиндонӣ Ғаффор Мирзоев, мегӯяд, ки мақомот сими барқи хонаашро буридаанд. Дар як рӯзи охир ин шикояти дувуми наздикони мухолифон дар бораи маҳрумӣ аз нерӯи барқ аст. Мақомот ҳозир нашуданд, ки масъаларо шарҳ диҳанд.
Миср барои гурезаҳои Ғазза долон накушод, аммо интиқоли кӯмаки башардӯстонаро ба минтақа тавассути сарҳади худ баррасӣ кард. Дар ин бора хабаргузории Reuters бо такя ба мақомоти амниятии Миср хабар дод.
Оқилбек Ҷабборов, раиси девони вазирони Қирғизистон гуфт, "вақтҳои ахир авҷи таваҷҷуҳи абарқудратҳо ба Осиёи Марказӣ мушоҳида мешавад".
Бо маблағи ҳукумати Ҷопон дар ду деҳаи дурдасти ноҳияҳои Айнӣ ва Куҳистони Мастчоҳ мактаб сохтаанд. Сафорати Ҷопон дар хабарномае гуфт, як мактаб дар деҳаи Вота бо 90 ҳазор доллар сохта шуда, 12-уми октябр ифтитоҳ шуд.
Президенти Русия Владимир Путин рӯзи 12-уми октябр бо сафари расмӣ вориди Қирғизистон шудааст.
Даргирӣ миёни неруҳои Исроил ва Ҳамос дар Навори Ғазза 12-уми октябр ҳамчунон идома кард. Дар ҷанге, ки шаш рӯз пеш сар шуд, то кунун ҳазорон нафар аз ду тараф кушта шудаанд.
Мақомоти аёлати Уттар-Прадеши Ҳинд ба фаъолияти ширкати Marion Biotech иҷоза додаанд. Фаъолияти ин корхона баъди марги чанд кӯдак дар Узбекистон дар пайи истифодаи доруҳои ширкат қатъ шуда буд.
Таҳлилгароне, ки Радиои Озодӣ бо онҳо ҳамсуҳбат шуд, мегӯянд, ин ҷанг на танҳо амнияти Ховари Миёнаро ба ҳам зад, балки миллионҳо нафарро дар саросари ҷаҳон нигарон кардааст.
Ҷанги миёни гуруҳи “Ҳамос” ва Исроил на танҳо амнияти Ховари Миёнаро ба ҳам задааст, балки ба кишварҳои дигари мусулмоннишин, аз ҷумла Тоҷикистон низ таъсир дошта метавонад. Таҳлилгароне, ки Радиои Озодӣ бо онҳо ҳамсуҳбат шуд, мегӯянд, ин ҷанг метавонад боиси афзоиши ифротгароии исломӣ шавад.
Исроил дар остонаи сафари вазири корҳои хориҷии Амрико ба ин кишвар қавл дод, ки гурӯҳи фаластинии "Ҳамос"-ро пурра аз байн хоҳад бурд. Сафари Энтони Блинкен рӯзи 12-уми октябр дар назар аст.
Девони вазирони Қирғизистон тасмим гирифтааст, ба шаҳрвандони Чин (Хитой), ки раводид ё визаи Амрико, Бритониё ва Иттиҳоди Аврупоро доранду муҳлати истифодаашон ҳанӯз поён наёфтааст, сабукӣ бидиҳад.
Расонаҳои давлатии Эрон гузориш доданд, ки раисиҷумҳури Эрон Иброҳим Раисӣ ва валиаҳди Арабистони Саудӣ Муҳаммад бин Салмон дар бораи муноқишаи Исроилу Фаластин гап задаанд. Ба иттилои онҳо, гуфтугӯи телефонӣ рӯзи 11-уми октябр анҷом шуд.
Модари Шарофиддин Гадоев, яке аз намояндагони мухолифин мегӯяд, кормандони идораи барқи ноҳияи Фархор барқи манзилашро қатъ карданд. Мақомот масъаларо шарҳ намедиҳанд.
Дастаи мунтахаби футзали Тоҷикистон, ки дар даври севум ва ниҳоии марҳилаи интихобии Ҷоми Осиё-2024 тими Мянмарро бо ҳисоби 3:0 шикаст дод, дар гурӯҳи «Е» ғолиб шуд ва ба марҳилаи ниҳоии мусобиқот роҳ пайдо кард. Ҳарсе голро футзалбозони мунтахаби Тоҷикистон Файзалӣ Сардоров, Идрис Ёров ва Комрон Алиев дар нимаи дувуми бозӣ ба самар расонданд Дар бозии дигари даври севум дар гурӯҳи «Е» мунтахаби Фаластин ба дастаи Ҳиндустон бо ҳисоби 6:5 пирӯз шуд. Марҳилаи интихобии Ҷоми Осиё-2024 дар гурӯҳи... Читать дальше...
Блогери маъруфи туркманистонӣ Муҳаммад Маммедов шаби 4 октябр дар шаҳри Ишқобод кушта шудааст. Тибқи иттилои расонаи "Turkmen.news", вақте блогер ҳамроҳи як дӯсташ ба хона бармегаштанд, чандин нафар ба онҳо ҳамла кардаанд. Ҳамлагарон асосан блогерро латтукӯб кардаанд. Ҳодиса дар маҳаллаи 11-уми Ишқобод, дар наздикии хонаи блогер рух додааст. Ҳамлагарон блогерро баъди латтукӯб ба хонааш бурдаанд. Ҷасади ӯро субҳ падараш пайдо кардааст. Ҷасади Муҳаммад Маммедовро 6 октябр дар вилояти Ахали Туркманистон ба хок супоридаанд.
Нахуствазир Бенёмин Нетаняҳу ва раиси ҳизби мухолифи "Ваҳдати миллӣ"-и Исроил Бенни Гантз дар робита ба ҳамлаи "Ҳамос" ба ҷануби ин кишвар ҳукумати изтирорӣ ташкил карданд. Расонаи исроилии "Ynet" иттилоъ дода, ки тибқи созиш, Нетаняҳу, Гантз ва вазири дифои Исроил Йоав Галант ба ҳайати девони низомӣ шомил мешаванд. Дар давраи ҷанг танҳо лоиҳаи қонун ё қарорҳои ҳукуматие қабул мешаванд, ки ба рафти ҷанг рабт доранд. Ҳама таъйинот ба вазифаҳои роҳбарикунанда ба таври худкор тамдид хоҳанд шуд. Читать дальше...
