Aşgabatda Türkmenistanyň milli howaýoly gullugy ýakyn wagtda käbir halkara reýsleriniň bahalaryny ýokarlandyrýar diýen gürrüňler bar, diýip Azatlyk Radiosynyň paýtagtdaky habarçysy habar berýär. Azatlygyň beýleki bir paýtagtly gürrüňdeşi bu barada heniz resmi görkezmäniň ýa-da bildirişiň ýokdugyny nygtaýar.
Azatlyk Radiosynyň Türkmenistandaky çeşmesiniň fewralyň ikinji ýarymynda Daşoguz welaýatynda surata düşürildi diýýän we 26-njy fewralda saýtymyzda çap edilen wideo ýazgyda kepek daşaýan ýük ulagyň töwereginde uly basa-baslygyň döreýändigini görmek bolýar.
Aşgabatda adamlara satylýan gündelik zerur harytlaryň möçberi çäklendirilen, dükanlaryň öňünde 80-100 adamlyk nobatlaryň emele gelýän pursadynda, döwlet mediasy bol harytly dükan tekjelerini görkezip, ýurtda “azyk bolçulygynyň bardygyny” öňe sürýär.
Russiýanyň prezidenti Wladimir Putin öz ýurdunyň täze ýadro-ukyply güýçli ýaraglaryň synaglaryny üstünlikli amala aşyrandygyny ýa-da olary özleşdirýändigini yglan edensoň, Germaniýanyň kansleri Angela Merkel we Birleşen Ştatlaryň prezidenti Donald Tramp öz aladalanmalaryny bildirdiler. Germaniýanyň hökümetiniň 2-nji martda ýaýradan beýanatynda aýdylmagyna görä, Merkel we Tramp bu ýaraglaryň “halkara ýarag kontroly tagallalaryna” negatiw, ýagny oňaýsyz täsiri bolar diýdiler. 1-nji martda Putin... Читать дальше...
65 ýyl ozal stalinçi režimiň birtaraply propagandasy astynda ýaşaýan adamlara alternatiw habarlary ýetirmek ideýasyny goldanlar we Azatlygyň türkmen dilindäki gepleşikleriniň gözbaşynda duranlar ýatlananda, ozaly ýuridiki ylymlaryň doktory Aman Berdimyrat ýada düşýär
Birleşen Ştatlaryň sudy Waşingtondaky öňki gyrgyz ilçisiniň ogluny ot açýan ýaraglaryň söwdasynda we gaçakçylygynda aýyplap, onuň öý tussaglygynda saklanmalydygy barada karar çykardy diýip, Gyrgyzystanyň Daşary işler ministrligi aýdýar. 2-nji martda ýaýradylan beýanatda 28 ýaşyndaky gyrgyz raýaty Tengiz Sydykowyň öý tussaglygyna höküm edilendigi baradaky kararyň mundan bir gün öň çykarylandygy bellenilýär. 2005-2010-njy ýyllar aralygynda Gyrgyzystanyň Waşingtondaky ilçisi bolan tanymal žurnalist... Читать дальше...
2-nji martda Ermenistanyň parlamenti Armen Sarkisiany ýurduň nobatdaky prezidenti saýlady. 64 ýaşyndaky Sarkisiana ermeni parlamentiniň 90 kanunçykaryjysy goldap, 10 sanysy garşylyk görkezip ses berdi. Kanunçykaryjylaryň biri ses bermekden saklandy. Armen Sarkisian Ermenistanyň öňki premýer-ministri bolup, ol häzirki wagt ýurduň Beýik Britaniýadaky ilçisidir. Nobatdaky prezident bilen hiç hili maşgala arabaglanyşygy bolmadyk Serž Sarkisian Armen Sarkisiany dolandyryjy Respublikan partiýanyň prezidentlige dalaşgäri diýip... Читать дальше...
2-nji martda Owganystanyň paýtagty Kabulyň gündogar etrabynda janyndan geçeniň amala aşyran bombaly hüjümi diýlip gümän edilýän partlamada 6 ýaşyndaky gyz öldi we başga-da 14 adam ýaralandy diýip, owgan resmileri aýdýarlar. Içeri işler ministrliginiň metbugat wekili Najib Daniş AÝ/AR-nyň Owgan gullugyna beren maglumatyna görä, partlamada Kabel Baý etrabyndaky “daşary ýurtly güýçleriň kerweni nyşana alnypdyr”. Gürrüňi edilýän sebitde harby türgenleşikleriň geçirilýän merkezi, hökümetiň gümrük edaralary we käbir myhmanhanalar ýerleşýär. Читать дальше...
Türkmenistanyň prezidenti Gurbanguly Berdimuhamedow Döwlet serhet gullugynyň ýolbaşçysy Begenç Gündogdyýewiň harby derejesini dikeltdi. Polkownik Gündogdyýewe general-maýor derejesindäki harby adyň berilmegi hakyndaky permana 1-nji martda döwlet baştutany tarapyndan gol çekildi diýlip, resmi metbugatda habar berildi. Ýatladyp geçsek, Döwlet serhet gullugynyň ýolbaşçysy general Begenç Gündogdyýewiň harby ady 2017-nji ýylyň 15-nji awgustynda polkownik derejesine çenli peseldilipdi. Şonda prezident... Читать дальше...
Azerbaýjanyň paýtagty Bakuwda neşä garaşly näsaglary dertden saplaýan merkezde 2-nji martda irden turan ýangyn azyndan 30 adamyň ölümine sebäp boldy.
