Türkmenistanyň prezidenti Gurbanguly Berdimuhamedow ýurduň körpelerini 1-nji iýunda bellenilýän Çagalary goramagyň halkara güni bilen gutlap, olaryň “rahat, sagdyn, şadyýan durmuşda ýaşamagyna, hemmetaraplaýyn we sazlaşykly ösmegine gönükdirilen milli maksatnamalaryň hem-de giň gerimli toplumlaýyn özgertmeleriň üstünlikli durmuşa geçirilýändigini” aýtdy.
Gürjüstanyň prezidenti Georgi Margwelaşwili Tbilisiniň merkezinde protestleriň lideri bilen duşuşdy. Bu duşuşyk, ýurduň baş prokurory Irakli Şotadzeniň müňlerçe adamyň geçen ýylyň dekabr aýynda bolan uruş-dawada iki ýetginjek oglanyň pyçaklanyp öldürilmegine gatnaşygy bardygy aýdylýan ýaşlaryň sud diňlenişigine syýasy täsiriň bolandygyny aýdyp, protest geçirmeginden soň wezipeden çekilmeginiň ertesi gününe gabat geldi.
Türkmenistanda, hususan-da, Aşgabatda we Daşoguz welaýatynda dollaryň “gara bazardaky” nyrhy ýene ýokarlanyp, rekord derejä ýetdi. 1-nji iýunda Aşgabadyň we Daşogzuň bazarlarynda 1 amerikan dollary 27 manada barabar boldy.
Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.
Türkmen häkimiýetleri Lebap welaýatynda Azatlygyň gepleşiklerini, onuň websaýtyny we sosial media hasaplaryny yzarlaýan adamlary yzarlaýar. Gizlinlik şertlerinde Azatlyk bilen gatnaşyk saklaýan welaýatdaky habarçymyz agzalýan ýagdaýlar sebäpli soraga çekilen bir türkmenabatly bilen gürrüňdeş boldy.
Türkmen häkimiýetleri tigir gününiň öňýanynda ilatdan pul toplaýarlar. Türkmenistanyň döwlet sport komiteti Aşgabat şäheriniň sport komitetiniň üsti bilen dilden görkezme ýaýradyp, 3-nji iýuna bellenen tigirli ýörişiň öňünden sport mekdepleriniň müdirlerine tigir, sport geýimleri, baýdajyklar we tigir nasoslary üçin pul toplamagy tabşyrdy diýip, Azatlygyň Aşgabatdaky habarçysy aýdýar. Читайте также на русском Türkmenistanyň prezidentiniň aprel aýynyň ortasynda yglan eden kararyna görä, mundan beýläk 3-nji iýunda ýurtda tigir güni bellener. Читать дальше...
Türkmenistanyň umumy bilim mekdepleriniň gutardyş klas okuwçylary şu gün, 1-nji iýunda ir sagat 9-da klaslara girip, resmi ýagdaýda şu gün irden yglan edilen temalar boýunça düzme ýazdylar.
Demirgazyk Koreýanyň lideri Kim Jon Un Russiýanyň daşary işler ministri Sergeý Lawrowa özüniň denuklearizasiýa borçnamalarynyň “üýtgewsiz, tapgyrlaýyn we kesgitli” bolmagyna galýandygyny aýtdy. Bu barada Phenýanyň resmi habar agentlikleri maglumat berdi. 31-nji maýda Lawrow bilen geçiren gepleşikleriniň dowamynda Kim ABŞ-Demirgazyk Koreýa düşünişmezlikleriniň we sebitiň denuklearizasiýanyň “tapgyrlaýyn görnüşde çözüljekdigine” umyt edýändigini hem aýdypdyr. Kim we Lawrow iki ýurduň arasyndaky hyzmatdaşlygy ösdürmek... Читать дальше...
Ukrainada žurnalist Arkadiý Babçenkonyň janyna kast etmek synanyşygyny gurnamakda aýyplanýan, Boris Herman, tussag edildi. Bu barada Kiýewiň sudy karar çykardy. Herman Babçenkony öldürjek ganhora 40 müň dollar wada bermekde aýyplanýar. Ukrainanyň Howpsuzlyk Gullugy, ýagny SBU, Babçenkonyň ölümini sahnalaşdyryp, bu hüjümiň öňüni alandygyny aýdýar. Bu aralykda, Ukrainanyň baş prokurory Ýuriý Lutsenko Babçenkony öldürmäge hakyna tutulan adamyň şahsyýetini aýan etdi. Alekseý Tsymbalýuk mundan owal... Читать дальше...
Çeçenistanyň sudy aktiwist Oýub Titiýewiň deslapky tussaglyk möhletini 9-njy iýula çenli uzaltdy. Bu barada Russiýanyň adam hukuklaryny goraýan “Memorial” topary maglumat berdi. Titiýew guramanyň Çeçenistandaky şahamçasyna ýolbaşçylyk edýär. “Memorial” Groznynyň sudunyň çykaran kararynyň “esassyzdygyny” aýtdy. Titiýew, neşe serişdeleri bilen baglylykda, 9-njy ýanwarda tussag edilip, şondan bäri tussaglykda saklanýar. Titiýew we onuň ýaranlary bu aýyplamalaryň galplaşdyrylandygyny aýdýarlar. ... Читать дальше...
BMG-niň edaralary Gyrgyzystanda alnyp gaçylan 20 ýaşly bir gyzyň zalymlyk bilen öldürilmegine aladalanma bildirdiler; şeýle-de gyrgyz hökümetini gyzlary bikanun alyp gaçyp, olary zor bilen durmuşa çykmaga mejbur edilmegini togtatmak ugrunda “talaba laýyk çäreleri görmäge” çagyrdylar. BMG-niň Gyrgyzystandaky edarasynyň ýaýradan beýanatynda “bu hili tejribeler gyrgyz halkynyň däp-dessuryna gabat gelmeýär, tersine olar jemgyýetiň näzik gatlagynyň haklaryny depeleýär” diýilýär. 27-nji maýda Bişkekda... Читать дальше...
Gürjüstanyň baş prokurory Irakli Şotadze öz eýeleýän wezipesinden çekildi. Bu waka, müňlerçe adamyň geçen ýylyň dekabr aýynda bolan uruş-dawada iki ýetginjek oglanyň pyçaklanyp öldürilmegine gatnaşygy bardygy aýdylýan ýaşlaryň sud diňlenişigine syýasy täsiriň bolandygyny aýdyp, gürji paýtagty Tbiliside protest geçirmeginiň yz ýanyna gabat geldi.
