Türkmenistan bilen Täjigistanyň arasyndaky hökümetara topar Duşenbede maslahat geçirdi. Bu barada Türkmenistanyň döwlet metbugaty 26-njy oktýabrda habar berdi.
Türkmenistan ýiti ykdysady kynçylyklary başdan geçirýän wagty, ýurduň Döwlet haryt-çig mal biržasynda iýun aýynda import edilen ýarym milliondan gowrak ýewrolyk “Mini Cooper” awtomobiliniň ralli görnüşi hasaba alyndy.
Günbataryň harby ýaranlygynyň Sowuk uruş tamamlanaly bäri iň uly harby türgenleşigini geçirýän häzirki wagtda Orsýet Norwegiýanyň kenarlarynda raketa synaglaryny geçirmegi planlaşdyrýar diýip, Norwegiýanyň hem-de NATO-nyň resmileri aýdýarlar.
Täjik kinorežissýory we aktýory Marat Orifow 83 ýaşynda Duşenbede aradan çykdy. Onuň sungat işi sowet döwründe baýraga mynasyp bolupdy. Orifowyň gyzy Marianna Orifowa Azat Ýewropa/Azatlyk Radiosyna beren maglumatynda kakasynyň 29-njy oktýabrda giçlik aradan çykandygyny aýtdy. Orifow Täjigistanyň tanymal aýdymçysy we aktrisasy Tuhfa Fozilowanyň maşgalasynda 1935-nji ýylda Duşenbede dünýä inipdi. Ol “Şahyryň ykbaly”, “Gabaw” we “Kawe demirçi ussa” ýaly filmlerde ýerine ýetiren rollary üçin 1960 we 1970-nji ýyllarda uly meşhurlyk gazandy.
Şaýy musulmanlarynyň her ýyl belleýän “Arbain” ýa-da “Ziara” atly mukaddes baýramy mynasybetli şu hepde tutuş dünýäden millionlarça adam Yragyň Karbala şäherinde ýerleşýän şaýylaryň mukaddes zyýaratgählerine barýar. Bu zyýaratgähler şaýy musulmanlarynyň iki sany hormatlanýan ymamynyň hatyrasyna dikeldilendir. Olaryň biri Muhammet pygamberiň agtygy Hüsseýin, beýlekisi Muhammet pygamberiň öweý dogany Abbasdyr. Bu çäre mynasybetli her ýyl 10-20 million adam Karbala şäherine barýar. Şaýy zyýaratçylary Yrakdan... Читать дальше...
Birleşen Ştatlaryň Eýranyň nebit pudagyna täsir etjek sanksiýalarynyň 5-nji noýabrda güýje girmegine sanlyja gün galanda, Tähranyň iň esasy iki müşderisi – Hindistan we Hytaý – tutuş dünýäde öwezini doljak ätiýajyň ýokdugyny aýdyp, öz söwdalaryny nol derejä düşürmek barada Waşingtonyň edýän çagyryşlaryna garşylyk görkezýärler diýlip, media habarlarynda aýdylýar. Waşington 2015-nji ýylda dünýäniň iň kuwwatly ýurtlary bilen Eýranyň arasynda gelnen ýadro ylalaşygyndan çykandan soňra Tährana garşy sanksiýalaryny gaýtadan güýje girizýär. Читать дальше...
Gazagystanyň döwlet prokurory şu ýylyň ýanwar aýynda 52 özbek raýatynyň ölümine sebäp bolan awtobus ýangyny bilen bagly sud işinde bäş gazak raýatynyň türme tussaglygyna höküm edilmegini soraýar. 30-njy oktýabrda Osman Orynbasaruly kazydan bu sud işi bilen bagly tussag edilen adamlaryň günäli tapylmagyny sorady. Gazak prokurory Gazagystanyň “Aziýa tranzit serwis” kompaniýasynyň üç sürüjisiniň bäş ýyl we iki sürüjisiniň ýedi ýyl türme tussaglygyna höküm edilmegine çagyryş etdi. Kompaniýanyň... Читать дальше...
Özbek prezidenti Şawkat Mirziýoýew premýer-ministriň orunbasary Zoýýir Mirzaýewi eýeleýän wezipesinden çetleşdirdi. Bu waka Mirzaýewiň ýurduň çetki territoriýalaryna eden soňky saparynyň dowamynda daýhanlary kemsidendigi barada Azat Ýewropa/Azatlyk Radiosynda maglumatyň çap edilmeginiň yz ýanyna gabat geldi. 27-nji oktýabrda Azat Ýewropa/Azatlyk Radiosynyň Özbek gullugy köpçülikde giňden ýaýran suraty derňänden soňra maglumat çap etdi. Suratda Daşkent regionynyň ýerli resmileriniň we daýhanlarynyň... Читать дальше...
13-nji oktýabrda Aşgabatdan Pariže we Frankfurta barýan uçarlar öňünden duýdurylmazdan wagtyndan ir ugrap, öz ýolagçylarynyň ençemesini galdyryp gitdiler, diýip Azatlygyň çeşmesi bu ýagdaýy başdan geçiren ýolagçylara salgylanyp, habar berdi. Efirden adynyň tutulmazlygyny soran çeşmämiz bu ýagdaýyň 13-nji oktýabrda ir sagat 11-den geçende ugramaly uçarlaryň birnäçe sagat öňünden başlanýan registrasiýasynyň birden bes edilip, ýolagçylary aljyraňňy ýagdaýda galdyrandygyny belledi. "Registrasiýa başlanyp... Читать дальше...
Balkanda düýelere köpçülikleýin näbelli keseliň degendigini, Azatlyk Radiosynyň bu welaýata sapar eden habarçysy we ýerli çeşmesi habar berýär.
