Azatlyk Radiosynyň Aşgabatdaky habarçylary we türkmenistanly haýwanlary goraýjylar şäher häkimiýetleriniň itleri we pişikleri ýok etmek boýunça işleri has batlandyrandygyny, şol sanda haýwanlary tutmak işine çekilýän jemagat hojalygy işgärlerinden edilýän talaplary pugtalandyrandygyny habar berýärler.
Mary welaýatynda dowam edýän pagta ýygym möwsüminiň fonunda, welaýatyň çäginde
ABŞ-nyň prezidenti Donald Tramp, demirgazyk-gündogar Siriýada atyşygy bes etmek talaby bilen, 16-njy oktýabrda öz orunbasaryny, baş diplomatyny we milli howpsuzlyk geňeşçisini Ankara iberýär, türk prezidenti Rejep Taýyp Erdogan bolsa özüniň “hiç wagt” ýaraşyk baglaşmagy buýurmajagyny aýdýar.
Pakistanyň metbugaty Türkmenistan – Owganystan – Pakistan – Hindistan gaz geçirijisi işe girenden soň, onuň Owganystandan geçýän böleginde islendik ýykgynçylyk işi ýüze
Aşgabadyň döwlete degişli edara-kärhanalarynyň ençemesi işgärleriň zähmet haklaryny indi iki aý bäri bermeýär. Käbir edara-kärhanalaryň ýolbaşçylary bolsa, işgärleriň aglabasynyň tölegsiz zähmet dynç alşyna goýberiljekdigini duýdurdylar.
Demirgazyk Koreýanyň lideri Kim Jong Un ata atlanyp, ýurduň iň beýik dag belentligine çykdy. Döwlet mediasy 16-njy oktýabrda onuň ak atly 2750 metr belentlikdäki Paektu dagyna çykan suratlaryny çap etdi. Kimiň kömekçileri demirgazyk koreýa lideriniň “beýik operasiýa” planlaşdyrýandygyna ynanýarlar diýip, döwlet mediasy anyklaşdyrmazdan habar berdi. Suratlarda gözi äýnekli, egnine goňras palto geýen Kimiň garly daglaryň üstünden at çapdyryp barşy görünýär. "Onuň at üstünde Paektu dagyna çykmagynyň... Читать дальше...
Orsýetiň Dagystan sebitiniň sudy žurnalist Abdulmumin Gajyýewiň deslapky tussaghana möhletini uzaltdy, ol terrorçylygy maliýeleşdirmäge “gylawlandyrmakda” aýyplanýar. Mahaçgalanyň Sowet etrabynyň sudy 15-nji oktýabrda Gajyýewň 13-nji noýabra çenli tussaghanada saklanmagy barada karar çykardy. Gajyýewiň kärdeşleri iýunda, tussag edileninden gysga wagt soň, onuň galplaşdyrylan aýyplamalar esasynda tussag edilendigini aýdyp, ýerli neşirleriň üçüsiniň baş sahypasynda makala çap etdiler. Dagystandaky... Читать дальше...
Täjik prezidenti Emomali Rahmon parlamente 20 müň çemesi tussaga, şol sanda daşary ýurtly bendilere täsiri ýetjek amnistiýa kanunyny kabul etmegi teklip etdi, bu amnistiýa ýurduň konstitusiýasynyň kabul edilmeginiň 25 ýyllygyna gabatlanýar. Prezidentiň websaýtynda 16-njy oktýabrda çap edilen teklibe laýyklykda, 3 müňden gowrak tussag türmeden boşadylar, türme möhleti berilmedik adamlaryň 5 müňden gowragynyň günäsi geçiler, 2 müňden gowrak güman edilýäniň derňewi bes ediler, 10 müň çemesi tussagyň bolsa türme möhletleri azaldylar. Читать дальше...
Ýewropanyň Awiasiýa howpsuzlygy agentliginiň (EASA) geçiren barlaglarynyň netijesinde “Aşgabadyň Halkara howa menzili Türkmenistanyň ulag ulgamynda ähli babatda nusgalyk toplum diýlip ykrar edildi” diýip, 14-nji oktýabrda “Türkmenhowaýollarynyň” başlygy Döwran Saburow türkmen prezidentine hasabat berdi. Şol bir wagtda, resmi habarda “Türkmenhowaýollary” kompaniýasyna Ýewropa Bileleşiginiň çäklerine uçmagyna şu ýylyň fewralynda girizilen gadagançylygyň aradan aýrylyp-aýrylmandygy barada hiç zat aýdylmaýar. Читать дальше...
16-njy oktýabrda gündogar Owganystandaky polisiýa stansiýasynyň golaýynda partladylan ulag bombasy azyndan iki polisiýa ofiserini öldürdi, 26 adamy, şol sanda 20 çagany ýaralady diýip, resmiler aýtdylar. Lagman welaýatynyň Alişang etrap polisiýa edarasynyň golaýynda bolan partlama golaýdaky medressä düýpli zyýan ýetirdi diýip, Lagman welaýatynyň gubernatorynyň sözçüsi Asadullah Daulatzaý aýtdy. "Okuwçylar aýna gyçaklaryndan ýaralandy” diýip, Daulatzaý aýtdy we ýaraly bolanlaryň 20 çemesiniň okuwçylar bolandygyny belledi. Читать дальше...
