Düýbi Waşingtonda ýerleşýän Atlantik Geňeş aň-düşünje guramasy Türkmenistanda göz öňünde tutulýan nobatdaky konstitusion özgertmeler hem-de munuň ýurtda ýol açmagy ahmal häkimiýet çalşygy barada 21-nji oktýabrda makala çap etdi.
Şu günler Mary şäherinde Polisiýanyň ýol gözegçiligi gullugynyň (PÝGG) işgärleri köçe-ýol hereketiniň düzgünini bozýan ulag sürüjilerine, pyýadalara we köpçülik ýerlerinde çilim çekýänlere garşy gözegçiliklerini güýçlendirdiler.
Azatlyk Radiosynyň Türkmenistandaky, hususan-da, Mary welaýatyndaky döwlet dükanlarynda azyk ýetmezçiligi barada beren yzygiderli habarlaryndan soň, Maryda un, ýumurtga we “Ahal” ýagy nobatsyz satylyp başlandy.
Türkmenistanda itleriň we pişikleriň jemagat gulluklary tarapyndan köpçülikleýin awlanmagynyň fonunda haýwanlary goraýjy meýletinçiler haýwanlary tutulmakdan halas etmek we ýitenleri gözlemek boýunça işlerini dowam edýärler. Üstesine, köpüsi tutulan haýwanlara hemaýat etmek tagallalaryny elden bermeýärler. Aşgabatly haýwanlary goraýjylaryň sözlerine görä, tutulan itleri we pişikleri şäheriň çetinde Çoganlyda zir-zibilleri gaýtadan işleýän zawodyň giňişliginde ýerleşýän haýwanlaryň toplanýan ýerine alyp barylmagy dowam etdirilýär. Читать дальше...
Ukrainadaky baş ABŞ diplomaty prezident Donald Tramp Kiýewe harby kömegi bermäge ýa-da Ak tamda duşuşyga razy bolmazdan öň ukrain prezidenti Wladimir Zelenskiniň öz syýasy garşydaşyny derňemegini isledi diýdi.
Seperatistleriň DAN habar guramasy 22-nji oktýabrda Aseýewe awgustda içalyçylyk, ekstremizm, jemgyýetçiligi territoral bitewiligi bozmaga çagyrmak aýyplamalary esasynda 15 ýyl türme tussaglygynyň berlendigini habar berdi. 30 ýaşyndaky žurnalist Stanislav Wasin lakamy astynda ýazýardy we 2017-nji ýylyň 2-nji iýunyndanUkrainanyň Donetsk sebitinde ýitdi. Ol şondan bäri separatistleriň tussaghanasynda saklandy. “Men onuň düýpden bikanun sud edilişine we türmä basylyşyna haýran galdym” diýip, ÝHHG-nyň... Читать дальше...
Britan polisiýasy içinde 39 adamyň jesedi ýerleşdirilen transport konteýnerini tapdy, olary Bolgariýadan gelen ýük maşyny getirendir öýdülýär. Britan polisiýasy 23-nji oktýabrda demirgazyk Irlandiýada 25 ýaşyndaky bir sürüjiniň olary öldürmekde güman edilip tussag edilendigini aýtdy. 38 sany uly adamyň we bir ýetginjegiň jesedi Londonyň 20 mil çemesi uzaklygyndaky Watergladde, Senagat parkynda goýlan konteýnerden tapyldy. Polisiýa bu adamlary alyp gelen ýük maşynynyň ýurda 19-njy oktýabrda... Читать дальше...
Belarusyň Brest oblast sudy 22-nji oktýabrda türkmenistanly studentiň jenaýat işine seretmäge başlady. Ýerli metbugatyň habar bermegine görä, Ý.H. diýlip, adynyň diňe baş harplary berilýän 29 ýaşly student öz bäbegini öldürmekde aýyplanýar. Kp.by neşiriniň maglumatyna görä, tolgunmakdan ýaňa rus dilini unudyp biljekdigini aýdyp, güman edilýän aýal sudda özüne terjimeçi berilmegini sorady we netijede diňlenişik 23-nji oktýabra geçirildi. Derňewde anyklanylmagyna görä, onuň 17-nji martda, wagtyndan öň gyz bäbegi bolýar. Читать дальше...
Türkiýe Siriýadaky häzirki operasiýanyň çäginde kürt söweşijilerine garşy gaýtadan söweşe başlamak “zerurlygynyň ýokdugyny” yglan etdi. Sebäbi Birleşen Ştatlar Türkiýäni olaryň demirgazykdaky serhet sebitinden çykmagy “tamamlandyklary” bilen habarly etdi. “Häzirki pursatda mundan aňryk täze operasiýa geçirmek zerurlygy ýok” diýip, AFP Goranmak ministrliginiň 22-nji oktýabr güni giçlik eden beýanatyna salgylanyp habar berdi. Bu habar rus prezidenti Wladimir Putin bilen türk prezidenti Rejep Taýyp... Читать дальше...
Moskwanyň dünýäniň beýleki uly döwletleri bilen Afrika täsirleri üstündäki bäsleşikde öňe saýlanmaga çalyşmagy bilen, Orsýetiň Gara deňiz boýundaky Soçi kurortynda 23-nji oktýabrda onlarça afrikan lideri toplandy. Prezident Wladimir Putin iki günlük Orsýet-Afrika sammitini müsürli kärdeşi Abdel Fattah al-Sisi bilen açar, ol häzir Afrika bileleşiginiň başlygy we ýygnanyşygyň egindeş başlygy bolup durýar. Kreml Afrikanyň 54 hökümet ýa döwlet başlygynyň 43-siniň bu çäre garnaşjakdygyny tassyklandygyny aýtdy. Читать дальше...
Prezident Gurbanguly Berdimuhamedow 22-nji oktýabrda Günüň dogýan ýurduna sapary mahalynda imperator Naruhitonyň tagta çykmagy mynasybetli geçirilýän dabara gatnaşdy. Bu çärä dünýäniň 180-den gowrak ýurdundan wekiller, 2 müňe golaý myhman gatnaşdy . TDH-nyň ýazmagyna görä, imperatorlyk häkimiýeti gadymy döwürlerden bäri Ýaponiýanyň dolandyryş düzüminde möhüm orun eýeleýär. Ýaponiýanyň Konstitusiýasy Imperatory «döwletiň nyşany we halkyň bitewüligi» diýip yglan edýär. Imperator derejesi şa neberesiniň erkeklerine degişlidir. Читать дальше...
Orsýetiň Rostow sebitinde öri meýdanlaryny ulanmak üstünde turan söweşde bäş adam öldi diýip, Içeri işler ministrligi aýtdy. Ministrligiň regional bölümi 22-nji oktýabrda Don boýundaky Rostowada, sebitiň Orlowskiý etrabynda bolan atyşyk netijesinde ýene iki adamyň hassahana ýerleşdirilendigini aýtdy. "Çaknyşyk wagtynda taraplaryň käbiri ok atýan ýaraglary, hususan-da aw ýaraglaryny ulandy. Netijede, ok ýaralaryndan bäş adam öldi, iki adam bolsa hassahana ýerleşdirildi” diýip, ministrligiň metbugat gullugy aýtdy. Читать дальше...
