Türkmenistanyň Ylymlar Akademiýasynyň Taryh we arheologiýa institutynyň uly ylmy işgäri Juma Orazklyçew “SNG-niň sesi” onlaýn radiosyna beren interwýusynda
Germaniýanyň “MAN Group” kompaniýasynyň öňki ýolbaşçysynyň korrupsiýa bilen baglylykda 9-njy dekabrda Mýunheniň sudunda seredilen işi Türkmenistanyň "Türkmennebit" kompaniýasynyň öňki ýolbaşçylaryna 2002-nji we 2007-nji ýyllaryň aralygynda berlen ençeme millionlyk para degişli.
Russiýanyň prezidenti Wladimir Putin we onuň ukrain kärdeşi Wolodymyr Zelenskiý şu ýylyň aýagyna çenli Ukrainanyň gündogarynda ok atyşyklary bes etmegi “doly we hemmetaraplaýyn berjaý etmek” boýunça ylalaşdylar diýlip, bilelikde ýaýradylan beýanatda aýdylýar.
Türkmenabat şäheriniň we onuň golaýyndaky etraplaryň döwlet edara-kärhanalarynyň işgärleri Seýitnazar Seýdi adyndaky Döwlet drama teatryna barmaga we munuň üçin geýim satyn almaga mejbur edilýärler. Bu barada Azatlygyň Lebapdaky habarçysy aýdýar: - Türkmenabat şäheriniň we etraplardaky dürli pudaklarynyň işgärlerini mejbury ýagdaýda "Daýa hatyn" we "Döwletli Döwran" atly spektakllara bilet satyn alyp, iki sagat mejbury tomaşa etmäge çekýärler. Habarçymyzyň sözlerine görä, teatra barmak tomaşaçylardan goşmaça çykdajylary talap edýär. Читать дальше...
Moskwanyň 20 ýyl töweregi häkimi bolan Ýuriý Lužkow 83 ýaşynda aradan çykdy. Lužkowyň kömekçisi Moskwanyň ozalky häkiminiň 10-njy dekabrda Mýunheniň keselhanasynda ýogalandygyny tassyklady. Ýerli medianyň, Lužkowyň ýakynlaryna salgylanyp beren maglumatyna görä, onuň ýüreginde operasiýa geçirilipdir we soňra onuň ýagdaýy agyrlaşypdyr. Lužkow 1992-nji ýyldan 2010-njy ýyla çenli Moskwanyň häkimi bolupdy. Kreml ony ynamy ýitirendigi üçin, wezipesinden çetleşdiripdi.
Çehiýanyň gündogaryndaky Ostrawa şäherindäki keselhanalaryň birinde hüjümçiniň ýaragdan ot açmagy netijesinde alty adam öldürildi. Bu barada çeh resmileri maglumat berýärler. Güman edilýän şübheli, polisiýa onuň ulagyna golaýlanda, özüni atyp öldürdi. “Bu gynandyryjy. Men muňa düşünmeýärin” diýip, çeh premýer-ministri Andreý Babiş telewideniýede çykyş etdi. Babişiň sözlerine görä, hüjümçi golaý aralykdan keselhananyň içindäki adamlaryň kellesinden atypdyr. Polisiýa hüjümçiniň 42 ýaşyndaky erkek kişi bolandygyny aýtdy. Читать дальше...
Aşgabadyň häkimiýetleri paýtagty täze ýyl üçin bezemegini dowam etdirýärler. Şäherde täze ýyl arçalar dikilýär we bezegli söwda nokatlary döredilýär.
Türkiýe Albaniýa we Kosowo bilen birlikde 10-njy dekabrda geçirilýän Nobel baýraklarynyň gowşurylyş dabarasyny boýkot edýändigini mälim etdi. Ankara muny 2019-njy ýylyň Edebiýat boýunça Nobel baýragynyň Peter Handke berilmegine protest hökmünde etdi. Handke serbiýaly Slobodan Miloşewiçi goldamakda tankytlanypdy. Türkiýäniň Şwesiýadaky ilçisi Stokgolmdaky baýraklaryň gowşurylyş dabarasyna gatnaşmajakdygyny aýtdy. Geçen hepde soňy türk hökümeti Şwesiýanyň Akademiýasyna ýüzlenip, Handkeni sylaglamak baradaky kararyny üýtgetmegi sorapdy. Читать дальше...
Russiýanyň prezidenti Wladimir Putin we Ukrainanyň prezidenti Wolodymyr Zelenskiý şu ýylyň aýagyna çenli Ukrainanyň gündogarynda ok atyşyklary bes etmek boýunça ylalaşdylar. 9-njy dekabrda Parižde Fransiýanyň, Germaniýanyň, Ukrainanyň we Russiýanyň liderleri Donbasda ukrain we Kreml tarapyndan goldanylýan güýçleriň arasyndaky urşy togtatmak ugrunda iş kartasyny işläp düzmek boýunça sekiz sagada golaý gepleşik geçirdiler. Taraplar ýylyň soňuna çenli ähli tussaglary çalyşmak barada hem ylalaşdylar. Читать дальше...
Türkmenistanyň prezidenti Gurbanguly Berdimuhamedow Halkara Bitaraplyk gününiň we Täze ýyl baýramynyň öňüsyrasy Aşgabady, onuň öz sözleri bilen aýdylýanda, “baýramçylyk lybasyna beslemek” bilen bagly meseleleri berk gözegçilikde saklamagy tabşyrdy. Berdimuhamedow bu barada duşenbe güni geçirilen sanly wideoaragatnaşyk arkaly iş maslahatynyň dowamynda Aşgabat şäheriniň häkimi Şamuhammet Durdylyýewe degişli görkezme berdi. Şol bir wagtda, Türkmenistanyň dürli künjeklerinde býujet işgärlerinden... Читать дальше...
Eýranda öz pikirini açyk beýan edýän aýal deputat ýurtdaky “zalymlygyň”, şeýle-de “parallel” döwlet institutlarynyň we merkezleşdirilen dolandyryşyň netijesinde ýurduň syýasy ulgamynyň “respublika” yşaratlarynyň weýran edilýändigini belledi. Parwaneh Salahşuri 9-njy dekabrda parlamentde eden çykyşynda “ähli ýeňillikleriň hözirini görýän az sanly adamlardan özgeleriň gözden düşürilýändigini” hem aýtdy. Şeýle-de, ol: “Eger-de [resmiler] adaty adamlaryň arasynda bolsalardy, olar garypçylygyň ezýetlerini öz eginleri bilen çekerdiler” diýip... Читать дальше...
Mary welaýatynda hususy dükanlaryň ýapylýan wagtyna gözegçilik güýçlendirip, raýatlaryň gije 22:00-dan soň hereket etmek mümkinçiligi çäklendirildi.
Gazak oppozisiýa aktiwistleri ýurt resmilerine ýüzlenip, Hytaýyň demirgazyk-günbataryndaky Şinjiang sebitinden gelen iki etniki gazagyň yzyna deportasiýa edilmeginiň öňüni almaga çagyrdylar. Aktiwistler eger-de Murager Alimuly we Kaster Musakhanuly Hytaýa iberilse, onda olaryň ol ýerde gynamalara sezewar boljakdyklaryny aýtdylar. Geçen hepde Gazagystanyň Milli Howpsuzlyk Komiteti iki etniki gazagyň Hytaýa deportasiýa ediljekdigini mälim edipdi. Aktiwistler Gazagystanyň dünýäniň ähli künjegindäki... Читать дальше...
Gyrgyzystanyň tussaglykdaky ozalky prezidenti Almazbek Atambaýew psihiýatriýa barlagyndan geçiriler. Bu barada Içeri işler ministrligi maglumat berdi. Ministrlik psihiýatrlaryň Atambaýewiň we başga-da 15 aýyplanýanyň sud diňlenişigine çekilmäge ukyplylygyny kesgitlejekdiklerini mälim etdi. Aýyplanýanlar awgustda howpsuzlyk güýçleri bilen ozalky prezidentiň tarapdarlarynyň arasynda iki güne çeken gapma-garşylyk işi boýunça geçýärler. Atambaýew çaknyşyklardan soň, 8-nji awgustda polisiýa boýun bolandan soňra, tussag edilipdi. Читать дальше...
