Новости за 24.12.2019

Birleşen Ştatlar iki ýyl arakesmeden soňra, Pakistana harby türgenleşik programmasyna goşulmaga gaýtadan rugsat berdi. Pakistanyň bu programma gatnaşmakdan mahrum edilmegi prezident Donald Trampyň Yslamabat terrorizmi togtatmakda ýeterlik iş edenok diýip, harby kömegi wagtlaýyn doňdurmagynyň bir elementi bolup durýardy.   23-nji dekabrda yglan edilen bu karar Imran Han günorta-gündogar Aziýanyň atom ýaragly ýurdunda premýer-ministr wezipesine gelmeginden soňra iki ýurt arasyndaky dartgynly gatnaşyklaryň barha gowşaýandygyny görkezýär. Читать дальше...

Täze ýylyň öňüsyrasynda Türkmenistanda iýmit önümleri satylýan döwlet dükanlarynyň öňünde uly nobatlar döreýär. Alyjylar döwlet dükanlarynda satylýan azyk önümlerini arzan bahadan satyn almak üçin sagatlap nobata garaşýarlar.

Lebap welaýatynyň Türkmenabat şäherinde hem-de Kerki we Hojambaz etraplarynda häkimiýetler gara bazardaky walýuta söwdasyna garşy göreşe girişdi.

Maryda edara-kärhanalaryň işgärlerinden “welosiped satyn almak üçin” 20 manatdan 40 manada çenli pul ýygnalýar diýip, Azatlyk Radiosynyň bu welaýatdaky habarçylarynyň biri habar berýär.

Türkmenabatly pensionerleri ýaşaýan ýerlerindäki pension edaralaryna ýüz tutup, özleriniň diridigini subut etmäge borçly etdiler. Bu barada habar berýän Azatlygyň habarçysynyň sözlerine görä, indi raýatlar öz pensiýalaryny almak üçin ýaşaýan ýerinden resminama we ýerli keselhanadan hat almaly bolýarlar.  ​"Lebap welaýatynyň ähli etraplarynda pensiýa alýan raýatlardan etrap sosial üpjünçilik edaralaryň pension bölümlerine hut özleriniň ýüzlenmegini we diridigini subut etmegi talap edýärler. Olar... Читать дальше...

Russiýanyň iň döwrebap harby uçary türgenleşik mahaly heläkçilige uçrady diýip, rus resmileri maglumat berýärler. Pilotyň uçaryň içinden howpsuz ýagdaýda çykmagy başarandygy hem bellenilýär. Su-57 kysymly uçar ýurduň Uzak Gündogaryndaky Komsomolsk-Amur şäheriniň golaýynda geçirilen türgenleşik missiýasynyň dowamynda ýere gaçdy diýip, Russiýanyň Birleşen Awiagurluşyk Korporasiýanyň 24-nji dekabrda ýaýradan beýanatynda aýdylýar. Russiýanyň iň döwrebap Su-57 uçary ilkinji gezek heläkçilige uçraýar. Читать дальше...

Britaniýanyň premýer-ministri Boris Jonson Russiýa babatynda “ýalňyşandygyny”, şeýle-de köp sanly meseleler boýunça ylalaşmazlyklaryň fonunda Moskwa bilen gatnaşyklary “täzeläp” bolmajakdygyna ynanýandygyny aýtdy. Jonson bu barada British Spectator žurnalyna beren interwýusynda belledi. Žurnalistiň “Siz öz pikiriňizi haçan üýtgetdiňiz?” diýen soragyna, Jonson: “Meniň pikirimçe köp ýurduň daşary işler sekretarlary we premýer-ministrleri Russiýa bilen gatnaşyklary ýaňadandan başladyp boljakdygyna ynandylar. Читать дальше...

Eýranyň ýokary ruhany lideri Aýatollah Ali Khameneýi geçen aý ýurt resmileri bilen geçiren duşuşygynda şol wagtky hökümete garşy protestleri gazaplylyk bilen basyp ýatyrmak barada höküm berdi diýip, Reuters gullugy öz çeşmesine salgylanyp maglumat berdi. Neşiriň ýazmagyna görä, 80 ýaşly Khameneýi eger-de köçedäki tolgunşyklar togtamasa, onda resmileriň jogapkärçilige çekiljekdigini hem duýdurypdyr. Reutersiň 23-nji dekabrdaky maglumatynda bellenilşi ýaly, Khameneýi 17-nji noýabrda geçiren duşuşygynda prezident Hassan Rohaniniň... Читать дальше...

Gazagystanyň sudy ýurduň serhedini bikanun geçmekde aýyplanýan Hytaýyň Şinjiang sebitinden gelen etniki gazak aýaly yzyna – Hytaýa deportasiýa etmezlik barada höküm çykardy. Gazagystanyň günorta-gündogaryndaky Žarkent şäheriniň sudy bu baradaky hökümi 23-nji dekabrda çykardy. Sud gazak raýatyna durmuşa çykan Kaýşa Akany alty aý möhlet bilen şertli tussaglyga höküm etdi. Şeýle-de, sud onuň Gazagystanda galmagyna rugsat berdi. Akan noýabrda başlanan sud diňlenişiginde 2018-nji ýylyň maýynda Şinjiangdaky... Читать дальше...

Owganystanyň demirgazygyndaky Balh welaýatynda jeňçileriň harby barlag-gözegçilik nokadyna hüjüm etmegi netijesinde azyndan ýedi owgan esgeri öldi. Bu barada ýurduň Goranmak ministrligi maglumat berýär. 24-nji dekabrda Döwlet Abat etrabyna edilen hüjümde howpsuzlyk güýçleriniň hataryndan başga-da alty gullukçy ýaralandy. Ýerli wagt bilen irden 04:30 töweregi amala aşyrylan hüjümiň jogapkärçiligini “Talyban” topary öz üstüne aldy. Jeňçi topary sebitde işjeň hereket edýär.