Türkmen häkimiýetleri daşary ýurtlardaky türkmenistanlylara “Western Union” pul geçirim hyzmatlary arkaly ibermäge rugsat berilýän maliýe serişdeleriniň möçberini artdyrmak baradaky planlaryndan el çekdiler diýip, Azatlygyň çeşmesi ýerli bank işgärine salgylanyp 26-njy maýda gürrüň berdi.
Türkmenistanda welaýat ýaşaýjylaryndan paýtagta barmak üçin talap edilýän beýleki resminamalar bilen bilelikde öýkeniň rentgen suratyny görkezmegi talap edýärler. Ýurduň içinde hereket etmek üçin talap edilýän resminamalary almak üçin köplenç para soralýar. Bu barada Azatlyk Radiosynyň habarçylary aýdýarlar.
Soňky günlerde Lebapda "Soňky jaň" dabaralary üçin harajat tapmaýan mekdep okuwçylarynyň öz janlaryna kast etmegi bilen bagly wakalaryň ençemesiniň bolandygyny, Azatlyk Radiosynyň biri-birinden garaşsyz birnäçe habarçysy habar berýär.
Mary welaýatynyň Baýramaly şäherinde ilatyň azyk üpjünçiligi, hususan-da un, çörek we towuk budunyň üpjünçiligi ýaramazlygynda galýar. Aşgabatda ýaşaýjylar döwlet dükanlarynda satylýan unuň hilinden şikaýat edýär.
Türkmenabatda apreliň ahyrynda gopan harasatdan soň, ýaşaýjylaryň arasynda giň ýaýran çykgynsyzlyk, stres we çäresizlik bilen baglylykda şäher keselhanasyna ýürek-damar keselleri we insult bilen ýerleşdirilýän hassalaryň sany köpeldi.
Iki özbek sport žurnalisti maý aýynyň başynda bendiň ýarylmagynyň weýrançylykly netijeleri barada döwlet tele-kanalynyň taýýarlan maglumatlaryny tankyt edensoň, işden çykaryldy. Bendiň ýarylmagy netijesinde azyndan dört adam ölüpdi we başga-da on müňlerçe ýaşaýjy başga ýere göçürilipdi. Adynyň efirde agzalmazlygy şerti bilen söhbetdeş bolan Sport telewideniýesiniň we radiosynyň bir resmisi 25-nji maýda Azat Ýewropa/Azatlyk Radiosyna interwýu berip, Sport telewideniýesiniň redaktory Bobur Akmalowyň... Читать дальше...
Owganystanda söweşijiler tarapyndan ok atyşygy bes etmegiň üçünji we soňky gününe girilen mahaly,owgan hökümeti 26-njy maýda ýene 900 sany “Talyban” tussagyny boşatmagy planlaşdyrýar. Resmileriň aýtmagyna görä, söweşe arakesme bermek çäresi musulmanlaryň Oraza baýramy mynasybetli 24-nji maýda güýje girdi we ýurduň aglaba böleginde amala aşyryldy. Mundan öň hökümet Talybanyň ok atyşygy bes etmek baradaky teklibine jogap berip, 2000-e çenli söweşiji tussagy boşatmak planlaryny yglan etdi. “Şu... Читать дальше...
Tussaglykdaky gyrgyz syýasatçysy Sadyr Japarowyň aýal dogany Raikul Japarowa Bişkekdäki resmileriň haýyşy boýunça Polşada tussag edildi. Gyrgyz Içeri işler ministrliginiň metbugat gullugynyň 26-njy maýda Azat Ýewropa/Azatlyk Radiosyna aýtmagyna görä, Japarowa dört gün ozal Polşanyň häkimiýetleri tarapyndan tussag edildi we häzirki wagt onuň Gyrgyzystana ekstradisiýa edilmegi barada Warşawa bilen gepleşikler geçirilýär. Ministrligiň maglumatyna görä, Raikul Japarowa 2014-nji we 2015-nji ýyllarda gaýybana sud edildi we pul ýuwmakda... Читать дальше...
Dünýäniň käbir ýerlerinde koronawirus infeksiýasynyň peselmek tendensiýasyndan soň, petiklenme çäreleri ýuwaş-ýuwaşdan ýeňilleşdirilýän mahaly, Bütindünýä saglyk guramasy (BSG) ýurtlara wirusyň öňüni almak çärelerini gowşatmakda gaty çalt hereket etseler, "derrew ikinji ýokarlanma" bilen ýüzbe-ýüz bolup biljekdiklerini duýdurýar. Şu hepde Ýewropanyň çäginde, islandiýalylaryň ýene-de klublarda oturyşyk etmegi, Ispaniýada köp sanly plýažyň we Germaniýada saglyk çäreleri esasynda sport zallarynyň hem-de howuzlaryň açylmagy bilen... Читать дальше...
Türkmenistanyň Döwlet migrasiýa gullugynyň Lebap we Balkan welaýatlaryndaky bölümleri raýatlara biometriki pasport bermek işlerini wagtlaýyn togtatdylar. Bu barada Azatlyk Radiosynyň ýurt içindäki habarçylary habar berýärler.
Aşgabadyň orta mekdeplerinde "Soňky jaň" dabarasy diňe 11-nji synp we käbir başlangyç synp okuwçylarynyň gatnaşmagynda geçirilip, okuw ýylynyň tamamlanmagy mynasybetli göz öňünde tutulan beýleki dabaralar doly ýatyryldy.
Russiýanyň harby dikuçarynyň ýurduň demirgazyk-gündogaryndaky Çukotka ýarymadasynda heläkçilige uçramagy netijesinde dört adam öldi. Russiýanyň Goranmak ministrligi 26-njy maýda irden bolan heläkçiligiň tehniki näsazlyk sebäpli ýüze çykan bolmagynyň gaty ähtimaldygyny aýtdy. Çukotkanyň häkimi Roman Kopin dikuçaryň Anadyr şäheriniň golaýyndaky Ugolnyýe Kopi aeroportunda heläkçilige uçrandygyny aýtdy. Ol häzirki wagt gyssagly kömek gullugynyň işgärleriniň wakanyň bolan ýerine barandygyny hem belledi. Читать дальше...
