Türkmenistanda un ýetmezçiligi türkmen häkimiýetlerini bugdaý ekinlerine gözegçiligi güýçlendirmäge mejbur edýär. Bu barada "Turkmen.news" neşiri Daşoguz, Lebap we Mary welaýatlaryndaky çeşmelerine salgylanyp, 27-nji maýda habar berdi.
Hoňkoň ilatynyň köpüsi, işewür toparlar we günbatar ýurtlary bu kanunyň sebitiň aýratyn durumyny ýatyrmagyndan, raýat azatlyklaryny bozmagyndan we syýasy işjeňligi basyp ýatyrmak üçin ulanylmagyndan alada edýärler.
Türkmenistan ynsanperwer kömegi hökmünde Owganystanyň serhetýaka demirýol stansiýalarynda, barlag geçiş nokatlarynda we beýleki ýerlerinde demirýol transportyny we ýükleri dezinfeksiýa etmek boýunça ýörite binalary gurup bermäge, şeýle-de olary abzallaşdyrmaga taýýardygyny aýdýar. Bu barada prezident Gurbanguly Berdimuhamedow 27-nji maýda Owganystanyň prezidenti Aşraf Ghani bilen geçiren telefon gepleşiginde aýdypdyr. Türkmen döwlet habarlar gullugynyň maglumatyna görä, iki ýurduň prezidentleri... Читать дальше...
Türkmenistanyň "Awaza" milli syýahatçylyk zolagyndaky myhmanhanalaryň onlarçasynda 1000-den gowrak işgär işinden boşadyldy. Bu barada işden çykarylan raýatlaryň ençemesi Azatlyk Radiosynyň Balkandaky habarçysyna gürrüň berdi.
Türkmenistanda her ýylda millardlarça dollar halk serişdesine durýan gurluşyk taslamalarynyň durmuşa geçirilmegi iň ýokary derejelerde goldanylýan pul ýuwuşlyk barada aşaklykdan berilýän soraglary köpeldýär.
BSG-niň bilermenleri Türkmenistana COVID-19 keseliniň ýaýramagyna gözegçilik etmek boýunça rekomendasiýalary hödürledi. Bu aralykda türkmen häkimiýetleri ilandan arassaçylygy berjaý etmegi, watanperwerligi, watana hem prezidente wepaly bolmagy we "artykmaç geplemezligi" talap edýärler.
Döwlet sekretary Maýk Pompeo ABŞ administrasiýasynyň mundan beýläk Honk Kongy Pekin tarapyndan wada berlen ýokary awtonomiýa hukugyndan peýdalanyp bilýän ülke hökmünde görmeýändigini, şonuň üçin bu maliýe merkeziniň ABŞ kanunçylygyna laýyklykda hödürlenýän ýörite artykmaçlyklardan mundan beýläk peýdalanmaga mynasyp däldigini Kongrese habar berdi. “Bir döwürler Birleşen Ştatlary erkin we abadan Hong Kong awtoritar Hytaý üçin nusga bolar diýip umyt edipdi, ýöne indi Hytaýyň Hong Kongy öz göreldesine eýerdýändigi äşgär boldy” diýip... Читать дальше...
Demirgazyk Parwan welaýatynda resmileriň “Talybany” günäkärlän hüjüminde ýedi owgan esgeri öldürildi – bu ýaraşyk gutaraly bäri amala aşyrylan ilkinji heläkçilikli wakadyr. 28-nji maýda welaýat häkiminiň metbugat sekretary Wahida Şahkar söweşijileriň Parwanda bir barlag nokadyna hüjüm edendigini aýtdy. “Talybanyň hem adam ýitgileri bar” diýip, Şahkar sözüne goşdy. Etrap polisiýasynyň başlygy Huseýin Şah söweşijileriň barlag nokadyny ot berip, bäş howpsuzlyk işgärini öldürendigini aýtdy. Ýene iki adam atylyp öldürildi. Читать дальше...
27-nji maýda ABŞ-nyň Wekiller öýi, Waşington bilen Pekiniň arasyndaky dartgynly gatnaşyklara ýene bir mesele goşup, uýgur musulman azlyklaryna edilen zulum sebäpli prezident Donald Trampy Hytaýa sanksiýa girizmäge çagyrýan kanun taslamasyny makullady. Şu aýyň başynda Senatda biragyzdan kabul edilen kanun uýgur musulmanlara garşy adam hukuklarynyň bozulmagyna gatnaşan Hytaýyň ýokary derejeli hökümet resmilerine garşy sanksiýa girizer. “Pekiniň uýgur halkyny nyşana alýan wagşy hereketleri dünýäniň umumy wyždany üçin gabahatdyr” diýip... Читать дальше...
Özüniň COVID-19 sebäpli keselhana ýerleşdirilendigi barada mediada ýaýran habarlary görnetin basyp ýatyrmak synanyşygynda Ramzan Kadyrow özüni gowy duýýandygyny aýdy. “Meniň jan-saglygym örän gowy” diýip, çeçen lideri 27-nji maýda kömekçisi Ahmet Dudaýew bilen Instagramda çykan göni efirinde aýtdy. 26-njy maýda Groznyda geçirilen telewizion ýygnakda sag elinde görnüp duran saglyk enjamyna üns çeken media habarlaryna salgylanmak bilen, ol bu ýerde üýtgeşik zadyň ýokdugyny aýtdy, ýöne özüniň keselhanada bolandygyny inkär etmedi. Читать дальше...
