Новости за 09.08.2023

Türkmenistanda howanyň temperaturasy gündizlerine 40 gradusdan aşýan we gijelerine 30 gradusa ýetýän mahaly, ilatyň elektrik üpjünçiligindäki problemalar ýitileşýär. Aşgabatda ilatyň elektrik togy yzygiderli kesilýär. Häkimiýetler köp gatly jaýlara gezekli-gezegine tok bermek arkaly, elektrik üpjünçiligindäki problemany çözmäge we ilaty köşeşdirmäge çalyşýarlar. “Anomal yssyda Aşgabadyň köp gatly jaýlaryna elektrik üpjünçiligi küşt tagtasynyň tertibinde berilýär. Meselem, köp gatly jaýlaryň birinde... Читать дальше...

Türkmenbaşyly pensionerler we býujet işgärleri bir hepde bäri bank kartlaryndan pul çekip bilmeýärler. Şäheriň bankomatlarynda nagt pul ýene-de ýetmezçilik edýär. Türkmenbaşynyň ýaşaýjylarynyň bank hasaplaryna pensiýa pullary 2-nji awgustda, aýlyk halkary bolsa 4-nji awgustda geçirildi. Muňa garamazdan, köpler henizem pullaryny nagtlaşdyryp bilmediler. Azatlygyň ýerli habarçysy bu barada 9-njy awgustda gürrüň berip, şeýle diýdi: "Gündiz bankomatlaryň içi boş, sebäbi olara pul ýüklenmeýär. Nagt pul irden bäşde ýüklenýär. Читать дальше...

Balkanyň häkimiýetleri köçe söwdagärlerine gözegçiligi güýçlendirdiler. Türkmenbaşynyň polisiýasy “Kenar” bazarynyň golaýyndaky söwdagärlere garşy reýd geçirip, olardan köçeleri terk etmegi talap edýär. Bu çäre, ýurduň ýolbaşçy düzüminiň, şol sanda prezidentiň golaýdaky Awaza zolagynda ynç alýan döwrüne gabat geldi.

Tomsuň yssy günlerinde Türkmenistanyň dürli sebitlerinde ilatyň suw we elektrik üpjünçiligindäki problemalary dowam edýän mahaly, Marynyň häkimiýetleri sebitdäki suw çüwdürimleriniň aglabasynyň işini togtatdy. Mary şäher häkimliginiň birnäçe işgäri bu çäräni “häkimiýetleriň suw we elektrik tygşytlamak tagallalary bilen” düşündirýär. Azatlyk Radiosynyň Marydaky habarçysynyň tassyklamagyna görä, şu günler sebitdäki suw çüwdürimleriniň aglabasy işledilmeýär. Diňe käbir çüwdürimler günüň dowamynda bir ýa-da iki sagat işledilýär. Читать дальше...

Eýranyň saglyk syýahatçylygy babatynda türkmenleriň arasyndaky meşhurlygy artýar. Soňky döwürde saglygyna seretdirmek üçin Eýrana sapar edýän türkmenleriň sanynyň göz-görtele artandygyny synlasa bolýar. Näsaglar munuň sebäbini Türkmenistanda saglyk hyzmatlarynyň hiliniň juda pes bolmagy bilen düşündirýärler. Bu ýagdaýlar barada Azatlyk Radiosynyň habarçysy we türkmenistanly näsaglar 7-nji awgustda gürrüň berdiler.

Türkmenistanda pul nagtlaşdyrmak bilen bagly meseleleriň dowam edýän mahaly, türkmenabatlylar Lebabyň merkezi şäheriniň çägindäki söwda nokatlarynyň köpüsinde töleg terminallarynyň ýokdugyny, barlarynyň hem kadaly işlemeýändigini aýdýarlar.

7-nji awgustda Balkanyň Türkmenbaşy şäherinde ýüzlerçe adam azyk ýetmezçiligine garşy protest geçirip, şäher häkimi bilen dawalaşdy. Bu barada sebitden habarçymyz maglumat berdi. Nägilelik çäresi ýurduň ýolbaşçy düzüminiň, şol sanda prezidentiň golaýdaky Awaza zolagyna dynç alşa gelen döwrüne gabat geçdi.

Türkmenistanda gowaça we şaly ekilen meýdanlarda ösüş suwlaryny tutmak we ideg işleri dowam edýän mahaly, Lebap welaýatynyň Çärjew etrabynyň kärendeçileri ekerançylyk suwlarynyň ýiti ýetmezçiligi bilen ýüzbe-ýüz bolýarlar. Bu bökdençlik kärendeçi daýhanlaryň arasynda dawa-jenjeliň ýygy-ýygydan ýüze çykmagyna getirýär.

Türkmenistanyň gündogar sebiti Lebap welaýatynyň ýaşaýjylary mundan beýläk daşary ýurt pasportyny diňe indiki ýyl alyp bilerler. Sebitiň migrasiýa gulluklarynda şu günler raýatlara täze ýyldan soň ýüz tutmak maslahat berilýär.

Türkmenistanyň häkimiýetleri migrasiýa düzgünlerini bozan türkmen raýatlarynyň Türkiýeden çykarylmagyny guramalaşdyryp başlady. Bu barada “Türkmen Helsinki fondy” özüniň Türkiýedäki çeşmelerine salgylanyp, 7-nji awgustda habar berdi.

Maryda aýlyk un paýlarynyň satuwy ýene gijikdirilýär. Ujypsyz un paýynyň subsidirlenen bahadan satylmagyna köpden bäri garaşýan ýerli ýaşaýjylar döwlet dükanlaryna ýygnanýarlar. Emma un köplenç satylmaýar.

Britaniýanyň Çynlakaý galplyklar baradaky edarasy (SFO) Özbegistanyň merhum prezidenti Yslam Karimowyň uly gyzy Gulnara Karimowanyň Angliýadaky üç emlägini konfiskasiýa etdi. Konfiskasiýa edilen emläkleriň umumy bahasynyň  $25.5 milliondan gowrakdygy aýdylýar.  Pul ýuwmakda aýyplanan we 13 ýyl azatlykdan mahrum edilen Gulnara Karimowa häzir Özbegistanda türme möhletini geçirýär. Karimowanyň Şweýsariýadaky, Fransiýadaky we Birleşen Ştatlardaky emläkleriň umumy mukdary takmynan 1,4 milliard dollar diýlip çaklanylýar. Читать дальше...

Eýranyň Milli gaz kompaniýasynyň baş direktory Majid Çegini duşenbe güni geçirilen metbugat ýygnagynda Türkmenistandan günde 10 million kubmetr tebigy gaz importynyň synag edilendigini aýtdy diýip, “Biznes Türkmenistan” neşiri “Mehr” agentligine salgylanyp habar berdi. Şeýle-de, Majid Çegini Eýranyň Türkmenistana bergisini üç tapgyrda töländigini we bu ýurt bilen gaz alyş-çalşygynyň mukdaryny günde 4,5 milliondan 8 million kubmetre çenli artdyrandygyny aýtdy. Majid Çegini 10 million kubmetr tebigy... Читать дальше...

Gyrgyz häkimiýetleri Oş sebitinde ýerleşýän 39 metjidi we 21 dini bilim guramasyny ýapandyklaryny aýdýarlar.   Gyrgyzystanyň Milli howpsuzlyk komitetiniň metbugat gullugynyň aýatmagyna görä, bu çäre, geçirilen derňewler esasynda, dini azatlyklar we dini guramalar baradaky kanunyň berjaý edilmezligi, gurluşyk ülňüleriniň saklanylmazlygy, arassaçylyk we ýangyn howpsuzlygy düzgünleriniň bozulmagy bilen bagly ýagdaýlar ýüze çykarylandan soň görüldi. Geçirilen derrew barada jikme-jik maglumat berilmedi. Читать дальше...

Täjigistanyň Dagly-Badahşan awtonom sebitinde soňky alty aýyň domamynda, geçen ýyl ýerli häkimiýetlere garşy guralan protestlerden soňky dartgynlyklaryň arasynda, bäş sany hökümetden aýry gurama ýapyldy. Häkimiýetler ol guramalaryň ýerli jenaýatçy toparlar bilen baglanyşyklydygyny öňe sürýärler. Adalat ministriniň orunbasary Asadullo Hakimzoda 8-nji awgustda žurnalistlere bu guramalaryň Dagly-Badahşanda 140-dan gowrak jemgyýetçilik guramasynda we birleşiginde geçirilen barlagdan soň ýapylandygyny aýtdy. Читать дальше...

7-nji awgustda Ženewada Jynsy taýdan kemsitmeleri ýok etmek baradaky komitetiň 110-njy mejlisi açyldy, onuň dowamynda Türkmenistanyň, Italiýanyň, Horwatiýanyň, Urugwaýyň, Namibiýanyň we Senegalyň jynsy kemsitmelere garşy görýän çärelerine syn berler diýip, türkmen metbugaty habar berýär. Türkmenistanyň hasabaty 21-22-nji awgust aralygynda diňlener. Türkmen metbugatynyň nygtamagyna görä, Türkmenistan Garaşsyzlyk ýyllarynyň başyndan bäri adam hukuklarynyň we azatlyklarynyň hormatlanylmagyna gönükdirilen işjeň syýasaty durmuşa geçirýär. Читать дальше...