Новости за 12.02.2020

(Апас, 12 февраль, «Татар-информ», «Апастово-информ»). Апаста Әлфия Авзалова исемендәге халыкара фестивальнең зона туры узды. Бәйгедә Апас районыннан 14 чыгыш тәкъдим ителде. Җиңүчеләр Казанга чакыру алды. Бу турыда район басмасы хәбәр итә.

(Кукмара, 12 февраль, «Татар-информ», «Хезмәт даны»). Кукмараның Гафиатуллин урамында сафка баскан 21 фатирлы йорттан биш ятим балага берәр бүлмәле фатирлар бирелде. Бу турыда район басмасы хәбәр итә.

(Чаллы, 12 февраль, «Татар-информ»). 16 февральдә Чаллыда Ленинград блокадасын өзүгә багышланган «Искра» операциясе» хәрби-тарихи фестивале узачак.

(Казан, 12 февраль, «Татар-информ»). Алабугада Горький урамында «Демография» илкүләм проекты кысаларында ясле төркемнәре булган 140 урынлы яңа балалар бакчасы төзеләчәк. Бүгенге көндә проект эшләре алып барыла. Бу хакта Алабуга районының җирле үзидарә органнары порталында хәбәр ителә.

(Казан, 12 февраль, «Татар-информ»). Әдәби марафонда катнашучыларның күпчелеге финал тантанасында Роберт Миңнуллинны күрергә тели. «Әдәби марафон» онлайн-проектын оештыручы Татнетны үстерү фонды бастырып чыгарган исемлектә ул беренче урында.

(Казан, 12 февраль, «Татар-информ», Шабдан Ниязов). 2020 елда Татарстанда инвалидларны һәм өлкән кешеләрне озак вакыт карау системасын гамәлгә кертү кысаларында «Караучы» хезмәтләре күрсәтү буенча сынау проектын эшләтеп җибәрәчәкләр. Бу хакта хокукый мәгълүмат порталында бастырылган карарда әйтелә.

(Казан, 12 февраль, «Татар-информ», Гөлнар Гарифуллина). Кукмаралылар тәүлегенә 300 тонна сөт саву күрсәткеченә ирешкән. Моның өчен алар «Татарстан Республикасы каршындагы казанышлары өчен» орденына лаек булды. «Орденга чираттагы планка — 400 тонна», — диде ТР вице-премьеры — авыл хуҗалыгы һәм азык-төлек министры Марат Җәббаров коллегия утырышында.

(Казан, 12 февраль, «Татар-информ», Вероника Ваганова). ТР Дәүләт Советының Икътисад, инвестицияләр һәм эшкуарлык комитеты утырышында инновацион транспорт чаралары эшен регламентлаштыручы закон проекты турында фикер алыштылар.

(Казан, 12 февраль, «Татар-информ», Зилә Мөбәрәкшина). Иртәгә 13:00 сәгатьтә, Кәрим Тинчурин исемендәге Татар дәүләт драма һәм комедия театры Казан федераль университетының Филология һәм мәдәниятара багланышлар институты белән берлектә күренекле татар әдибе Аяз Гыйләҗевнең «Өч аршын җир» спектаклендә катнашучы артистлар белән очрашу уздырачак. Бу хакта «Татар-информ» агентлыгы хәбәрчесенә театрның матбугат хезмәте хәбәр итте.

(Казан, 12 февраль, «Татар-информ», Гөлнар Гарифуллина). Быел июнь аенда Саба районы 10 мең мөгезле эре терлеккә исәпләнгән терлек азыгы үзәге эшләтеп җибәрергә җыена. Бу хакта коллегия утырышында ТР Премьер-министры урынбасары-авыл хуҗалыгы һәм азык-төлек министры Марат Җәббаров хәбәр итте.

Мәскәү оештырган "Милләт" кырымтатар телерадиоканалының генераль мөдире Эрвин Мусаев 12 февраль гариза язып вазифасыннан китте. Аның китүе хакында боерык инде имзаланган.

(Казан, 12 февраль, «Татар-информ», Наталья Рыбакова). Казан поляклары оешмасы ТР халыклары ассамблеясы составына керде. Бүген Казанда Татарстан халыклары ассамблеясы советының 2019 елгы эш нәтиҗәләре буенча утырышында шундый карар кабул ителде. Утырыш Татарстан халыклары Дуслыгы йортында ТР Дәүләт Советы Рәисе Фәрит Мөхәммәтшин катнашында узды.

(Казан, 12 февраль, «Татар-информ»). Казаның Совет районында кара төстәге BMW X5 автомобиле җәяүлене таптатып үтергән. Бу турыда шәһәрнең Дәүләт автонспекциясендә хәбәр иттеләр.

(Казан, 12 февраль, «Татар-информ», Гөлнар Гарифуллина). Үсемлекчелек тармагында начар уңышка китерүче сәбәпләрне юкка чыгару кирәк. ТР Премьер-министры урынбасары — авыл хуҗалыгы һәм азык-төлек министры Марат Җәббаров коллегия утырышында шундый бурыч куйды.

(Казан, 12 февраль, «Татар-информ», Зилә Мөбәрәкшина). Канаданың Монреаль шәһәрендә туып үскән милләттәшебез Әдилә Усманова Монреальдә «SUPERFANTASTICO 2020» дип аталган Халыкара итальян теле конкурсында катнашып, финал турына үткән. Бу хакта «Татар-информ» агентлыгы хәбәрчесенә Канададагы «Мирас» милли-мәдәни үзәге җитәкчесе Зилә Миргалиева хәбәр итте.

(Казан, 12 февраль, «Татар-информ»). Бүген Татарстан Республикасы Президенты Рөстәм Миңнеханов «Нәфис Косметикс» АҖ генераль директоры Рөстәм Нуриев белән очрашты. Бу турыда республика җитәкчесенең матбугат хезмәте хәбәр итә.

(Казан, 12 февраль, «Татар-информ», Гөлнар Гарифуллина). Тукай районы башлыгы Фаил Камаев ТР Авыл хуҗалыгы һәм азык-төлек министрлыгы коллегиясе утырышында пай җирләрен ызанлау һәм сату проблемасын күтәрде.

(Казан, 12 февраль, «Татар-информ», Гөлнар Гарифуллина). Тукай районы башлыгы Фаил Камаев ТР Авыл хуҗалыгы һәм азык-төлек министрлыгы коллегиясе утырышында кадрлар белән тәэмин итү проблемасын хәл итүдә Татарстан Президенты Рөстәм Миңнехановтан ярдәм сорады.

(Казан, 12 февраль, «Татар-информ»). Бөгелмә районы кешесе алимент буенча бурычы өчен чит ил машинасын биргән. Бу турыда Россия Суд приставы федераль хезмәтенең Татарстан буенча идарәсе матбугат хезмәтендә хәбәр иттеләр.

(Казан, 12 февраль, «Татар-информ», Гөлнар Гарифуллина). Аграр вузларның авыл ихтыяҗлары өчен эшләве кирәк. Татарстан Президенты Рөстәм Миңнеханов ТР Авыл хуҗалыгы һәм азык-төлек министрлыгы коллегиясе утырышында шулай дип белдерде.

(Казан, 12 февраль, «Татар-информ», Гөлнар Гарифуллина). Кулланучылар кооперативларының нәтиҗәлелеген арттыру кирәк. Татарстан Президенты Рөстәм Миңнеханов ТР Авыл хуҗалыгы һәм азык-төлек министрлыгы коллегиясе утырышында шундый күрсәтмә бирде.

Бүген Казанда активист Рәис Хәбировка ачылган җинаять эшен караучы мәхкәмәнең бишенче утырышында аңа 80 сәгать мәҗбүри эш җәзасы бирү карары чыгарылды. Прокурор 200 сәгать мәҗбүри эш бирүне сораган иде.

(Казан, 12 февраль, «Татар-информ»). ТР Президенты Рөстәм Миңнеханов «Сетевая компания» ААҖ генераль директоры Илшат Фәрдиев белән очрашу үткәрде. Бу хакта республика җитәкчесенең матбугат хезмәте хәбәр итә.

Сегодня, 12 февраля, в Совете района прошло заседание комиссии по предупреждению, ликвидации чрезвычайных ситуаций и обеспечению пожарной безопасности в Нурлатском районе. Его провел руководитель исполнительного комитета района Линар Маняпов.

Больше всего ясельные группы нужны в Казани, Набережных Челнах, Альметьевске, Нижнекамске.