Новости за 28.02.2020

(Азнакай, 28 февраль, «Татар-информ», «Маяк», Резеда Шәрипова). Бүген Азнакай шәһәре Мәдәният йортында XX «Созвездие-Йолдызлык» ачык республика телевизион яшьләр эстрада сәнгате фестиваленең зона туры башланды. Бу турыда район газетасы хәбәр итә.

(Казан, 28 февраль, «Татар-информ», «Алга»). Питрәч район үзәгенең икенче мәктәбе татар телендә әсәрләр укучылар арасында үткән унынчы республика «Әдәби марафон»ында җиңүче булды.

(Казан, 28 февраль, «Татар-информ», Зилә Мөбәрәкшина). КФУның Халыкара мөнәсәбәтләр институтының тарих һәм җәмгыять белеме кафедрасы мультимузыканты һәм тикшеренүчесе Алмаз Әсхәдуллин «Төрки дөньяның борынгыдан алып безнең көннәргә кадәр музыкаль традицияләре һәм музыкаль терапиясе» лекциясен тәкъдим итте. Бу хакта ул «Татар-информ» хәбәрчесенә сөйләде.

(Казан, 28 февраль, «Татар-информ», Надежда Гордеева). Татарстанда бу уку елында мәктәп укучыларының 96,5 проценты кайнар аш белән тәэмин ителгән. ТР мәгариф һәм фән министры урынбасары Алсу Әсәдуллина ТР Мәгариф һәм фән министрлыгы каршындагы Иҗтимагый совет утырышында шулай дип белдерде.

(Казан, 28 февраль , «Татар-информ»). 2020 елның 2 февралендә үз көченә кергән Европа берлеге виза кодексын үзгәртү белән бергә, туристлык максатыннан Австриягә баручыларны да кертеп, барлык төркем кешеләр өчен күп тапкырлы виза бирү мөмкинлеге барлыкка килде. Бу хакта Австриянең Мәскәүдәге илчесе Йоханнес Айгнер РИА Новостига интервьюсында белдерде.

(Казан, 28 февраль, «Татар-информ»). Нәтиҗәлелекне арттырырга, эшнең яңа формаларын табарга, проблемаларны тикшергән вакытта формальлектән качарга – ТР Дәүләт Советы Рәисе Фәрит Мөхәммәтшин эксперт советы алдына әнә шундый бурычлар куйды. Бүген парламентның эксперт советлары рәисләре һәм профиль комитетлары җитәкчеләре очрашуы узды. Бу хакта ТР Дәүләт Советының матбугат хезмәте хәбәр итә.

(Казан, 28 февраль, «Татар-информ»). Бүген «ШАЯН ТВ» телевизион блогерлары десанты Татарстан Журналистлары берлегендә Татарстан Журналистлар берлеге рәисе, ТР Дәүләт Советы депутаты, «Яңа гасыр» телерадиокомпаниясе генераль директоры Илшат Юныс улы Әминов белән очрашты, дип хәбәр итә каналның матбугат үзәге.

(Казан, 28 февраль, «Татар-информ»). Бүген Казанда «Татнефть» акционерлык җәмгыятенең директорлар советы утырышы узды. ТР Президенты Рөстәм Миңнеханов гыйнвар аенда компания бюджетының үтәлеше нәтиҗәләре турында доклад тыңлады, шулай ук 2019 елда инвестиция программасын финанслау турында мәгълүмат тәкъдим ителде. Бу хакта ТР Президентының матбугат хезмәте хәбәр итә.

(Казан, 28 февраль, «Татар-информ», Наталья Рыбакова). Казанда алдагы ункөнлектә җылылык аномалиясе сигез градус тәшкил итәчәк. 8 мартка кадәр шундый һава торышы фаразлана. Бүген профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев «Татар-информ» агентлыгына шулай дип белдерде.

(Казан, 28 февраль, «Татар-информ», Энҗе Габдуллина). Тарихчы Илнар Гарифуллин «Татарстан — Яңа Гасыр» телеканалында баручы «Таяну ноктасы» тапшыруында татарларның СССР заманында милләтләрен яшерергә тырышу сәбәпләрен барлык начар әйберне татар белән бәйле дип аңлатуда икәнен әйтте.

(Казан, 28 февраль, «Татар-информ»). Татарстан Республикасы РФ Президентының «2024 елга кадәрге чорга Россия Федерациясен үстерүнең илкүләм максатлары һәм стратегик бурычлары турында»гы указы контекстында Россия төбәкләренең телгә алынуы буенча медиарейтингның беренче баскычында урнашты. Рейтингны «Медиалогия» компаниясе әзерләгән.

(Казан, 28 февраль, «Татар-информ», Гөлүзә Ибраһимова). Татарстанның барлык мәктәпләре өчен бердәм, башлангыч мәктәп балалары өчен түләүсез булган меню эшләнелгән. Бу хакта ТР Мәгариф һәм фән министрлыгының Иҗтимагый советында ведомствоның министр урынбасары Алсу Асадуллина хәбәр итте.

(Казан, 28 февраль, «Татар-информ», Энҗе Габдуллина). Тарихчы Илнар Гарифуллин «Татарстан — Яңа Гасыр» телеканалында баручы «Таяну ноктасы» тапшыруында татар милләте турында яңа мифлар уйлап табарга кирәк дигән фикер белән чыкты.

(Казан, 28 февраль, «Татар-информ», Гөлүзә Ибраһимова).Татарстанда һөнәри белем бирү буенча заманча инфраструктуралы алты яңа ресурс үзәге ачылган. Бу хакта ТР Мәгариф һәм фән министрлыгының Иҗтимагый советында ведомствоның урта һөнәри белем бирүне үстерү бүлеге башлыгы Любовь Митрофанова белдерде.

Яңа төр коронавирус дөньяның 50 дән артык иленә үтеп керде. Авыруның таралуы дөньяда икътисади активлыкны акрынайта, моңа бәйле рәвештә нефть бәяләре төшә.

(Казан, 28 февраль, «Татар-информ», Артур Шипилов). Татарстан Республикасы Президенты Рөстәм Миңнеханов Instagram социаль челтәрендәге үз сәхифәсендә «Ак Барс» хоккей клубының «Капитан Татарстан» дигән бәйгесен хуплады.

(Казан, 28 февраль, Татар-информ). Башкортстан Республикасы Иҗтимагый палатасы «Әтиләр батырлыгы» иҗтимагый бүләген булдырды. Бу хакта «Башинформ» агентлыгы хәбәр итә.

(Казан, 28 февраль, «Татар-информ», Гөлүзә Ибраһимова). 2019 елда балалар бакчалары өчен яңа урыннар булдыру планы ун процентка арттырып үтәлгән. Бу хакта ТР Мәгариф һәм фән министрлыгының Иҗтимагый советында ведомствоның мәктәпкәчә белем бирү бүлеге башлыгы Эльвира Измайлова белдерде.

Ученики городской школы №4 Сергей Леонтьев, Ильшат Рахматуллин, Серафим Антонов, Кирилл Абрамов и Кирилл Вассунов стали участниками и призерами Первенства РТ по кекусинкай-каратэ, которое прошло во Дворце спорта «Батыр» города Казани.

(Казан, 28 февраль, «Татар-информ», Гөлнар Гарифуллина). Этнолог, тарих фәннәре докторы Дамир Исхаков Пермь өлкәсендә башкортларның каян килеп чыгуын аңлатты. Галим башкорт дип язылучылар бигрәк тә Барда районында күп булуын әйтте. Бу хакта ул «Яңа гасыр» телеканалында «Татарлар» тапшыруында сөйләде.

Вчера ученики Нурлатской гимназии, члены отряда юных пожарных выступили перед воспитанниками Центра развития ребенка.

В тройку лидеров входят Нижегородская область и Краснодарский край.

(Казан, 28 февраль, Татар-информ, Егор Никитин). Татарстан Президенты Рөстәм Миңнеханов «Татнефтехиминвест-холдинг»ның директорлар советы утырышын үткәрде. Утырышта катнашучылар алдында нефть химиясе, биотехнология һәм белем бирү тармаклары вәкилләре чыгыш ясады.

(Казан, 28 февраль, «Татар-информ», Гөлүзә Ибраһимова). Республиканың 78 белем бирү оешмасы полицияне ашыгыч чакырту өчен экстрен сигнализация төймәләре белән әлегә тәэмин ителмәгән. Бу хакта ТР Мәгариф һәм фән министрлыгы каршындагы Иҗтимагый советның киңәйтелгән утырышында мәгариф объектларының капиталь төзелешен һәм ремонтын техник күзәтү бүлеге башлыгы Айрат Әхмәдишин белдерде.

Синҗан егете Шәһризат Шәүкәткә карата Казанның Авиатөзелеш районы мәхкәмәсе чыгарган карар көчендә кала. Егеткә Русиядә вакытлыча сыену бирелмәскә мөмкин.