Новости за 03.07.2025

Кукмараның оешма-предприятиеләре, олы йөрәкле райондашларыбыз махсус хәрби опреациядә катнашучыларга булышуларын дәвам итә. Гуманитар йөк төягән машиналар әледән-әле олы сәфәргә кузгала. Бүгенге көндә «Магистрат» оешмасының агач материаллары эшкәртү цехы янындагы территориясендә дә шундый зур әзерлек эшләре бара: егетләр йөк машинасына төзелеш материаллары төйи. Бу хакта «Хезмәт даны» сайтында Ризилә Корбанова яза.

Россия Тышкы эшләр министрлыгы рәсми рәвештә Әфганстан Ислам Әмирлеген тануын раслады. Бу хакта ТАСС хәбәр итә.

Телефон мошеннигы шалтыраткан очракта телефонны куярга кирәк. Аферистны мыскылларга ярамый – бу куркыныч булырга мөмкин. Бу хакта RT басмасына Россиянең атказанган юристы Иван Соловьев сөйләде, дип яза «Российская газета».

Казанда 5 июльдә «Җиңүдән Җиңүгә!» бөтенроссия спорт-патриотик эстафетасы узачак. Чара Бөек Ватан сугышында Җиңүнең 80 еллыгына багышлана. Катнашучылар 1418 метр дистанциягә йөгерәчәк. Бу 1941-1945 еллардагы сугышның көннәре һәм төннәре санын символлаштыучы дистанция.

Бүген Казаннан махсус хәрби операция зонасына гуманитар ярдәм партиясе җибәрелде.

Бүген ТР буенча эчке эшләр министры Дамир Сатретдинов Дәүләт автоинспекциясе хезмәте оешуга 89 ел тулуга багышланган тантаналы киңәшмәдә катнашты. Ведомство башлыгы республиканың иң яхшы автоинспекторларын бүләкләде.

Кичә «Тамырлар» туристлык челтәренең беренче объекты булган төрки тирмәдә тарих фәннәре докторы Искәндәр Измайловның «Алтын Урда хакиме: Идегәй – легендар кеше» лекциясендә «Миллиард.Татар» командасы «Идегәй» дастаны яздырылган диск тәкъдим итте. Бу хакта «Миллиард.Татар» хәбәр итә.

Россия Президенты Владимир Путин «Яңа заман өчен көчле идеяләр» стратегик инициативалар агентлыгы форумының пленар утырышы барышында авыл хуҗалыгы тармагы вәкилләренә, шулай ук муниципалитетлар һәм Федерация субъектлары башлыкларына мөрәҗәгать итте һәм урман ресурсларына сакчыл карарга чакырды. Аның сүзләрен РИА Новости китерә.

Мәскәүдә Милләтара мөнәсәбәтләр һәм дини берләшмәләр белән хезмәттәшлек советы утырышы узды. Төп игътибар Россия халыкларының этномәдәни һәм тел төрлелеген саклау мәсьәләләренә бирелде. Бу хакта ТР Дәүләт Советы матбугат хезмәте хәбәр итә.

Төмәндә чыгучы «Яңарыш» газетасында Рәүфә Кангазинаның гармунчы егет Салават Сәитов турындагы «Тамашачылар мәхәббәте»н яулады» дигән язмасы чыкты.

«Ирекле агым» проекты нәтиҗәсендә Казансу елгасының гидрологик характеристикалары яхшырган. Бу елга туризмын үстерүгә ярдәм итә. Бу хакта бүген «Татар-информ»да узган матбугат конференциясендә ТР экология һәм табигый байлыклар министры урынбасары Ольга Манидичева хәбәр итте.

Россия Президенты Владимир Путин «Яңа заман өчен көчле идеяләр» стратегик инициативалар агентлыгы форумының пленар сессиясендә катнашучыларны күп балалы традицион гаиләне популярлаштыруга ярдәм итәргә чакырды. Аның сүзләрен ТАСС китерә.

Татарстанда быел Зөя утрау-шәһәренә мультимодаль маршрут оештырырга планлаштыралар. Ул транспортның өч төрен – электричка, автобус һәм теплоходны берләштерәчәк. Бу хакта бүген журналистларга «Содружество» шәһәр яны пассажир компаниясенең маркетинг секторы башлыгы Эдуард Ионов хәбәр итте.

Берлек җыенында оешманың яңа низамнамәсе кабул ителде.

«Ирекле агым» экологик проекты кысаларында ике елда Казансу елгасыннан 800 капчык пластик җыеп алынган һәм чыгарылган. Бу хакта бүген «Татар-информ»да узган матбугат конференциясендә Татарстан Республикасындагы Рус география җәмгыяте рәисе Дмитрий Шиллер хәбәр итте.

Татарстан территориясендә «Пилотсыз очкыч һөҗүме куркынычы» режимын гамәлдән чыгадылар, дип хәбәр итә Россия гадәттән тыш хәлләр министрлыгы.

Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе хезмәткәрләре республиканың 1193 җәйге сәламәтләндерү лагерен тикшергән. 951 учреждениедә санитария законнарын бозу очраклары ачыкланган, дип хәбәр итә ведомствоның матбугат хезмәте.

Татарстан Республикасы Дәүләт Киңәшчесе һәм «Яңарыш» республика фондының Попечительләр советы рәисе Минтимер Шәймиев РФ Федераль Җыены Дәүләт Думасы депутаты Татьяна Ларионовага Татарстан Республикасы Рәисе Рәхмәт хатын тапшырды. Бу хакта ТР Рәисе матбугат хезмәте хәбәр итә.

3 – 6 июльдә Мәскәүдә көрәш буенча Дөнья Кубогы ярышлары була. Ярышларда 17 илдән йөздән артык спортчы катнашуы көтелә. Бу хакта Россия көрәш федерациясе матбугат хезмәте хәбәр итә.

5 июльдә Казансу елгасы буйлап экологик йөзү була. Маршрут Зәңгәр күл янында Урманчы бистәсеннән алып Бәллүр шарлавыкка кадәр дәвам итәчәк. Бу хакта бүген «Татар-информ»да узган матбугат очрашуында билгеле булды.

«Күрше» конкурсының Телеграм-каналында тавыш бирү башланды. Бу бәйгенең финал этабы. Әлеге этапта татарстанлылар өстәмә ике җиңүчене билгеләячәк. Җиңүчеләр приз фондының калган өлешеннән 200 мең һәм 500 мең сумга кадәр акча алачак. Быел фестивальнең приз фонды 20 миллион сум булды.

Татарстанда бүген икенче тапкыр «беспилотниклар куркынычы», Түбән Кама аэропортында «келәм» режимы игълан ителде, дип кисәтә Россия гадәттән тыш хәлләр министрлыгы.

Татарстанда үсеп килүче дала лачыннарына исем кушканнар. Бу кошлар соңгы 50 елда беренче тапкыр дөньяга килгән сирәк төрдәге лачыннар. Бу хакта республика Рәисе Рөстәм Миңнеханов Телеграм-каналында хәбәр итте.

В Татарстане 3 июля дважды активировали режим «беспилотная опасность» из-за риска атак БПЛА.

Әлмәттә «Татарстанда җәй» республика проектына багышланган «Иң яхшы түр бакча» конкурсы башланды. Бу инициативаны район башкарма комитеты җитәкчесе Гүзәл Хәбетдинова да хуплады, дип яза «Татар-информ» хәбәрчесе Эльза Кузнецова.