Новости за 03.04.2026

Татарстан сәнәгать инфраструктурасын үстерүгә федераль субсидияләрнең төп өлешен алачак. Финанслауның гомуми күләме 34,3 млрд сумнан артып китә, шул ук вакытта бөтен сумма диярлек республикага юнәлдереләчәк.

Яр Чаллыда 16 яшьлек яшүсмерне кросс мотоциклында хокуксыз йөргән өчен тоткарлаганнар.

Мәскәү мэры Сергей Собянин башкаланың баш архитекторы Сергей Кузнецовны отставкага җибәрде, дип хәбәр итә РИА Новости.

Җомга киченә 3 апрельдә «Түбән Кама Нефтехим»дагы янгыннан соң җиде кешенең үлеме расланган, тагын биш кешене эзләү дәвам итә, дип хәбәр иттеләр предприятиенең матбугат хезмәтендә.

Белоруссиянең Россия Федерациясендәге илчесе Юрий Селиверстов Татарстан Рәисе Рөстәм Миңнехановка мөрәҗәгать юллады. Анда ул «Түбән Кама Нефтехим» предприятиесендәге гадәттән тыш хәлгә бәйле рәвештә кайгы уртаклашуын белдерде.

Кичә, 2 апрель көнне, IX Бөтенроссия «Ак калфак» укучы кызлар һәм егетләр бәйгесенең йомгаклау турының беренче көне булды. Билгеле булганча, аңа кадәр ике тур үтелгән иде.100дән артык гариза килде. Финалга 3 регионнан (Татарстан Респуликасы; Самара һәм Свердловск өлкәләре); 1 чит ил – Казакъстан Республикасыннан 7 кыз һәм 7 егет узды. Җюри финалистларга төрле сораулар биреп, белемнәрен сынадылар. Татар дөньясының үткәне, гореф-гадәтләре, шөхесләре турында сөйләшу алып барылды.

Бүген, 3 апрельдә, күп балалы гаиләләрнең мөлкәтен бурычларны түләтүдән өстәмә яклауны тәэмин итә торган Федераль закон үз көченә керә, дип хәбәр итә Татарстан Юстиция министрлыгы матбугат хезмәте.

Сургут шәһәре «Кино галереясе»ндә 1 апрельдән 30 апрельгә кадәр «Татарстан киносы ае» киноакциясе уза. Чара Россия халыклары бердәмлеге елына багышланган. Бу хакта Сургут татарлары милли-мәдәни автономиясе ВКонтакте социаль челтәрендәге төркемендә хәбәр итә. Барлык фильмнар бушлай күрсәтеләчәк.

«Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында 2026 елның гыйнвар–март айларында «Сәйяр» республика балалар-яшүсмерләр театрлары фестиваленең муниципаль этабы уздырылды. Шулай ук «Тылсым театры – Театр магиясе» һәвәскәр театр коллективларының төбәкара фестиваленә йомгак ясалды, дип хәбәр итә Бөтендөнья татар конгрессы.

Дәүләт автоинспекциясендә Татарстан халкын 3 һәм 4 апрельдә булачак көчле томан турында кисәттеләр.

Белоруссия һәм Россиянең фәнни җәмәгатьчелеге вәкилләре Татарстан Республикасы Дәүләт Советында булды. Алар парламент эшчәнлеге белән танышты, дип хәбәр иттеләр Татарстан Республикасы Дәүләт Советы матбугат хезмәтендә.

2026 елның I кварталында Татарстан башкаласы аэропортында халыкара пассажирлар агымы 31 процентка артты – 295 413 авиапассажирдан 387 090 га кадәр. Бу хакта Татарстан таможнясы матбугат хезмәте хәбәр итә.

Fashion Iftar проекты авторы Җәннәт Минһаҗева кураторлыгындагы «Җеп» күргәзмәсе 5 апрельгә кадәр озайтылган. Бу – Татарстан Республикасы Милли музееның Җәннәт Минһаҗева белән беренче хезмәттәшлек тәҗрибәсе.

Россия Президенты Владимир Путин видеоэлемтә аша РФ Куркынычсызлык советының даими әгъзалары белән оператив киңәшмә үткәрде. Бу хакта Кремль матбугат хезмәте хәбәр итә.

Татарстан мәдәният министры Ирада Әюпова «Төбәк дәрәҗәсендәге идарәче» номинациясендә мәдәният өлкәсендә идарәчеләр өчен Милли премия лауреаты булды.

Су-30 самолеты Кырымда укыту-күнекмә очышын башкарганда һәлакәткә очрый. Бу хакта РФ Оборона министрлыгында хәбәр иттеләр, дип яза ТАСС.

Бүген «Нәфис» хәйрия фонды Татарстан Республикасы мөселманнары Диния нәзарәте һәм Иран Ислам Республикасы Баш консуллыгы белән берлектә Иранга ашыгыч гуманитар йөк туплап җибәрде. Иран берничә атна дәвамында АКШ һәм Израиль тарафыннан көчле ракета һөҗүмнәренә дучар ителә.

Казанда 2 май көнне «Елмай» балалар паркында «Бәләкәч-фест» дип аталган балалар арбасы фестивале уздырыла. Катнашучыларның барысы өчен дә истәлекле бүләкләр һәм бай эчтәлекле бәйрәм программасы әзерләнә.

6 апрельдә 18:00 сәгатьтә Татар китабы йортында «Инсан» музыкаль-әдәби композициясе узачак. Бу хакта Татар китабы йортының Вконтакте социаль челтәрендәге сәхифәсендә хәбәр ителә.

Күпчелек белгечләр диалектның чынлыкта әдәби татар теле булуын әйтеп килә. Шулай да, аны яклаучылар да бар.

Төмәндә ел саен үткәрелә торган «Тоталь диктант» бөтендөнья белем бирү акциясе кысаларында себер татар телендә диктант язачаклар. Биредә акция 30дан артык мәйданчыкта узачак. Бу хакта «Себер татарлары милли-мәдәни автономиясе» ВКонтакте социаль челтәрендәге төркемендә хәбәр итә.

6– 20 апрельдә Казан халкы тузган автомобиль шиналарын тапшыра ала. Алар соңрак эшкәртү нокталарына җибәреләчәк. Шиналарны җыю өчен шәһәрнең барлык районнарына махсус кызгылт сары контейнерлар куела, дип хәбәр итә Казан мэриясе матбугат хезмәте.

1 апрельдә Уфаның 65 нче татар гимназиясендә «Заһитов көннәре» республика фәнни-гамәли конференциясе узды. Рейхстагка Җиңү байрагын кадаган Гази Заһитовның якты истәлегенә багышланган чарада республиканың төрле шәһәр һәм районнарыннан мәктәп укучылары һәм укытучылар катнашты, дип хәбәр итә Татарстан Республикасының Башкортстан Республикасындагы Даими вәкиллеге матбугат хезмәте.

За 15 лет площадь благоустроенных общественных пространств увеличилась в пять раз

2026 елда Казанның биш җәмәгать киңлеге төзекләндереләчәк.