Новости за 30.04.2026

Россия Театр эшлеклеләре берлегенең 150 еллыгына багышланган тантаналар кысаларында 12 һәм 13 июньдә Казанга «Театр поезды» киләчәк. Бөтенроссия проекты Россия Федерациясе Мәдәният министрлыгы һәм Президентның Мәдәни инициативалар фонды ярдәмендә гамәлгә ашырыла. Бу хакта ТР Мәдәният министрлыгы хәбәр итә.

Иртәгедән Казанның зооботаника бакчасы яңа эш режимына күчә. Хәзер бирегә килүчеләрнең кошлар һәм хайваннарны күзәтү өчен өстәмә вакыты булачак – учреждение кичке сигезгә кадәр ачык була. Бу хакта Казан мэриясе матбугат хезмәте хәбәр итә.

Екатеринбург татарлары татар камыр ризыкларына багышланган мастер-класска җыелдылар. Бу хакта Бөтендөнья татар конгрессы матбугат хезмәте хәбәр итә.

Татарстанда бүгенгә 40 мең гектардан артык мәйданда сабан культуралары чәчелде. Бу хакта Казанда журналистларга Татарстан Республикасы Авыл хуҗалыгы һәм азык-төлек министры Марат Җәббаров хәбәр итте.

Агымдагы елның 4 маеннан 20 июненә кадәр Бөтендөнья татар конгрессы тарафыннан Татарстан Республикасы Мәгарифне үстерү институты белән берлектә Россия халыкларының бердәмлеге елы һәм Бөтендөнья татар конгрессы Милли Шурасы игълан иткән Габдулла Тукай елына багышланган Бөтенроссия «Апуш» дәрестән тыш чаралар методик эшләнмәләре бәйгесе уздырыла. Бу хакта Бөтендөнья татар конгрессы хәбәр итә.

Җәяүлеләргә күлләвекләрдән су сибүче машина йөртүчеләргә шартларга карап административ яки җинаять җаваплылыгы яный ала. Бу хакта РФ Иҗтимагый палатасының закон проектларына һәм башка норматив актларга иҗтимагый экспертиза комиссиясе әгъзасы Евгений Машаров хәбәр итте.

Чувашия мөселманнары Диния нәзарәтенең Чабаксар шәһәрендәге «Болгар» Җәмигъ мәчетенең күпфункцияле залында җылы һәм бик мөһим акция узды.

Казанда яшәүче тыл хезмәтчәне Таисия Ивановна Архипова 95 яшен билгеләп үтте. Бу хакта ТР Хезмәт министрлыгы матбугат хезмәте хәбәр итә.

Габдулла Кариев исемендәге Казан Татар дәүләт яшь тамашачы театры директоры Илнур Ганиев татар профессиональ театрына нигез салучы, бөек режиссер һәм актер Габдулла Кәриевның тууына 140 ел тулу уңаеннан оештырылган матбугат очрашуында башкалада аңа һәйкәл кую планлаштырылганлыгы хакында әйтте.

Ижевск шәһәрендә «Театрлы Идел буе» балалар һәм яшьләр театр коллективлары фестиваленә йомгак ясалды. Татарстан данын яклап чыгыш ясаган «Апуш» студиясе берьюлы өч номинациядә: «Иң яхшы балалар спектакле», «Иң яхшы режиссер эше» һәм «Иң яхшы сәнгать бизәлеше» буенча җиңүче булган.

Бүген махсус хәрби операция зонасына Татарстаннан татар токымлы сигез ат җибәрелә. Татарстан Премьер-министры урынбасары – авыл хуҗалыгы һәм азык-төлек министры Марат Җәббаров журналистларга билгеләп узганча, махсус операциядәге егетләргә булдыра алганча ярдәм итү максаты тора. Хәрбиләргә ярдәм йөзеннән сигез атлык беренче партия февральдә киткән булган.

Дагыстан Башлыгы Сергей Меликов республикадагы эшен төгәлли. Бу хакта Россия Президенты Владимир Путин хәбәр итте, дип хәбәр итә ТАСС.

Татарстан башкаласында кыштан соң фонтаннар эшен торгызу чаралары башланды. Шәһәрдә беренче булып Кремль яр буендагы фонтаннар эшли башлады. Бүген шулай ук Идел буе районында урнашкан Дан скверындагы фонтан объекты да сафка баса.

Пермь шәһәрендә «Пермь талантлары» XXI татар-башкорт халык иҗаты фестиваленең гала-концерты узган. Бу хакта Пермь шәһәре милли-мәдәни автономиясе хәбәр итте.

Түбән Камада яшәүче хатын-кыз аңа ялган җитәкче язганнан соң 280 мең сум тирәсе югалткан.

Май башында, айның беренче көннәрендә үк булмаса да, Татарстанда температура фонының сизелерлек күтәрелүе көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Габдулла Кариев исемендәге Казан Татар дәүләт яшь тамашачы театры татар профессиональ театрына нигез салучы, бөек режиссер һәм актер Габдулла Кариевның тууына 140 ел тулу уңаеннан зур бәйрәм чаралары әзерли. Бу хакта театр директоры Илнур Гайниев «Татар-информ»да узган матбугат очрашуында хәбәр итте.

Икътисадчы Василий Колташов «Татар-информ» агентлыгына белдергәнчә, бүген нефть бәясенең артуы ситуатив характерга ия, алга таба котировкалар бер баррель өчен 90-95 доллар дәрәҗәсенә кадәр төшәргә мөмкин.

«Бердәм Россия» партиясенең Татарстан төбәк бүлеге инфраструктураны торгызу һәм республика шефлыкка алган Лисичанск һәм Рубежное шәһәрләрендә яшәүчеләргә, шулай ук махсус хәрби операциядә катнашучыларга 165 тонна гуманитар ярдәм китерде. Ун машина партиянең гуманитар үзәгенә килде, анда делегацияне Татарстан вице-премьеры Ринат Садыйков һәм шәһәр җитәкчеләре каршы алды, дип хәбәр итә партиянең матбугат хезмәте.

Пермь крае Орда муниципаль округы Иске Авыл мәдәният йортында Габдулла Тукайның 140 еллыгына багышланган шигърият бәйрәме узган. Бу хакта Пермь крае татарлары милли-мәдәни автономиясе хәбәр итте.

Татарстанның Мамадыш районында 2026 елның 4 маеннан төбәк әһәмиятенә ия Мамадыш – Теләче автомобиль юлында транспорт хәрәкәте вакытлыча чикләнә. Бу хакта республика Транспорт һәм юл хуҗалыгы министрлыгы матбугат хезмәтендә хәбәр иттеләр. Чикләү трассаның 14нче чакрымыннан 25,8нче чакрымына кадәрге участогында капиталь ремонт үткәрү белән бәйле. Хәрәкәт 2026 елның 20 ноябренә кадәр ябылыр дип көтелә.

Татарстан Дәүләт автоинспекциясе май бәйрәмнәрендә көчәйтелгән режимда эшләячәк. Бу хакта ведомствода хәбәр иттеләр. Автоинспекторлар юл хәрәкәте кагыйдәләрен тупас бозу очракларын ачыклау һәм булдырмауга аерым игътибар бирәчәк.

2027 елда Татарстанда Яңа ел бәйрәмнәре 11 көн дәвам итәчәк. Бу хакта РФ Хезмәт һәм социаль яклау министрлыгы хәбәр итә.

Бүген Казанның «Синема 5» кинотеатрында премьера - «Ну, Кәрим» вертикаль сериалының беренче сериясе тәкъдим ителде.

Марий Элда беренче тапкыр Республика татар эшмәкәрләре форумы узган. Чара төбәк эшмәкәрләрен, экспертларын һәм иҗтимагый лидерларын берләштергән. Форум бизнес вәкилләре өчен аралашу, тәҗрибә алмашу һәм эшлекле элемтәләрне ныгыту өчен масштаблы мәйданчык булган. Бу хакта Марий Эл татарлары милли-мәдәни автономиясе хәбәр итте.