Новости за 29.04.2026

Татарстан Рәисе Рөстәм Миңнеханов республика алдынгыларына Россия Федерациясе һәм Татарстан дәүләт бүләкләрен тапшырды, дип хәбәр иттеләр Рәиснең матбугат хезмәтендә. Тантана Казан Кремлендә 1 Май һәм 9 Май Җиңү көнен бәйрәм итүгә багышланган иде.

Россиядә вокзалларда, портларда һәм аэропортларда ана һәм бала бүлмәләре өчен бердәм стандарт эшләнәчәк, дип хәбәр итә Объясняем.РФ рәсми мәгълүмат порталы. Карар Дәүләт Советы утырышында кабул ителде.

Лениногорск шәһәрендә XIII «Гыйлем нуры» бәйгесе узды. Әлеге чараны ТР мөселманнары Диния нәзарәтенең Лениногорск мөхтәсибәте оештырды. Ел саен үткәрелүче бәйге мәчет каршындагы курсларда белем алучылар өчен оештырыла. Быелгы чара «Казан – ислам дөньясының мәдәни башкаласы 2026» статусы кысаларында үтте.

Татарстан Рәисе Рөстәм Миңнеханов «Динамо-Ак Барс» командасы адресына 2026 елгы Россия Кубогына турнирда җиңүләре уңаеннан котлау телеграммасы юллады. Документ «Татар-информ» карамагында бар.

Актаныш районына эш визиты белән Россия Герое, Татарстан Республикасы Хезмәт, халыкны эш белән тәэмин итү һәм социаль яклау министры урынбасары Рәсим Баксиков килде. Сәфәрнең төп темасы махсус хәрби операциядә катнашучыларны реабилитацияләү һәм эшкә урнаштыру мәсьәләләре булды.

Җиңү проспектында юл-транспорт һәлакәтендә бер кеше һәлак булган. Бу хакта «Татар-информ» га Казан Дәүләт автоинспекциясендә хәбәр иттеләр.

Җомга көнне, 1 майда, Казанның Юдино бистәсендә «Кеше приюты» хәйрия проектының яңа пункты ачыла. Биредә мохтаҗларга бушлай кайнар ризык өләшәчәкләр. Яңа нокта өчен Ильич урамы, 21 йорт адресы буенча урын бирелгән – бирегә килүчеләрне көн саен 11:00 сәгатьтән 13:00 сәгатькә кадәр кабул итәчәкләр.

Республика клиник хастаханәсендә Казанның Даурия урамындагы юл-транспорт һәлакәтендә зыян күрүчеләр турында сөйләделәр.

«Казан шәһәр филармониясе» муниципаль бюджет мәдәният учреждениесе иҗади проектлар, мюзикллар һәм шоу-программалар өчен сценарий язучылар бәйгесендә катнашуга гаризалар кабул итә. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов уникаль осталык үзәгендә булды. Ул Мәскәү урамы, 2 адресы буенча урнашкан элеккеге Үзәк универсаль кибетнең яңартылган бинасында тантаналы рәвештә ачылды, дип хәбәр иттеләр ТР Рәисе матбугат хезмәтендә.

Казан федераль университетының Филология һәм мәдәниятара багланышлар институты Идел буе федераль округының 9–11 сыйныф укучыларын һәм көллият студентларын «Милли хәзинә» халык иҗаты фестиваленә чакыра. Бу хакта Бөтендөнья татар конгрессы матбугат хезмәте хәбәр итә.

Казанның Дәүләт автоинспекциясе мотоцикл белән җиңел машина бәрелешү видеосын күрсәтте.

Татарстан мөфтияте коллективы, «Мөхәммәдия» мәдрәсәсе, Ислам динен кабул итүгә 1000 ел исемендәге мәдрәсә шәкертләре Казан шәһәренең Яңа Татар зиратында өмә оештырды. Бу хакта ТР Диния нәзарәте матбугат хезмәте хәбәр итә.

Бөек Ватан сугышы ветераннарына 1 майдан 30 июньгә кадәр шәһәр яны поездларында ташламалы йөрү мөмкинлеге биреләчәк, дип хәбәр итә «Содружество» компаниясе матбугат хезмәте.

Үзбәкстан башкаласы Ташкент шәһәре Татар иҗтимагый мәдәни-агарту үзәге инициативасы белән шәһәрдә бөек татар шагыйре һәм публицисты Габдулла Тукайның 140 еллыгына багышланган зур бәйрәм чарасы узган. Бу хакта Ташкент шәһәре Татар иҗтимагый мәдәни-агарту үзәге хәбәр итә.

Бүген Казанның «Пирамида» мәдәни-күңел ачу комплексында Татарстан Республикасы ветераннары арасында «Балкыш» («Сияние») IX Республика үзешчән башкаручылар фестивале лауреатларының Бөек Җиңүенең 81 еллыгына багышланган беренче гала-концерты башланды. Анда 27 меңнән артык өлкән яшьтәге кеше катнашты.

Бүген Татарстан Дәүләт Советында коммерцияле булмаган бакчачылык берләшмәләренә дәүләт ярдәме программасын гамәлгә ашыру мәсьәләләре буенча түгәрәк өстәл узды. Чараны уздырырга КПРФ фракциясе әгъзалары тәкъдим итте, дип хәбәр итә республика парламенты матбугат хезмәте.

Бүген Пенза өлкәсе Сосновоборск районының Индерка авылында «Бөек татар шагыйре Габдулла Тукайның әдәби мирасы» дип исемләнгән методик семинар уза. Чара «Татар мәдәнияте йөзләрдә һәм язмышларда» төбәкара мәдәни-агарту марафоны кысаларында оештырылган. Бу хакта Пенза өлкәсе татар автономиясе хәбәр итә.

Өлкән яшьтәге кешегә мондый зур төрмә җәзасын бирү сәясәт белгечләре, милли хәрәкәт активистлары "башкаларны куркыту өчен эшләнә" дип саный.

Татарстанның Яңа Чишмә районында уртача хезмәт хакы 96 мең сумга кадәр күтәрелгән. Муниципалитет башлыгы Егор Тарнавский бүген журналистларга матбугат туры барышында шул хакта хәбәр итте.

Татарстан Дәүләт Советы Рәисе вазифаларын башкаручы Марат Әхмәтов Казан аграр университетының дәүләт һәм муниципаль идарә юнәлеше буенча белем алучы студентлары белән очрашты. Очрашу «Персона» проекты кысаларында республикадагы «Бердәм Россия» Иҗтимагый ярдәм штабында узды, дип хәбәр итә ТР Дәүләт Советы матбугат хезмәте.

Төмән өлкәсендә бер ай дәвамында барган «Татар мәдәнияте көннәре» фестивале кульминацион ноктасына якынлаша. Күпмилләтле төбәкнең мәдәни тормышында якты вакыйга булган бу чара 30 апрельдә Төмән шәһәре Татар мәдәнияте үзәгендә тантаналы гала-концерт белән тәмамланачак. Бу хакта ВКонтакте социаль челтәрендәге «Себер татар дөньясы» төркеме хәбәр итә.

В Республиканской клинической больнице Татарстана стартовала масштабная модернизация. О том, как она будет проходить, «Татар-информу» рассказали в пресс-службе клиники.

Республика клиник хастаханәсендә ремонт эшләре ике этапта узачак һәм 2027 ел азагында тәмамланачак.

Казанның 125нче гимназиясе фасадында әлеге уку йортын тәмамлаган, махсус хәрби операция Герое, подполковник Михаил Ермолинга багышланган мурал барлыкка килде. Геройның портреты Дәүләт Думасы депутаты Илья Вольфсон инициативасы белән ясалган, дип хәбәр итә «Бердәм Россия»нең Татарстандагы төбәк бүлеге матбугат хезмәте.