Антон Котяков махсус хәрби операциядә катнашуны стажда исәпкә алу турында сөйләде
Махсус хәрби операциядә катнашуның бер көне стажда ике эш көне буларак исәпләнә, дип белдерде РФ хезмәт һәм социаль яклау министры Антон Котяков. Бу хакта РИА Новости агентлыгы хәбәр итә.
«Махсус хәрби операциядә катнашуның бер көне стажда ике эш көне буларак исәпләнә. Бу ташламалы иминият стажына да кагыла», - дип ачыклык кертте министр Закон чыгару советы президиумы утырышында.
Аның сүзләренчә, махсус хәрби операциядә катнашкан чор 3,6 пенсия коэффициенты буларак исәпләнәчәк. Бу – иминиятләштерелмәгән чор өчен пенсия коэффициентларының икеләтә күләме.