Новости за 04.01.2024

«Интертат» бер төркем татар артистларының «Ирония судьбы» фильмының татарча версиясен төшерүен язган иде.

Владивосток шәһәрендә яшәүче ир-ат Яңа ел кичендә сөйгән кызын подъездда вәхшиләрчә кыйный. Бу турыда Лайф.ру хәбәр итте.

Ильмира Нәгыймова Мәскәү аэропортында күңелсез хәлгә юлыккан – очып китә алмыйча, 12 сәгатьтән артык утырырга мәҗбүр булган. ««Ред винкс» авиакомпаниясе аркасында 400гә якын пассажир өчен рейс тоткарланды. Инде 12 сәгать утырабыз. Гафу үтенеп, авиакомпания пассажирларга 18 сентябрьдә җитештерелгән ризык тәкъдим итте. Әмма барысына да түгел. Мин дә шулар арасында», – дип язган Нәгыймова үзенең сторисларына.

Татарстандагы дәүләт мәгълүмат чараларын берләштергән «ТАТМЕДИА» акционерлык җәмгыяте һәм Абхазиядәге матбугатны, сайтларны берләштергән «Апснымедиа» арасында тәҗрибә уртаклашу турында килешү төзелгән иде. «Апснымедиа» вәкилләре Казанда булып кайтканнан соң, ноябрь азагында Татарстан да үз делегациясен Сухумга юллады. «Интертат»та – сәяхәтнамә.

31 декабрь көнне Уфа-Инзер-Белорет трассасының 175 нче километрында Олы елга авылы янында коточкыч авария була. Биредә 3 кеше үлә. Бу турыда «Башинформ» хәбәр.

Канны бармактан алу (капилляр кан) һәм венадан алу (веноз кан) процесслары аерым үзенчәлеккә ия, һәм аларны, канны тикшерү максатына бәйле рәвештә, төрле медицина очракларында башкаралар. Бу турыда фактлар сайтында язылган.

Казанда яшәүче популяр блогер, «Ак Барс» матчларын алып баручы, «Аляска» буларак танылган Алия Мәһдиева-Рәҗәпова әни булган. Бәби дөньяга бүген – 4 гыйнвар көнне аваз салган.

5 гыйнварда Татарстанда аномаль салкын һава торышы саклана. Көн аязучан-болытлы була. Төнлә урыны белән кар явачак. Көндез явым-төшемнәрсез. Кайбер районнарда томан төшәчәк. Төньяк-көнбатыштан уртача тизлектә җил. Төнлә һәм иртән һава температурасы -20..-25˚, аязганда -28˚, көндез -16..-21˚ градус. Юлларда бозлавык.

4 гыйнварда Татарстанда аномаль салкын һава торышы көтелә. Көн болытлы була. Төнлә һәм көндез кар явачак. Төнлә һәм иртән урыны белән буран була. Көньяк-көнбатыштан, төньяк-көнчыгыштан 5-10 метр тизлектә, төнлә урыны белән 14 метр тизлектә көчле җил. Төнлә һәм көндез һава температурасы -18..-23˚, көнчыгыш районнарда -11..-16˚ градус. Юлларда кар көртләре һәм бозлавык.

Ринат Рахматуллинның җәза срогын кайда үтәве билгеле булды. Җырчы Яңа елны Мамадыш (Дегетле) колония-поселениесендә каршылаган. Бу хакта «Нократ» газетасы сайты яза.

Рамил хәзрәт Юнысның «Сак булыгыз: сихер» вәгазен тәкъдим итәбез.

Балык Бистәсе халык театрының әйдәп баручы 37 яшьлек артисты Азат Закиров вафат булган. Бу хакта район мәдәният йортының «ВКонтакте» челтәрендәге сәхифәсендә хәбәр ителә.

«Акчарлак» газетасы Татарстан һәм Башкортстанның халык артисты Фидан Гафаровта кунакта булган. Журналист Альбина Гайнуллина күренекле артистка пафос һәм ихласлык турында сорау биргән.

Стресс – төрле факторларга организмның физиологик яки психологик реакциясе ул. Әлеге факторлар кешегә йогынты ясый һәм янау булып тоела яки физик, эмоциональ яки психологик көчәнеш барлыкка китерә. Бу турыда Фактлар сайтында язылган.

Свердловск өлкәсендә 14 яшьлек үсмер салкында өшеп үлгән. Моңа кадәр ул сөйгән кызы белән талашкан булган. Баланың мәетен 30 декабрьдә тапканнар. Бу турыда «Комсомольская правда» хәбәр итте.

Ришат Фазлыйәхмәтов үзенең иң зур хыялы тормышка ашуы турында сөйләгән. Җырчы остазы Салават Фәтхетдинов белән уртак концерт куя.