Новости за 11.01.2024

Алмаз Мирзаянов социаль челтәрдәге сәхифәсендә сорауларга җавап биргән. «Журналист булсагыз, миңа нинди кызык сораулар бирер идегез?» – дип, үзенчәлеклерәк сораулар җибәрергә тәкъдим иткән. Сораулар төрле.

Башкортстанда балигъ булмаган үсмергә машина саткан кешене эзлиләр. Үсмер – Россия чемпионы, 16 яшьлек егет, авариядә һәлак булган. Үсмер машинаны Уфада алган, Октябрьскига кайткан чакта, ул сүнеп калган. Ата-анасы бу хәлне белмәгән. Бу турыда ЮХИДИга сылтама белән «Башинформ» хәбәр итте.

Ләйсән Гыймаева социаль челтәрдәге сәхифәсендә хейтерларга зарланып алды, аларның суд белән янаулары артистның ачуын китергән.

Актаныш районында махсус хәрби операциядә һәлак булган тагын бер хәрби – Такталачык авылыннан Азат Тимеров белән хушлаштылар. Матәм митингы мәрхүмнең туган нигезендә үткән. Хушлашу чарасында район башлыгы Ленар Зарипов, ТР Дәүләт Советы депутаты Альберт Хәбибуллин, хәрбинең якыннары, күп санлы авылдашлары катнашты, дип яза «Актаныш хәбәр» телеграм-каналы.

Гаагада Берләшкән Милләтләр Оешмасының Израильгә карата Халыкара суды башланды. Көньяк Африка Республикасы Израильне Газа секторында геноцид ихтималында гаепли. Бу хакта «База» телеграм-каналы яза.

Бер төркем блогерлар, аудиторияләрен җанландырып җибәрү һәм арттыру максатыннан булса кирәк, бер-берсенә төрле биремнәр үтәргә тәкъдим иткәннәр. Әйтергә кирәк, биремнәр шактый сәер, алар блогерларны уңайсыз хәлдә калдыра.

Мар Гальсеран Испаниядә Даун синдромлы беренче парламентарий буларак тарихка керде. Валенсиянең төбәк ассамблеясенә сайланганнан соң, 45 яшьлек Гальсеран үзен инвалид буларак кына түгел, ә шәхес буларак та кабул итүләрен теләвен әйткән. Бу хакта «Российская газета» яза.

Гүзәл Уразова гаиләсе, Яңа ел каникулларын дәвам итеп, Таиландка ялга китте. Җырчы социаль челтәрләрдә җылы як һавасының аллергиядән интегүче кызы Арианага аеруча килешүе хакында сөйләгән.

Россия президенты Владимир Путин кибетләрдә йомырка юкка чыгуын халыкның кереме арту белән аңлатты. Бу хакта ул Ерак Көнчыгышта эшмәкәрләр белән очрашу вакытында белдерде.

12 гыйнварда Татарстанда аномаль салкын, болытлы һава торышы саклана. Төнлә кар явачак. Көндез урыны белән бераз кар ява. Кайбер районнарда буран була. Көньяктан, төньяк-көнбатыштан төнлә 8-13, урыны белән 15-20 метр, көндез 16 метр тизлектә көчле җил. Төнлә һава температурасы -16..-21˚, көндез -11..-16˚ градус. Юлларда бозлавык, урыны белән кар көртләре.

Эквадорда җинаятьчелек вазгыяте кискенләшкәч, Джокер һәм Бэтмен костюмы кигән, коралланган ир-атлар пәйда булган. Җирле телеканалларның берсе косплейлардан хәтта интервью да алган. Бу видео социаль челтәрләрдә таралган, дип яза «360» сайты.

Зөлфирә Шәйдуллина-Мирзаянова социаль челтәрдәге сәхифәсендә әтисен искә алган һәм аңа багышлап җырлаган видеосын куйган.

Чаллы татар дәүләт драма театры актеры, Татарстанның атказанган артисты Рафил Сәгъдуллин белән Рузилә Мөхәммәтова интервьюсы.

Рус эстрадасы җырчысы Марина Хлебникова 3нче төркем инвалидлар исәбенә алынган. Артистның ревматоидлы артрит чире бар икән. Ул 2024 ел башыннан инвалидларга каралган ташламалар ала башлаячак, дип яза «Shot» телеграм-каналы.

«Туган тел» телеканалындагы «Сер итеп кенә» тапшыруында Татарстанның һәм Башкортстанның халык артисты Фидан Гафаров никахсыз туган кызы турында ачылып сөйләгән. Фидан Гафаров 60 яшендә яшь әти булган.

Новосибирск шәһәрендә мәктәп укучысын кибеттәге туңдыргычка бикләп калдырган хезмәткәрне хөкем иттеләр. Бу турыда «Комсомольская правда» яза.

Азат Фазлыевның «Әйтсәң иде дөресен» җыры музыкаль мәйданчыкларга чыкты.

Шушы көннәрдә Ильмира Нәгыймова Шри-Ланкада ял итә. Бу якларның матур табигате белән хозурланып йөргән арада ул җирле музыкантларның татарча көй уйнавына сокланган.

Дәүләт Торак фондының Арча станциясендәге элеккеге аяк киеме фабрикасын мохтаҗларга мәҗбүри сатарга теләве хакында язган идек. Бу уңайдан җинаять эше ачылды. «Интертат» мәсьәләгә ачыклык кертүен дәвам итә.