Жаночы марш у Менску, вываз у Польшчу Кавальковай, арыштаваныя топ-мэнэджары IT-кампаніі PandaDoc. Найважнейшае за 5 верасьня
Сёння перасталі працаваць сайты Беларускай гандлёва-прамысловай палаты і грамадскага аб’яднання «Белая Русь»
Ініцыятыўная група руху «Белыя Халаты» падрыхтавала дакумэнты для рэгістрацыі грамадзкага аб’яднаньня супрацоўнікаў аховы здароўя, а таксама статут аб’яднаньня.
Вялікая група жанчын зноў накіравалася да плошчы Незалежнасьці. Плошча была ачэпленая АМАПам, які спрабаваў не пусьціць туды жанчын, але жанчыны прарвалі ачапленьне і прыйшлі на плошчу.
Актывісты заклікалі ўладу Беларусі вызваліць палітвязьняў і спыніць гвалт і перасьлед удзельнікаў пратэстаў.
Сьвятлана Ціханоўская ў прамым эфіры адказала на пытаньні беларусаў. Падчас трансьляцыі яна зьняпраўдзіла чуткі пра раскол у шэрагах аб’яднанага штабу і Каардынацыйнай рады.
У Чырвоным касьцёле Менску вернікі ўсіх канфэсій сабраліся на імшу «за ўсіх церпячых у вязьніцах, за тых, хто зьнік у апошні час у Беларусі».
Ініцыятыва Protect Belarus працягне дапамагаць супрацоўнікам сілавых ведамстваў, якія страцілі працу, бо «адмовіліся выконваць злачынныя загады».
Расейскія сацыяльныя сеткі сьмяюцца над гутаркай Ніка і Майка. Фэдэральныя тэлеканалы асьвятляюць падзею ў іншым ключы.
5 верасьня ў навінах на тэлеканале СТВ паказалі відэазвароты былых вядоўцаў дзяржаўных тэлеканалаў Дзяніса Дудзінскага і Дзьмітрыя Кахно, якія цяпер адбываюць 10-суткавы арышт.
У «перахопленай размове» пра Навальнага загадкавых Ніка і Майка выявілі наяўнасьць растыражаваных «шумоў». Аўдыёзапіс прааналізаваў Леў Крылянкоў, аналітык арганізацыі «Назіральнікі Пецярбургу»
Прэзыдэнт ЗША Дональд Трамп заявіў, што ў яго няма прычын сумнявацца ў высновах ураду Нямеччыны, які вызначыў, што Аляксей Навальны быў атручаны ядам, падобным да баявога атрутнага рэчыва расейскай вытворчасьці «Навічок».
Каля Ленінскага РУУС у Менску сабраліся бацькі затрыманых 5 верасьня студэнтаў. Мэдыкі, якія дзяжураць побач, кажуць, што яшчэ ня бачылі затрыманых, але «моцна пацярпелых няма».
У камэнтары дэпартамэнту інфармацыі і друку МЗС РФ гаворыцца, што на працягу шэрагу гадоў над хімічнымі рэчывамі, якія ўваходзяць у гэтую шырокую групу, працавалі «спэцыялісты многіх заходніх краінаў і спэцыялізаваных структур NATO».
Сябра прэзыдыюму Каардынацыйнай Рады Вольга Кавалькова ўначы перайшла ўначы беларуска-польскую мяжу і знаходзіцца цяпер у Варшаве.
Запыталіся ў актыўных бацькоў, як іхныя дзеці прызвычайваюцца да новай рэальнасьці. А таксама даведаліся ў псыхоляга, як правільна размаўляць зь дзецьмі пра тое, што адбываецца ў Беларусі.
5 жніўня ў Менску затрымалі некалькіх журналістаў.
Жыхарка Жлобіну Вольга Сныткова заўважыла на брамцы свайго недабудаванага дому бутэльку з бэнзінам, абкручаную паперай і размаляванай нацысцкай сымболікай на бела-чырвоным фоне.
Урад Расеі ўвёў санкцыі супраць былога прэзыдэнта Ўкраіны, цяпер лідэра апазыцыйнай партыі «Эўрапейская салідарнасьць» Пятра Парашэнкі.
3 верасьня сябра прэзыдыюму Каардынацыйнай рады Вольгу Кавалькову асудзілі на 15 сутак арышту, не выпусьціўшы з-за кратаў пасьля папярэдняга арышту. Як яна апынулася ў Польшчы, незразумела.
«Усе гэтыя грамадзяне дэманстравалі недзяржаўную сымболіку, выкрыквалі лёзунгі. Міліцыя на гэта рэагавала», — сказала прадстаўніца ўправы ўнутраных спраў Менгарвыканаму.
Сьледчы камітэт адказаў, што зварот Каардынацыйнай рады далучылі да крымінальнай справы супраць самой рады, абмеркаваньне з прадстаўнікамі рады чаго-кольвек «немэтазгоднае».
Невядомыя паспрабавалі зьняць бел-чырвона-белы сьцяг, які вывесілі жыхары жыльлёвага комплексу «Каскад».
