Беларускія адвакаты запісалі вiдэа ў падтрымку арыштаваных юрыстаў Максіма Знака і Ільлі Салея. Яны таксама выступілі супраць парушэньня закону з боку ўлады ў дачыненьні да сваіх грамадзянаў.
Мы сабралі для вас у адным матэрыяле ўсё найважнейшае за 16 верасьня.
Расея плянуе пазычыць Беларусі $1 млрд у 2020–2021 гадах і забясьпечыць, каб Менск атрымаў яшчэ $500 млн па лініі эўразійскага антыкрызіснага фонду.
16 верасьня ў Бабруйску скончыўся суд над вэтэрынарам мясакамбінату Кацярынай Корзан, зборшчыцай подпісаў за адкліканьне дэпутата. Яе аштрафавалі за ўдзел у несанкцыянаваным мерапрыемстве.
Павал Латушка і Ігар Ляшчэня пазбаўленыя дыпляматычнага рангу Надзвычайнага і Паўнамоцнага Пасла ў сувязі са зьдзяйсьненьнем учынкаў, якія ганьбяць дзяржаўную (дыпляматычную) службу.
Увечары 16 верасьня карэспандэнт «Эўрарадыё» трапіў у Менску на інструктаж перад мітынгам прыхільнікаў Аляксандра Лукашэнкі і зьняў яго на відэа.
У Растове-на-Доне вайсковы суд прысудзіў працяглыя тэрміны зьняволеньня семярым крымскім татарам паводле абвінавачаньня ў арганізацыі дзейнасьці руху «Хізб ут-Тахрыр» і ўдзеле ў ім, а таксама паводле абвінавачаньня ў спробе гвалтоўнага захопу ўлады.
Аніматарка і ілюстратарка Юлія Рудзіцкая, вядомая сваім анімацыйным фільмам «Будзьма беларусамі», у якім гісторыя Беларусі расказвалася за пяць хвілін, ініцыявала новы праект — Animators For Belarus («Аніматары для Беларусі», або «Аніматары за Беларусь»).
У Магілёве за ўдзел у акцыях пратэсту супраць вынікаў выбараў і гвалту сілавікоў трапіў пад адміністрацыйны перасьлед 64-гадовы вэтэран Вайскова-марскога флёту Аляксандар Страх.
16 верасьня праваахоўнікі прыйшлі ў офісы групы кампаній «Белцяжмаш», якімі кіруюць бізнэсоўцы Ігар, Аляксандар і Дзьмітры Анішчанкі. Пра гэта Tut.by паведамілі тры не зьвязаныя адна з адной крыніцы.
Прэзыдэнта Міжнароднай асацыяцыі лёгкаатлетычных фэдэрацый 87-гадовага Ляміна Дыяка абвінавацілі ў атрыманьні ў 2011 годзе хабару ад Усерасейскай фэдэрацыі лёгкай атлетыкі за ўтойваньне фактаў допінгу расейскіх спартоўцаў.
Адзін зь лідэраў Каардынацыйнай рады Максім Баграцоў і сябра асноўнага складу Кааардынацыйнай рады Аксана Зарэцкая адказалі на пытаньні Свабоды і чытачоў тэлеграм-каналу і youtube-каналу Свабоды.
Раней Аляксандар Лукашэнка на сустрэчы зь міністрам абароны Расеі Сяргеем Шайгу заявіў, што зьвярнуўся да Пуціна з просьбай аб новых відах узбраеньня для ўмацаваньня бясьпекі «саюзнай дзяржавы».
Выканаўца абавязкаў прэзыдэнта Радыё Свабодная Эўропа/Радыё Свабода Дэйзі Сындэлар выступіла з заявай з нагоды арышту фотакарэспандэнтаў Аляксандра Васюковіча і Ўладзя Грыдзіна.
Свабода даведалася, што вядома пра жыхара менскай «Плошчы Перамен» — двара па Сморгаўскім тракце, 1 Сьцяпана Латыпава, на якога завялі крымінальную справу за тое, што ён ветліва прасіў невядомых у масках, якія зьнішчалі мурал, прадставіцца.
Пра затрыманьне і суд расказала маці Аляксандра — сам ён гаворыць мала і блага.
Павел Залуцкі і іншыя стэндап-комікі арганізуюць у Расеі дабрачынныя канцэрты, збор ад якіх ідзе на падтрымку пацярпелых ад дзеяньняў беларускіх уладаў.
Прадстаўнікоў страйкаму «Беларуськалію» Аляксандра Новіка і Паўла Пучэню асудзілі на 10 сутак арышту па абвінавачаньні ва ўдзеле ў недазволеным масавым мерапрыемстве.
Эўрапейскі суд па правах чалавека разглядае хадайніцтва на прадастаўленьне забесьпячальніцкіх мераў у дачыненьні да Віталя і Ўладзіслава Кузьнечыкаў, якія шосты дзень знаходзяцца на тэрыторыі амбасады Швэцыі ў Менску.
У Беларусі за пагрозы і абразы ў дачыненьні да супрацоўнікаў міліцыі з 9 жніўня па 14 верасьня распачата 43 крымінальныя справы, паведамляе Міністэрства ўнутраных спраў.
Кабінэт міністраў Украіны 16 верасьня закрыў пункт пропуску «Новыя Ярылавічы» на мяжы зь Беларусьсю ў Чарнігаўскай вобласьці, дзе назьбіралася больш за паўтысячы габрэйскіх паломнікаў-хасідаў, і заклікаў Менск «не даваць ім надзею» на тое, што іх пусьцяць ва Ўкраіну.
16 верасьня сьледчыя прад'явілі Марыі Калесьнікавай абвінавачваньне па ч.3 ст.361 Крымінальнага кодэксу Беларусі.
Фанаты салігорскага «Шахтара» абвясьцілі, што праз апошнія падзеі ў Беларусi спыняюць падтрымку каманды на сэктары, а таксама «абнуляюць» любую агрэсію ў бок ультрас іншых клюбаў.
Кіраўнік Беларусі Аляксандар Лукашэнка 16 верасьня заявіў, што ведае пра «сапраўдныя задумы і тактыку зьнешніх нават не апанэнтаў Беларусі, а агрэсараў», якія рыхтаваліся да цяперашніх падзей на працягу апошніх 10 гадоў, паведамляе БЕЛТА.
Ватыканская L’Osservatore Romano прысьвяціла адмысловы артыкул падрабязнасьцям чатырохдзённага візыту сакратара па адносінах Сьвятога Пасаду зь дзяржавамі, архібіскупа Пола Рычарда Галахера ў Беларусь.
