Судзяць фотакарэспандэнтаў, прыляцелі расейскія дэсантнікі, сотні хасідаў у беларускай пастцы. Найважнейшае за 15 верасьня
Мы сабралі для вас у адным матэрыяле ўсё найважнейшае за 14 верасьня.
Мы сабралі для вас у адным матэрыяле ўсё найважнейшае за 14 верасьня.
Упершыню Гішпанія афіцыйна асуджае рэжым генэрала Франка і забараняе «любыя спробы апраўдваць ці хваліць франкісцкую дыктатуру 1936-1975 гадоў і яе дзеячаў».
Заснавальнік кампаніі PandaDoc Мікіта Мікада замарозіў ініцыятыву кампаніі Protect Belarus па дапамозе супрацоўнікам сілавых ведамстваў, якія страцілі працу, бо «адмовіліся выконваць злачынныя загады».
Міністар унутраных спраў Беларусі Юры Караеў накіраваў у Палату прадстаўнікоў зварот, у якім гаворыць пра неабароненасьць сваіх супрацоўнікаў, якія выступаюць сьведкамі падчас адміністрацыйных працэсаў, і прапануе зьмяніць закон, каб абраніць іх і іхныя сем’і.
Sandvine Inc., тэхналягічная кампанія, якую падтрымлівае прыватная інвэстыцыйная кампанія Francisco Partners, скасавала ўгоду зь Беларусьсю, заявіўшы, што ўрад выкарыстоўвае яе тэхналёгіі для парушэньня правоў чалавека.
У Магілёве асудзілі ўдзельніцу Маршe герояў Ірыну Пятрову, якая з акцыі пратэсту несла 30-мэтровы бел-чырвона-белы сьцяг. Яе пакаралі штрафам у 405 рублёў.
Аляксею Курачову 20 гадоў. Яго затрымалі ў Менску ў ноч на 13 жніўня і доўга білі — спачатку пры затрыманьні, потым у аўтазаку. Аляксей расказвае, што ў нейкі момант зрабіў выгляд, што страціў прытомнасьць, каб сілавікі перасталі яго біць.
Супрацоўнікі «Гродна Азот» паведамляюць пра аварыйнае спыненьне некалькіх цэхаў. Кажуць ламалася абсталяваньне. Падобных аварый не было ў апошнія гады.
Больш за паўмільёна даляраў патрацяць на закуп 25 сьмецьцевых кошыкаў для лячэбна-працоўнага прафілякторыю Віцебску, вынікае з тэндэру на сайце дзяржзакупаў.
Выбары ў Беларусі, магчыма прайшлі не ідэальна, але народ зрабіў свой выбар, заявіў кіраўнік беларускага МЗС Уладзімер Макей, камэнтуючы выступ кіраўніка зьнешнепалітычнай службы Эўразьвязу Жузэпа Бурэля на сэсіі Эўрапарлямэнту.
Група замежных юрыстаў рыхтуе дакумэнты для прыцягненьня кіраўніка Беларусі Аляксандра Лукашэнкі да адказнасьці ў міжнародным судзе Гаагі, заявіў экс-прэтэндэнт на пасаду прэзыдэнта Беларусі Валер Цапкала ў відэа, якое ён апублікаваў на сваім YouTube-канале.
Хідэр Шкляр, супрацоўніца Дзярждэпартамэнту ЗША і жонка паліттэхноляга Віталя Шклярава, які ўтрымліваецца пад арыштам у менскім СІЗА, расказала пра яго дрэннае самаадчуваньне і забарону на абмен лістамі.
Двухпартыйная група з 13 сэнатараў прадставіла рэзалюцыю, якая заклікае ўвесьці адрасныя санкцыі ў дачыненьні да беларускіх чыноўнікаў, адказных за падаўленьне мірных дэманстрацый у краіне.
Падборка яскравых фатаздымкаў Уладзя Грыдзіна з моманту пачатку выбарчай кампаніі ў Беларусі і да канца жніўня, калі ў яго забралі акрэдытацыю карэспандэнта Свабоды.
Прышчапляць ад каранавіруснай інфэкцыі прэпаратам з Расейскай Фэдэрацыі ў Беларусі пачнуць «літаральна празь месяц». Пра гэта паведаміў у аўторак тэлеканал «Беларусь-24» са спасылкай на выканаўцу абавязкаў міністра аховы здароўя краіны Дзьмітрыя Піневіча.
Сотні артадаксальных юдэяў — хасідаў, якія ехалі ва ўкраінскі горад Умань сьвяткаваць Новы год, застаюцца на нэўтральнай паласе паміж Беларусьсю і Ўкраінай. Украінскія ўлады не пускаюць іх на сваю тэрыторыю праз каранавірус.
Людзі бачаць, што ўлада, спрабуючы задушыць грамадзкі пратэст, выдыхаецца і фізычна, і маральна. «Сілавікоў» не хапае на ўсіх; зь дзяржаўнай сыстэмы пачалі сыходзіць службоўцы.
Кіраўнік расейскай дзяржаўнай карпарацыі «Роскосмос» Дзьмітры Рагозін заявіў, што «Вэнэра — гэта расейская плянэта». Паводле яго, Расея плянуе адправіць на другую плянэту ад Сонца ўласную экспэдыцыю.
Судзьдзя ў пастанове ўказала: тое, што айцішнік Павал Манько заключыў дамову з адвакатам, кажа пра тое, што ён загадзя меў намер удзельнічаць у несанкцыянаваных акцыях, піша Tut.by.
Кацярыну Андрэеву і Максіма Калітоўскага аштрафавалі на 1375 рублёў кожнага за «парушэньне заканадаўства аб СМІ» (справу аб «непадпарадкаваньні міліцыі» «накіравалі на дапрацоўку»), перадае БАЖ.
Нягледзячы на пандэмію, у Бэрліне распачаўся традыцыйны міжнародны літаратурны фэст. Сярод гасьцей Internationales Literaturfestival Berlin — мноства літаратурных зорак.
15 верасьня адвакатка Людміла Казак падала хадайніцтва аб спыненьні крымінальнага перасьледу Марыі Калесьнікавай.
Заснавальнік і генэральны дырэктар Wargaming Віктар Кіслы даў вялікае інтэрвію расейскаму выданьню «Канобу». Сярод іншага, у ім закранулі апошнія палітычныя падзеі ў Беларусі і рэакцыю кампаніі на іх.
Студэнты юрыдычнага факультэту БДУ ў Менску «паказалі сучасную мадэль беларускай Фэміды», прадэманстраваўшы парушаныя артыкулы Канстытуцыі Беларусі.
Парлямэнцкая асамблея Рады Эўропы (ПАРЭ) «рашуча асуджае празьмернае прымяненьне сілы» супрацоўнікамі сілавых ведамстваў супраць мірных дэманстрантаў у Беларусі.