Новости за 26.04.2024

Педагогика фәннәре докторы, Россиянең атказанган тренеры, «Балалар спорты» һәм «Бердәм Россия» белән минем карьера» партия проектларының төбәк координаторы Ольга Павлова алдан тавыш бирүдә катнашу өчен документлар тапшырды. Бу хакта «Бердәм Россия» партиясенең матбугат хезмәте хәбәр итә.

Татарстан Дәүләт Советы Рәисе Фәрит Мөхәммәтшин Telegram-аккаунтының ялган игезәге барлыкка килгәннән соң язылучыларын уяу һәм сак булырга чакырды.

«Салават күпере» һәм «Сабантуй» журналлары баш мөхәррире Зилә Фәйзуллина Татарстан Рәисе Рөстәм Миңнехановның татар җәмәгатьчелеге белән очрашуында СалаваTik лар мәктәбен җиһазландыруда ярдәм сорады.

Быел Габдулла Тукайның туган көненә һәм Туган тел көненә багышланган төп чараларының берсе - «Печән базарында» театраль-цирк тамашасы Казан циркында узды. Программаны 8 көн дәвамында 16 мең кеше караячак.

Татарстанда яңа исемле батальон барлыкка киләчәк. «Татар-информ» агентлыгына билгеле булганча, аны «Батыр» дип атаячаклар.

«Идел» татар һәм рус журналларының баш мөхәррире Рәмзия Галимова Татарстан Рәисе Рөстәм Миңнехановның татар җәмәгатьчелеге белән очрашуында журналларны югары һәм махсус урта уку йортларында сату мөмкинлекләрен булдыруда ярдәм сорады.

Россия Гадәттән тыш хәлләр министрлыгының ТР буенча Баш идарәсе башлыгы вазифаларын вакытлыча башкаручы Ирек Кадамов Радиацион аварияләр һәм фаҗигаләрдә һәлак булучыларны искә алу көнендә татарстанлыларга мөрәҗәгать итте.

Татарстан Рәисе Рөстәм Миңнеханов Telegram-каналында Казан Кремлендә бер төркем туристлар белән кыскача әңгәмәнең видеоязмасын куйган.

Татар халкының даһи улы, бөек шагыйре Габдулла Тукайның Казандагы һәйкәленә чәчәк салу тантанасыннан соң Бөтендөнья татар конгрессының татар яшьләре белән эшләү комитеты җитәкчесе Алмаз Хәлиуллин «Татар-информ» хәбәрчесенә үзенең фикерләрен җиткерде.

Бүген, Габдулла Тукай туган көнендә, Казан Кирмәненең гавәми урыннарында Татарстан Рәисе Рөстәм Миңнеханов татар җәмәгатьчелеге белән очрашты. Балаларда, яшүсмерләрдә телгә кызыксыну уятуга кагылышлы мәсьәләләр күтәрелде. Рәис бу өлкәдә хәзер башкарылган эшләрнең нәтиҗәсе ун елдан булачак дигән фикерен әйтте.

Агымдагы елның 15-22 апрелендә Татарстанда барлык маркалардагы бензин һәм дизель ягулыгы кыйммәтләнде. Татарстанстат мәгълүматлары шуны раслый.

Бу ялларда Татарстан халкын чираттагы температура рекорды көтәргә мөмкин. Синоптиклар вәгъдә иткәнчә, шимбә һава температурасы +25..+30 градуска кадәр күтәреләчәк. Бу хакта республика Гидрометеорология һәм әйләнә-тирә мохитне күзәтү идарәсе хәбәр итә.

«ШаянТВ» телеканалы «Шаян мультфильм» студиясе өчен Татарстан Рәисе Рөстәм Миңнехановтан ярдәм сорады. Бу хакта республика җитәкчесенең татар җәмәгатьчелеге белән очрашуында «Шаян ТВ» каналында эшләүче Аяз Әгълиуллин сөйләде.

Татарстанда Кече Зәңгәр, Зур Зәңгәр һәм Агым күлләрдә су керү тыелды. Бары тик мәгълүмати билгеләр куелган һәм коену өчен рөхсәт ителгән вакыты күрсәтелгән махсус билгеләнгән урыннар гына искәрмә булачак. Шул хакта ТР Министрлар Кабинеты карарын республика Премьер-министры Алексей Песошин имзалаган.

Кичә Россия ислам институты бинасында Татарстан мәдрәсәләре һәм ислам югары уку йортлары шәкертләре арасында татар теле, татар әдәбияты һәм татар халкы тарихы буенча IV Республикакүләм олимпиада, урта һөнәри ислам уку йортлары студентлары арасында ислам фәннәре һәм гарәп теле буенча төбәкара олимпиада җиңүчеләре билгеле булды.

«Апуш» татар балалар театр студиясе җитәкчесе Алия Фәйзрахманова Татарстан Рәисе Рөстәм Миңнехановның татар җәмәгатьчелеге белән очрашуында татар балалар театрлары фестивальләре өчен грантлар булдыру мөмкинлеге турында сорады.

Татарстанда 2024 елның беренче кварталына минималь куллану бюджеты билгеләнә. Аның күләме 23 381 сум тәшкил итәчәк, диелә ТР Хөкүмәтенең карар проектында. Хәзерге вакытта документ коррупциягә каршы экспертиза уза.

«Ялкын» журналы баш мөхәррире Илназ Фазуллин Татарстан Рәисе Рөстәм Миңнехановны журналның 100 еллык юбилей бәйрәменә чакырды. Бүген ул бу хакта республика җитәкчесенең татар җәмәгатьчелеге белән очрашуында сөйләде.

ТР Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов бүген Татарстан Рәисе Рөстәм Миңнеханов белән очрашуда чыгыш ясады.

Казан Кремлендә Татарстан Рәисе резиденциясенең Тантаналар залында Тукай премиясе лауреатлары игълан ителде.

Бүген Казанда милләтнең бөек шагыйре Габдулла Тукайның туган көне уңаеннан чаралар үтә. Иртән Татарстан Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, Татарстан Язучылар берлеге вәкилләре һәм киң җәмәгатьчелек Тукай һәйкәленә чәчәкләр салу тантанасында катнашты.

Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов Казанда тагын татар мәктәпләре ачуга ихтыяҗ булуын әйтте. «Казанның тагын бер-ике районында чиста татар мәктәпләре булсын иде, дигән хыялым бар», - дип мөрәҗәгать итте ул Татарстан Рәисе Рөстәм Миңнехановка.

Мошенниклар телеграмда ТР Дәүләт Советы Рәисе Фәрит Мөхәммәтшинның ялган аккаунтын ясаган. Билгесез кешеләр аның исеменнән ялган хәбәрләр җибәрә. Депутат Эдуард Шәрәфиев телеграм-каналында шул хакта хәбәр итте, дип яза «Татар-информ».

Россия Банкы төп ставканы инфляция куркынычы сәбәпле «тотып тора» - югыйсә ул Төркия һәм башка кайбер илләрдәге кебек ике урынлы дәрәҗәгә җитәргә мөмкин. РФ Президенты Владимир Путин Россия сәнәгатьчеләр һәм эшкуарлар берлеге съездында шулай дип белдерде. Бу хакта ТАСС агентлыгы хәбәр итә.

Бүген, Габдулла Тукай туган көнендә, гадәттәгечә, Казан Кремленең гавәми урыннарында Татарстан Рәисе Рөстәм Миңнехановның татар җәмәгатьчелеге белән очрашуы уза.