Новости за 12.02.2015

Яр Чаллының аз гаиләлеләр яши торган бер йортында куркыныч хәл була. Кичә кичке җиделәр тирәсендә үз өендә 48 яшьлек хуҗаның мәетен табып алалар. 

Зәйдә торак милекчеләре ширкәтләре еллык эшчәнлеккә халык алдында хисап тота башлады. Шәһәрнең татар гимназиясе актлар залында “Зәй торак-коммуналь хуҗалык идарәче компания“ җаваплылыгы чикләнгән ширкәте күпфатирлы йортларда яшәүчеләр алдында хисап тотты. Әлеге ширкәткә Зәйдә - 83, авыл җирлекләрендә 13 йорт карый. Аның иктисади эшчәнлегендә төп юнәлеш булып торак фондын эксплуатацияләү һәм идарә итү тора. Торак фондына  подрядчы оешмалар - “Жилремстройсервис” белән “Заинскровля”  җаваплылыгы чикләнгән ширкәтләре  хезмәт күрсәтә. Читать дальше...

Казанда яшь журналистлар өчен «Медиабитва» бәйгесе үткәреләчәк. Ул «Информационный поток» федераль проектының төбәк бүлекчәсе тарафыннан оештырыла.

5 мең сумлык ялган банкнота биреп “баерга” уйлаган 60 яшьлек ир затын кулга алганнар.

Элемтә һәм мәгълүматлаштыру министрлыгы коллегиясе утырышында ведомство башлыгы, ТР Премьер-министры урынбасары Роман Шәйхетдинов 2015 елда, Әдәбият елында, барлык республика һәм муниципаль районнарның үзәк китапханәләрендә, шулай ук Казан һәм Яр Чаллыда үзәк китапханә филиалларында да бушлай Wi-Fi булачак, дип белдергән.

42 яшьлек ир-ат 2010 елның октябрендә үз өендә 9 яшьлек кызына өлкәннәр өчен генә тәгаенләнгән кино күрсәтә һәм аны көчли.

Таләпләрнең катгый булуына карамастан, спиртлы эчемлек кулланган хәлдә руль артына утыручылар очрап тора. Соңгы атнада гына да Зәй ЮХИДИ хезмәткәрләре салган хәлдә машина йөртүче 6 кешене тоткарлаганнар. Бу - шушы кадәр һәлакәтне булдырмый калуга тиң.

Быел республикада  яшүсмерләрнең буш вакытларын файдалы итеп үткәрү урыннарын уңайлы итү максатында “Яшүсмерләр клубларын капиталь төзекләндерү” программасы старт ала. Әлеге программага  Зәй шәһәренең дә ике яшүсмерләр клубы кертелде. Аларның берсе - Энергетиклар урамы 11нче йортта урнашкан “Яшьлек” клубы, икенчесе -“Вираж” яшүсмерләр автомотоклубы. “Яшьлек”тә тендер откан подрядчы оешма төзекләндерүне башлады инде. Биредә республика бюджеты хисабыннан 600 мең сумлык күләмле эш  үткәрү планлаштырыла. Читать дальше...

Түбән Кама районының бер авылында ике бала атасы былтыр көз хатынын җирләгән булган. Анысы җиденче кат тәрәзәсеннән егылып төшеп үлгән. Шушы хәлдән соң гаилә башлыгы эчә башлаган, хатыны каберенә еш бара торган булган. Көннәрдән беркөнне ул «Мин сиңа барам. Балалар, гафу итегез!» дигән записка калдырып, йорт верандасында асылынган.

Сыйныф җитәкчеләре конкурсы

Сыйныф җитәкчеләренең  осталык конкурсларында быел 300 дән артык педагог катнашты.

Алар башта мәктәпләрендә көч сынаштылар, аларда җиңеп чыккан 24 укытучы куст берләшмәләрендә осталыкларын күрсәттеләр. Ә район конкурсында 9  класс җитәкчесе ярышты. Нәтиҗәдә җиңүче итеп Түбән Әлки урта мәктәбенең тугызынчы сыйныф җитәкчесе Камальдинова  Фәнзилә танылды. Икенче – өченче урыннарда Базарлы Матак мәктәбеннән Галия Сафина һәм Хузангай мәктәбеннән Любовь Мукусева. Читать дальше...

Кече күләмле судноларны йөртүгә хокукны хәзер Зәйдә дә алырга була. Моның өчен Яңа шәһәрнең 1/03 йортында укулар узып, таныклык алу мөмкинлеге бар. Кече күләмле суднолар белән идарә  итүгә таныклык алу бәясе 1300 сум тора. Таныклыкны алыштыру -650, исем, атаңның исемен, фамилияңне алыштыру сәбәпле, аңа үзгәреш кертү өчен -350, югалту сәбәпле, дубликат алганга 1300 сум түләргә туры киләчәк. Судноларны теркәүдә дә үзгәрешләр бар, хәзер аларны теркәү - 1600, кече судноларга милеккә хокукны теркәү исә 800 сум тора... Читать дальше...

Зәй - Олимпия чемпионы Федор Симашевны биргән төбәк. 13 мартта чемпионның тууына 70 ел тула. Әлеге уңайдан “Ялта-Зәй” чаңгы базасында  якташыбыз Федор Петровичны искә алу кичәсе булачак, аның туган авылында да  юбилейга әзерлек эшләре бара.

Узган ел Зәйнең  халык телендә “зәңгәрсу” район дип аталучы бистәсендә 140 урынлы балалар бакчасы төзелгән иде. Агымдагы елда да район бакча төзү буенча республика программасына керде. Һәм бу көннәрдә Яңа шәһәрдә “Яшлек” боз сарае янында бакча төзү эшенә керештеләр. 140 урынга исәпләнгән бакчаны Казаннан «ТеплоЭнергоМонтажН» җаваплылыгы чикләнгән ширкәте төзи. Төзелеш эшләре агымдагы елның 1 августына тәмамланыр дип көтелә. 

26.8.1962, в. Маркава, Маладэчанскі раён — 27.12.2010, паблізу г. Алітуса, Літва. Пахаваная ў в. Маркава. Частку праху разьвеялі каля в. Мілідаўшчына, Смаргонскі раён.