Новости за 22.12.2017

"Новости" агенталло яздарехь, Гуьмсехь дIаяьхьначу операцехь лоьхуш хилла федералан лехамашкахь болу ЯмадаевгIеран вежарий Iийса а, Бадруди а. Чоьхьарчу гIуллакхийн министралло Алханов Руслана бина и хаам. Операцехь дакъалоцуш хилла полисхой а, меттигерчу администрацин белхахой а. "Тхоьга информаци кхаьчнера, лехамашкахь волу ЯмадаевгIеран ши ваша Iийса а, Бадруди а къайлах цIа вогIий, дIавоьду, аьлла. Оцу билгалъяьккхинчу кварталехь полисхоша талламаш бина паспорташка а хьуьйсуш", - аьлла "Грозный" телеканалан эфирехь. Читать дальше...

Шемахь "Исламан пачхьалкх" шех олучу террорхойн тобанхошца болийна къийсам берзанза бу. Iамеркан президентан ДаIишца къийсам латточу леринчу векало Макгурк Бретта бина и хаам Террорхой эшийна бохуш, Оьрсийчоьнан Iедалша дечу дIахьедарех Iамеркан Цхьанатоьхначу Штатийн администрацехь тешаш бац. ХIинца а Шемахь а, Иракъехь а вуьсуш ву, леринчу векалан хаамашца, 3 эзар гергга джихIадхо. ТIеман контингент Шемара араяьккхина Москоха бахахь а, Оьрсийчоьнан тIеман ницкъаш долуш ду цигахь аьлла, билгалдаьккхина Макгурка. Читать дальше...

Навальный Алексейн коррупцица къийсам латточу фондо бинчу талламашкахь, Оьрсийчоьнан президентан пресс-секретара  Парижехь петар эцна бахар тIе ца дуьту ша Песков Дмитрийс. РБК агенталло бо и хаам. Стохка гурахь 125 миллион сом ахча а делла, Песков Дмитрийс петар эцарх хаамаш зорбане баьхнера хьалхо Навальный Алексейс. Фондан хаамашца, Песковн хиллачу зудчун Солоцинская Екатеринин а, йоьIан Пескова Елизаветин а цIарах йолчу компанина тIе язйина ю и петар. И хIусам эца ахча мичара даьлла, хууш дац. Читать дальше...

Мухьаммад Пайхамарна лерина тоьлла байт, дийцар я хьехам кечбинчунна  iPhone 10 телефон а кхачош, конкурс кхайкхийна Нохчийчохь карарчу беттан 22-24-чу деношкахь. Мехкан куьйгалхочо шен Инстаграмерчу пена тIехь бина цу къовсамах хаам: "Республикехь хаддаза дIакхоьхьу КъурIан дика хуург къастош, хадисаш девзарг билгалвоккхуш, къийсадаларш.  "Вайнах-Телекоме" хьошалгIа ваханчохь суна совгIат дира iPhone 10 телефонца. Байт, я хьехам, я дийцар Мухьаммда Пайхамарх лаьцна яздинчунна и телефон совгIатна яла дагадеана суна", яздина Кадыровс.

Нохчийчоьнан куьйгалхо Кадыров Рамзан Iамеркан Цхьанатоьхначу Штаташа "Магнитскийн тептаре" язварх комментари йина  бакъонашларъярхочо Саратова Хедас а. "Iамеркан политика бахьанехь Гергарчу Малхбалехь хIаллакхуьлучу нехан бакъонаш шена пайда а ца лоьхуш ларъеш, схьавогIуш ву мехкан куьйгалхо. Со цец ца яьккхина Iамерко. Цхьанатоьхначу Штаташа адамийн а, шайн лаамерчу пачхьалкхин а бакъонаш хьешна ца Iаш, тоьллачу дахаре сатесна, шайн махка баха баьхкинарш хIаллакбо", аьлла Саратовас. ФБР-н белхахоша... Читать дальше...

"Кавказан узел" агенталлан журналистна Прудников Вячеславна герз тоьхна Ростовн кIоштахь динчу тIелатарехь. "Кавказан узел" агенталлехь ша болхбеш хиларца доьзна Прудниковс шена дина тIелатар. Журналисто бахарехь, герзаца болчу наха цунна тIелатар дина пIераскан дийнахь Красный Сулин гIаларчу кешнаш долчу меттигехь. Журналистикаца доцчу гIуллакхца вара ша цу меттехь аьлла цо. "Масех сурт даккха дагахь фотоаппарат схьаэцнера ас. Оцу минотанна тIекхаьчначу машенчуьра охьавоьсинчу стага хеттарш дира соьга, хьо хIун деш ву, бохуш. Читать дальше...

"Магнитскийн глобалан низаман" гурашкахь Iамеркан Цхьанатоьхначу Штаташа шорйина шаьш тоьхна санкцеш. Iамеркан финансийн министраллан сайтехь болчу хаамца, тептарехь Оьрсийчоьнан Инарла прокуроран Чайка Юрийн кIант Чайка Артем а, Узбекистанан хиллачу президентан Каримов Исламан йоI Каримова Гульнара а, Киеверчу "Беркутан" хилла лидер Кусюк Сергей а ву. Зорбане даьккхинчу тептарехь ерриг а 37 организаци а, 15 стаг а ву. Пресс-релиз тIехь яздарехь, активаш, контракташ схьаэцархьама а, бизнес-конкуренташна тIеIаткъам бархьама а... Читать дальше...

Грозненск кIоштарчу кхело листина даьлла меттигерчу яхархочунна 42 шо долчу Юсупова Луизина дуьхьал даьккхина бехкзуламан гIуллакх Билгалдаьлла, Грозненск кIоштарчу ГIуларехь кху гурахь Юсуповас оперативан барамаш дIахьочу белхахочунна баккхийчу барамашкахь йохка дагахь марихуана нисйина хилар. Таллам бича зудчуьнгахь карийна наркотикаш йоьхкина ахча а. Юсупова бехкехилар тIе а чIагIдина, кхело сацам тIеэцна цунна набахтехь даккха 8 шо хан тухуш.

Гуьмсехь еаридийнахь дIаяьхьначу леринчу операцех керла хаамаш билгалбевлла "Росбалтна". Цара бахарехь Ямадаев Iийсан цIа шайн карадерзош хилла Iедалхой. Оцу хьолана герга хиллачу стага агенталлана дийцарехь, ЯмадаевгIеран баккхий доьзалаш бехачу Гуьмсерчу Горькийн цIарахчу урамехь масех бIе туьтмIаьжгаш йоьхначу эскархоша спецопераци дIаяьхьнера. ТIаьхьо гучудаларца, уьш хиллера Гуьмсера а, Хоси-Юьртара а, кхечу кIошташкара а полисхой. ЯмадаевгIар бехачу квартална го а бина, хIусамаша чу а лелахш... Читать дальше...

Шеларчу шина урамера цIенош ду дохош кху деношкахь. Iаьнан Iуьйранна чуьра арабохуш бу нах. Керлачу шарна "Шали-сити" комплекс йина ялийта тIетаьIна Iедалхой. Шайн хIусамашкара арабаьхначу нахана эвлан йистехь латтанаш делла цIенош дан. Бахархой реза бац, амма шайна хетарг дIаала хIуьттуш бац Iедалх.